Bandièra01 1180x150: País Invisible

Actualitats

Rugbi. Top 14: Quate bonus ofensius

| © mikax
Clarmont 28-25 Estadi Francès (BD)
 
Quina partida a Michelin divés ser! L’estadi marquèt un ensai sus la purmèira accion. I a avut pas mensh de tres ensais parisencs e un ensai de Clarmont en purmèira tempsada. Dab un 10 a 22 a la tempsada, pensàvam véder la purmèira victòria a l’exterior deus parisencs desempush dus ans. Mes la bona dintrada de Brock James cambièt chic a chic las causas. E a duas minutas de la fin un drop goal de l’australian permit aus clarmontés de tornar au planchòt 25 a 25. Aqueth partatge deu planchòt èra un chic maishant peus parisencs qu’an hèit una granda partida. Mes quan tot va mau, tot va mau dinc a la darrèira dusau. E sus la darrèira accion Brock James marquèt un naveth dròp que representa quate navèths punts au classament.

 
Montpelhièr 19-12 Castras (BO)
 
Era vertadièrament la grana aficha d’aquera jornada . Avèm vist una partida de qualitat. En purmèira tempsada, los castrés dominèren dens lo jòc ab un Rory Kockott en grana fòrma mes tamben bon tustaire. Era normau véder los castrés tornar au vestiari dab una avança de tres punts apuèi quaranta minutas d’intensitat. La bona dintrada de Benoit Paillaugue, deu son jòc au pè, permit aus montpelhièrencs de tornar au planchòt e de passar davant suu solet ensai de la partida a la 67au minuta. Préner lo bonus defensiu èra lo minimum per l’equipa de Castras.

 
Perpinhan 15-6 Lo Mont
 
D’una setmana a l’auta las causas ne cambian pas peus landés. Autor, un còp de mei d’una partida dab hòrt de volontat, paguèren tot en dusau tempsada. Lo 6 a 6 a la tempsada podut har créder a la bona suspresa de la jornada. Sustot davant los catalans que n’eran pas tròp dens la partida. Mes en dusau tempsada dus cartons jaunes en mensh de 5 minutas cambiaran la situacion. Los landés perduren lo bonus defensiu a 4 minutas de la fin.

 
Agen 19-15 Bègla-Bordèu (BD)
 
Lo derbi de la Garona permit aus agenés d’alinhar la soa tresau victòria de tira. Tot se joguèt en purmèira tempsada dab un ensai un chic estranh deus agenés a la 18au minuta. Mes los girondins, com de costuma, n’arrestèren pas de jogar e dab una dominacion de las bonas e podut tornar viéner a 16 a 15 a la purmèira tempsada. La dusau tempsada ne fut pas de la medisha qualitat e sus una peleja generau an vist dus cartons jaunes e dus cartons roges. Esperam que las abséncias de Lozada peus agenés e Treloar peus girondins ne costraràn pas tròp caras la setmana que vien.

 
Grenòble 27-13 Racing
 
Los arpitans n’an pas paur de jogar. Contra lo Racing marquèren dus ensais en purmèira tempsada. Quina dominacion e lo tresau ensai a 10 minutas de la fin èra normau e lo bonus ofensiu una recompensa meritada. Mes en top 14, n’i pas lo drèit de s’arrestar jogar abans la fin. E sus la darrèira accion 2 minutas apuèi las 80 minutas los racingmen, sortiren los arpitans deu bonus dab un ensai de Bergamasco.

 
Tolosa 32-9 Tolon
 
Que pensar deu planchòt? Podem créder ne una bona rosta presa peus tolonencs. Mes n’es pas vertadièrament la realitat. En purmèira tempsada dab una còla bis lo tolonencs an hèit lo tribalh e lo 19 a 3 peus tolosans èra normau mes senteshem quaquarren dens lo jòc tolonés. La dintrada en dusau tempsada de titularis com Giteau o Masoe ne cambiàren pas la causa. Mes a l’òra de jòc i avèva la plaça peus bonus defensiu mes los varés ne saburen pas marcar l’ensai quan an avut la possibiltat per dus còps.

 
Biàrritz 15-16 Baiona
 
Lo derbi se jogàva a Aguilera. Los de Biarritz èran los favorits. De biais normau dubriren la marca dab una penalitat. Mes los baionés saburen profèitar de una veishuga de recuperacion e de marcar un ensai a la 11au minuta. Desempush aqueth moment dinc a la fin de la purmèira partida los de Biàrritz monopolisèren lo jòc mes lo joen tustaire Barraque manquèt tres penalitats en purmèira tempsada. La dusau partidida fut un chic mei equilibrada e tot se joguèt dens la 10 darrèiras minutas on per dus còps Biàrritz passèt davant au planchòt. Los baionés trobèren la volontat de tornar préner l’avantatge. Lo segond còp fut a la darrèira minuta suu maul de mei de 30 metres ecrolat en fècia deus poteus. Boyet fit lo necessari per tornar a Baiona dab quate punts hòrt importants au classament.
 
 
1  Clarmont 27 7 6 0 1 60
2  Tolon 27 7 6 0 1 57
3  Tolosa 24 7 5 0 2 98
4  Biàrritz 19 7 4 0 3 38
5  Montpelhièr 19 7 4 0 3 -5
6   Grenòble 18 7 4 0 3 27
7   Racing-Métro 92 18 7 4 0 3 6
8  Castras 16 7 3 1 3 24
9   Perpinhan 15 7 3 0 4 -14
10  Agen 14 7 3 0 4 -54
11   Estadi Francés 11 7 2 1 4 -12
12  Baiona 11 7 2 0 5 -55
13  Bègla-Bordèu 10 7 2 0 5 -42
14  Lo Mont 0 7 0 0 7 -128
 




Eric Goyhenne

Etiquetas

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Eric Bordèu
6.

#5 ok n'avèvi pas compres las causas com aquò.
Mes apuei lo rugbi amator es important dens la cultura occitana. ne pas en parlar per un jornau occitan es una maishanta causa.

  • 3
  • 0
Joseph Pompéjac
5.

#4 Non mes lo trabalh serà lo medish entà l'autor (tu, se èi plan comprés). Serà ma mesa en page que serà diferenta. Los articles seran corts e donc mei aisit a léger per los que saben pas léger.

Amistats,
Jausèp

  • 3
  • 1
Eric Bordèu
4.

#3 adiu,

ne tribalhi pas a "midi Olympique". Soi solet per véder las partidas de top 14 (e un chic de pro D2) e har los comentaris.
Seré vertadierament una bona causa d'estar un chic mei nombrós per s'aucupar de totas las jornadas de rugbi.
Sustot que dab lo projecte Jornalet, i auré la plaça per parlar de las partidas de Federala 1a 3 on lo pòble occitan es plan representat. Aquesta fin de setmana i avèva lo derbi enter Banhèras de Bigórra e Lorda, mes bon ne pòdi pas pas estar present pertot.

Se i a bonas volontats, son las planvengudas.

  • 4
  • 0
Joseph Pompéjac
3.

Adiu,
Es domatge que vòste article sia tant longàs. Perque non pas crear un article per cada match ? Sustot que l'autor desvolopa un punt per partida. En mei d'aquò, avetz una seccion espòrt.
Désolé pour mon mauvais emploi de la langue, je débute.

Amistats, Jausèp.

  • 3
  • 1
Eric Bordèu
2.

Ei una peca. Seré mielhor de díser: "Victòria importanta de Montpelhièr"

  • 0
  • 0

Escriu un comentari sus aqueste article