Bandièra01 capçalera  1180x150: Novestivada

Actualitats

crotz-tolosaCreated with Sketch.GasconhaVal d'Aran

Ara hè 5 ans. Era Crotz de Sant Jòrdi entath religiós aranés Mn. Jusèp Amiell

Qu'ei eth prumèr viatge qu'eth naut guerdon de Catalonha s'autrege a un ciutadan aranés

| Generalitat de Catalonha



Era arrason d'aguesta nauta arreconeishença qu'ei eth "constant prètzhèt de recèrca, preservacion e promocion qu'a hèt der auviatge, des tradicions e dera lengua dera Val d'Aran, ara qu'a tradusit eth Nau Testament, e tanben pera sua trajectòria pastorau en Avescat d'Urgelh, restacada singularments ara Val d'Aran, d'a on ei estat archiprèire".


Diuendres 20 d'abriu se debanèc en Palai dera Generalitat de Catalonha er acte de liurament des guerdons dera Crotz de Sant Jòrdi. Un des premiadi qu'ei estat eth religiós aranés Mn. Jusèp Amiell.

En acte i a assistit ua nauta representacion des autoritats dera Val d'Aran, entestades peth Sindic d'Aran, Carlos Barrera, e d'auti membres deth Conselh Generau d'Aran e des Ajuntaments deth país. An tanplan presenciat er acte representants der Avescat d'Urgell e familhaus deth monsen de Garòs.

Eth Govèrn dera Generalitat de Catalonha qu'a autrejat era Crotz de Sant Jordi a 25 personalitats e 15 entitats qu'an destacat pes sòns merits e pes sòns servicis a Catalonha ena defensa dera sua identitat en encastre civic e culturau.

Era Crotz de Sant Jordi qu'ei ua des arreconeishences mès granes qu'autrege era Generalitat de Catalonha. Eth guerdon se creèc en 1981 entà distinguir es persones e es associacions que, pes sòns merits, agen prestat servicis destacadi a Catalonha. Tot ciutadan, o grop de ciutadans de Catalonha, que pòt demanar que s'autrege aguest guerdon a bèra persona o a bèra entitat.

Mn. Amiell qu'ei eth prumèr canonge dera Val d'Aran dempús deth sègle XVIII, quan eth país passèc der avescat de Comenge ar avescat d'Urgelh. Qu'ei tanben eth prumèr viatge qu'era Crotz de Sant Jòrdi s'autrege a un ciutadan aranés.



Josep Anton Castet / Ferriòl Macip


Per reproduir correctament aquest contingut és necessari instal·lar el programari Adobe Flash Player. Si us plau, baixeu-vos l'última versió, només us requerirà uns instants.



abonar los amics de Jornalet



 

 

Etiquetas

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Francesc Palma
1.

Los religioses solen ser personas cultas que poden defensar la nostra lenga e cultura d'una maniera pro importanta. Recordi l'abat Salvat que amb la letra tremolosa encara escrivia als amics d'Occitània d'arreu. Faguet una gramàtica occitana e escrivia en la revista Lo Gai Saber. Se hi hagués mai religioses coma el seria tot mai fàcil per Occitània.

  • 1
  • 0

Escriu un comentari sus aqueste article