Bandièra01 1180x150: Comuna de Tolosa

Actualitats

Brasil: protèsta dels pòbles autoctòns

Entre d’autras causas, planhon la creacion de leis per reduire e suprimir las demarcacions de las tèrras indigènas

| Mobilização Nacional Indígena
De milièrs d’autoctòns, e de personas solidàrias amb lor combat, marchèron per carrièras de Brasília lo 25 d’abril passat dins l’encastre del 14n Campament Tèrra Liura. La capitala brasilièra vegèt aquel jorn mai d’una mobilizacion en protèsta contra l’anullacion de las demarcacions de las tèrras indigènas, çò que lor prendriá, en favor del govèrn federal, las paucas competéncias que ne benefícian sus lor territòri.
 
Qualques manifestants ensagèron d’intrar dins lo bastiment del parlament e foguèron durament reprimits per la polícia, que denoncièt un atac dels indigènas amb de sagetas. Per contra, l’Organizacion dels Pòbles Indigènas de Brasil argumentèt que la polícia los “aviá provocats” e “reprimits”
 
De grops de femnas faguèron un debat a l’entorn de l’organizacion del combat indigèna femenin.
 
 
Situacion extrèma
 
En març passat, a Barcelona venguèt Ládio Veron, de la comunautat Takuara del pòble guaraní kaiowá. Veron faguèt son viatge per explicar la situacion de gravetat extrèma que patisson los pòbles originaris de Brasil, dont la violéncia contra las personas, las destruccion e contaminacion de lor environament e la creacion de leis per reduire e suprimir las demarcacions de las tèrras indigènas.
 
Veron foguèt elegit per far aquel viatge dins una granda assemblada dels guaranís kaiowás, amb la tòca d’establir de contactes en Euròpa per batir un ret internacional de sosten a lor causa e convidar las organizacions engatjadas a vesitar lor país, per fin que vejan la situacion sus plaça e que coopèren ensems.
 
De recordar qu’a la fin de 2012 e al començament de 2013, lo collaborador de JornaletDídac Cerezo foguèt lo sol europèu del grop internacional que faguèt lo bloquièr uman sus plaça davant la violéncia que patisson los guaranís kaiowás. Aquí rescontrèt Ládio Veron, qu’èra un dels menaçats de mòrt de la part dels grands proprietaris de Brasil.
 
 


abonar los amics de Jornalet
 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

"Tàrrega" Igualada (PP.CC.)
3.

Em deien que els Guaranis, es suïcidaven, que ja no ho suportaven mès, el que és fa els indjenes del Brasil i l'Amazònia en general es terrible, els ho destrueixen tot, i a nosaltres també, n'hauriem d'apendre tant d'ells i ho perdem tot.
Fins quan?
Visca la Terra...Lliure!
L'Ernest, "El Tàrrega".

  • 0
  • 0
Francesc Palma
2.

Ara que governa la dreta volen aprofitar los capitalistas per far sos grans afaires explotant e matant als indigenas de sas terras. Criminals !

  • 0
  • 0
ivan rolador/RS Brasil
1.

mes de 13% del territori del Brasil es demarcat molta gent ha estat expulsada de les seues terres on han crescut com si fossin extrangers per causa de l´ambició de ong´s que guanyen per cada demarcació i per mantenir indigines en una situació de miseria i aillament pero en ple goig dels seus ''drets''.

  • 2
  • 0

Escriu un comentari sus aqueste article