CAPÇALERA: publicitat jornalet
CAPÇALERA2: FAI-TE SOCI

Jornalet, gaseta occitana d'informacions

Dijòus, 19 de setembre

Actualitats

Dissabte, 29 de setembre de 2012, 03h00 Societat,Politica,Economia

Lengadòc > Gavaldan > Aubrac

La Guiòla es pas proprietària del sieu nom

Un entrepreneire de cotèls parisenc n’enregistrèt lo nom coma marca depausada en 1993


Comentaris 6 comentaris    
Marrit Flac Bon Plan bon Fabulós (3 vòtes)
carregant En cargar


La vila roergassa de La Guiòla (Aubrac), celèbra per la siá fabricacion de cotèls dempuèi lo sègle XIX, l’an despossedida del sieu nom. Un entrepreneire de cotèls n’enregistrèt lo nom coma marca depausada en 1993. Après far apelacion a la justícia, un verdicte empedís la vila de contunhar d’esplechar lo sieu nom. La comuna apèla a l’indignacion e un acte de protèsta se debanarà dimècres en retirant los panèls d’intrada de la vila.


Lo toponim contra la marca. Depausada en 1993 per Gilbert Szajner, la marca Laguiole (en francés) es la proprietat d’aquel particular parisenc (de la Val de Marna) qu’esplecha la comercializacion de cotelariá e que fa tanben de farda per l’ostal, de vestits, de batifuòcs e de barbacoas, importats mai que mai d’Asia. “A depausat Laguiole dins 38 classas, una vertadièra telaranha!”, çò planh Vincent Alazard, cònsol de la comuna de 1300 abitants. “Ai pas res contra el, mas contra lo drech que li permet de far aquò!”, apond Alazard.
 
Privada de la possibilitat d’emplegar lo sieu nom, la comuna de La Guiòla se sentís victima de “parasitisme” economic. Es per aquò que demandèt al tribunal de granda instància de París de prononciar la “nullitat de las marcas” e l’“engana” cap als consumaires sus l’origina dels produches.
 
Dijòus passat, la justícia retenguèt pas aquelas rasons, en estimant que la notorietat de la vila es pas establida. Se lo vilatge de 1300 abitats es conegut, aquò es pels sieus cotèls, e per aquò lo nom es vengut generic, quitament per totes aqueles cotèls que son pas fabricats a La Guiòla. Aquela decision confirma la “predominància del drech de las marcas sul drech al nom”, çò planh Carine Piccio, avocata de la comuna.
 
Es somesa, la toponimia, al drech de la proprietat industriala? Un expèrt d’aquelas questions juridicas, en de declaracions a Le Figaro, ditz que òc: “Se las vilas an pas depausat lo lor nom, ne son pas proprietàrias davant la lei e doncas pòdon pas far valer cap de drech”.
 
A La Guiòla, son espantats davant aquela “inèpcia juridica”, qu’es un còp dur per l’economia locala. “De chineses pòdon emplegar lo nom de la nòstra comuna en tota legalitat del temps que nosautres i vivèm e desvolopam lo saber-far dempuèi de decennis”, çò ditz lo cònsol tot còrfendut.
 
Lo cònsol a amassat lo sosten de fòrça elegits de la region e dels grands noms de la comuna, de cotelièrs, de formatgièrs, etc. An quitament escrich a François Hollande per denonciar “una situacion inica” ont de “noms de vilas o vilatges pòdon venir proprietat de grops industrials, de la granda distribucion o d’un autre luòc, tan franceses coma estrangièrs”. Rèsta l’espèr d’un enen recors amb una apelacion al jutjament, e que lo conselh municipal ven de s’i dire favorable.
 
Un autre espèr que dona tanben un pauc de motivacion a las gents de La Guiòla, es la possibilitat d’obténer una indicacion geografica protegida (IGP). S’agís d’un labèl europèu d’origina de qualitat que, fa gaire, encara se reservava als produches alimentaris. Aquò permetriá d’autentificar l’origina e de defendre los noms geografics. Son a o estudiar amb lo Ministèri de l’Agricultura.
 
Seriá benlèu bon per la vila d’oficializar lo nom de la vila, e dels produches que s’i fan, en occitan. Benlèu aital, amb lo saber-far de la vila aubraquesa, la denominacion Laguiole auriá lo prestigi dels cotèls faches en China del temps que la denominacion La Guiòla auriá lo prestigi dels produches faches al país. E en mai d’aquò, aurián mai d’autenticitat.



publicitat
BANER1-2-3: DGPL TRADUCTOR



Comentaris

29 de setembre 18.15h

Aquí lo mercat versus l'uman. Cossí se far qu'una entrepresa se pòsque rendre proprietaria d'un nom? E onte son los dreches de la comunitat d'òmes e de femnas del vilatge de La Guiòla? D'aicí que lo vilatge deguèsse balhar de moneda per contunhar de se dire de son nom ! Aquò me far pensar a una batèsta passada que acarava lo cantaire Prince a son ostal de disques per d'escuras rasons d'argent e podiá pas mai se sonar de son nom d'escèna en public. Trobèt una ficela en se far nomar ... Legir mai


Valoriza aqueste comentari:   votar positiu 3   votar negatiu 0
Respondre comentari replica Comentari inadeqüat   Formulari d'abús de comentari

29 de setembre 11.23h

Espèri que lo Cònse legís Lo Jornalet...


Valoriza aqueste comentari:   votar positiu 3   votar negatiu 0
Respondre comentari replica Comentari inadeqüat   Formulari d'abús de comentari

29 de setembre 10.31h

Bòna solucien. En occitan serà un biais de se demarcar.
Autrament, mi fa pensar a Sant Tropès que la comuna aviá depausat lo nom en marca comerciala. Tòcon un % sus lei camiás e autrei sovenirs amb aquèu nom.


Valoriza aqueste comentari:   votar positiu 2   votar negatiu 0
Respondre comentari replica Comentari inadeqüat   Formulari d'abús de comentari

29 de setembre 10.22h

#2 Fantastic, Pirolet : aiçò's la solucion totala, definitiva, perfaita !


Valoriza aqueste comentari:   votar positiu 1   votar negatiu 0
Respondre comentari replica Comentari inadeqüat   Formulari d'abús de comentari

29 de setembre 08.57h

La comuna a pas que depausar lo toponim occitan "La Guiòla" abans que qualqu'un se maine d'o far. Aital sauprem quales on los cotèls de La Guiòla e quales son de farlabica chinesa.


Valoriza aqueste comentari:   votar positiu 2   votar negatiu 0
Respondre comentari replica Comentari inadeqüat   Formulari d'abús de comentari

29 de setembre 03.44h

Una decision de «justicia» completament fòla ! Amai que la marca «Laguiole» es pas estat depausada sens pensar a aqueste canton, per far mai «autentic». Ipocrisia completa de la marca, de boycottejar, de segur !


Valoriza aqueste comentari:   votar positiu 3   votar negatiu 0
Respondre comentari replica Comentari inadeqüat   Formulari d'abús de comentari

5 -10 -20 -totes
1




Comenta

Lo comentari es estat mandat corrèctament



  Previsualiza

La direccion del Jornalet a lo drech de publicar pas los comentaris que respècten pas las nòrmas basicas d'educacion, civisme e dialòg.
publicitat
BANER1-2-3: DGPL AN LAFONT

Editorial

Lo jornalisme fa son trabalh

Lo 15 de mai passat, vesitàvem lo licèu Pierre et Marie Curie de Menton. Voliam far un pichon reportatge amb los liceans de la classa d’occitan per nòstra emission #aranésòc ...
giny

Lo temps

Mapa
  • sol Agen 15
  • sol Aush 17
  • sol Bordèu 14
  • sol Briançon 13
  • sol Caors 14
  • sol Carcassona 18
  • sol Clarmont-Ferrand 9
  • sol Confolent 12
  • sol Gap 11
  • sol La Canau 14
  • sol La Gàrdia 20
  • sol Limòtges 12
  • sol Lo Borg Sant Dalmatz 18
  • sol Lo Puèi de Velai 9
  • sol Marselha 19
  • sol Montpelhièr 19
  • sol Naut Aran 13
  • sol Niça 20
  • sol Nimes 18
  • sol Pau 16
  • sol Peireguers 14
  • sol Rodés 16
  • sol Tolon 13
  • sol Tolosa 17
  • sol Valença 12

giny

giny

Vidèos

giny

Entrevista

“Volèm recobrar la fiertat d’èsser catalans”

Jordi Riba president de l’Associacion Culturala Vibrant

“Volèm recobrar la fiertat d’èsser catalans”
giny

giny

publicitat

lateral 2 teveoc

Fotografias

  • © Laurenç Revèst

    Menton, 'a vivaroalpenca maritima

  • Sud Tolosan. © Franc Bardòu

    Concors d'estiu 2012: La fotografia de las vacanças

  • © Laurenç Revèst

    Via de Buelh a Pèunas a Valberg fins a Sant Laugier

  • Castelar

  • Minecraft en version occitana

  • © Julien Cazenave

    12.02.2019: manifestacion a Brussèlas per la libertat presonièrs politics catalans jutjats a Madrid

  • © Laurenç Revèst

    Economia occitana: fromais, lenga occitana e país d'Òc

  • © Laurenç Revèst

    Galaria fòto: La Gavotina marítima: Esa vielha, totplen de botigas e de toristas, 16 estatjants, 2 vielhs esascs, una gleia e un castèl arroïnat

  • © CD

    Escòla Calandreta dau Mas. Drap (País Niçard)

  • © Pep Casasayas

    22u corsa Aran per sa Lengua (26-7-2015)

  • © Laurenç Revèst

    Fòrt Maginòt de Sant Anhe

  • Galhac

    Octòbre de 2012 en Tèrrafòrt de Galhac Tolzan

  • Estivada 2013. © Guillem Sevilla

    Estivada 2013

  • Cap a las fonts autas d'Arièja. © Franc Bardòu

    Savartés. Cap a las fonts autas d'Arièja

  • © Laurenç Revèst

    De las charrièiras de Genolhac (500 m. d'altitud) al bèlvéser de las Bosedas (1235 m.)

  • © Laurenç Revèst

    Vista de Nimes, lengadociana per l'istòria, provençala per lo dialècte

  • © Salça Morena

    Passeaia nucleària dal Prat (vilar de Sant Dalmaç lo selvatge) a Sant Dalmaç en passar per las baissas de Boneta e de Motiera (auta valaa de Tiniá)

  • © Maria Millan

    22u corsa Aran per sa Lengua (26-7-2015)

  • Julien Cazenave

    17.02.2019: manifestacion a Brussèlas en sosten als independentistas catalans

  • País de Rasés. © Franc Bardòu

    País de Rasés

publicitat

LATERAL2 330x60: Casteth Paums



publicitat

LATERAL1 300X250: sapiéncia

Las mai...

publicitat

LATERAL1 300X250: radio pais

giny

Sondatge

Bulletin

Se vòls recebre per e-mail los grands títols de Jornalet, abona-te

Adreiça E-mail
       
avís legal
En complir la Lei de Servicis de la Societat de l'Informacion e de Comèrci Electronic e la Lei Organica de Proteccion de Donadas (de l'Estat espanhòl) t'informam que se vòls pas contunhar de recebre lo nòstre bulletin informatiu, te pòdes desabonar a travèrs d'aqueste formulari.



Etiquetas

giny





Jornalet, gaseta occitana d'informacions


Associacion entara Difusion
d'Occitània en Catalonha
(ADÒC)