Bandièra01 1180x150: Comuna de Tolosa

Actualitats

crotz-tolosaCreated with Sketch.LengadòcLengadòc NautTolosan

La Seleccion Occitana de Fotbòl jogarà dissabte una partida de l’amistat amb una seleccion dels quartiers de Tolosa

La tòca del rescontre es de far conéisser al public dels quartièrs populars la cultura occitana pel biais del fotbòl

La Seleccion Occitana de Fotbòl jogarà aqueste dissabte que ven una partida de l’amistat amb una seleccion dels quartiers tolosans. La tòca de l’eveniment esportiu es de “téisser de ligams a l’entorn de las valors de la convivéncia e de la coesion sociala, en fasent conéisser la cultura occitana pel biais del fotbòl al public dels quartièrs populars”, çò dison los organizaires, que precisan que la partida “es un supòrt per far d’animacion e crear l’escambi per aprene a se conéisser e partejar de valors comunas de paratge que las pòrta egalament la cultura occitana”.
 
Lo rescontre se tendrà 17h a l’estadi de Bòrda-Roja e es organizat per l’associacion Convivéncia, l’Art de Viure Ensems en partenariat amb l’Associacion Occitana de Fotbòl (AÒF), la Jove Entenduda Tolosana (JET), Convergéncia Occitana e la Comuna de Tolosa.
 
L'aviada la donarà Jean-Michel Lattes, 1r adjonch al cònsol de Tolosa cargat dels transpòrts e de la cultura occitana.
 
Après la remesa dels trofèus, se tendrà un sopar a l’Ostal d’Occitània amb la participacion d’artistas d’expression occitana.
 


abonar los amics de Jornalet
 
 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Francesc Palma
1.

Força bona causa la defensa de l' identitat occitana a travers de lo futbol.

  • 2
  • 0

Escriu un comentari sus aqueste article