CAPÇALERA2: Entèsta drecha, convergéncia occitana-fixa

Jornalet, gaseta occitana d'informacions

Dimars, 17 d'octòbre

Actualitats

Dimècres, 17 de mai de 2017, 03h00 Politica,Internacional

Merkel e Macron parlan d’una “vertadièra refondacion d’Euròpa”

La cancelièra alemanda e lo nòu president francés, Emmanuel Macron, convenguèron diluns passat de trabalhar per consolidar lo projècte europèu, e per tal que l’èurozòna foguèsse mai resistenta a las crisis


Comentaris 5 comentaris    
Marrit Flac Bon Plan bon Fabulós (3 vòtes)
carregant En cargar


La cancelièra alemanda, Angela Merkel, e lo nòu president francés, Emmanuel Macron, convenguèron, diluns passat, de l’elaboracion d'una fuèlha de rota del mejan tèrme per “crear una nòva dinamica” que consolidèsse lo projècte europèu, e per tal que l’èurozòna foguèsse mai resistenta a las crisis.
 
“A long tèrme, Alemanha pòt anar plan solament s’Euròpa va plan, e Euròpa pòt anar plan se i a una França fòrta”, çò diguèt Merkel dins una conferéncia de premsa que la faguèt a Berlin amb Macron après lor reünion.
 
Per quant a el, Macron precisèt que “l’un e l’autre [èran] convencuts qu’[avián] besonh de resultats del cort tèrme, mas egalament de vertadièras transformacions, d’una vertadièra refondacion d’Euròpa”.
 
Dins aquel sens, Merkel soslinhèt que per Alemanha èra possible de cambiar los tractats de l’Union Europèa, mas abans tot crei que “cal trabalhar çò que se vòl reformar”. De son latz, Macron assegurèt que la reforma dels tractats sus l’UE èra “pas pus un tabó” per l’estat francés.
 
En mai d’aquò, Macron insistiguèt sus la necessitat de respondre a la “colèra” que s’es exprimida durant l’eleccion presidenciala francesa dins lo vòte pel Front Nacional, e declarèt a la cancelièra que, d'après lo resultat d’aquela eleccion, caliá refortir l’Union Europèa.

 
 

 
 


abonar los amics de Jornalet
 



publicitat



Comentaris

19 de mai 09.47h

La sola causa un pauc senada que Le Pen diguèt lo ser del desbat catastrofic foguèt : "Qual que siá lo resultat de l'eleccion, los Francés auran una femna al poder, ieu o Merkel".
Lo pichon francés es anat se prosternar en Alemanha. Es pas segur que l'Alemanha auja perdut la guèrra en 1945....


Valoriza aqueste comentari:   votar positiu 6   votar negatiu 0
Respondre comentari replica Comentari inadeqüat   Formulari d'abús de comentari

19 de mai 04.35h

#1 Es vertat que lo Macron representa pas grand causa si que non lo reget del candidat advèrs. Mas un còp a l'Elisèu an totes lo cap coma una semal. I pas que veire lo Chirac en 2002. Mentre que 3/4 de França aviá la peta al ser del 1èr torn (los quites Guignols se faguèron hara kiri aquela nuèch) aquel galapian diguèt de tira: "C'est plus la peine de s'emmerder" (citat per Le Canard Enchaîné). Es a dire, çò qu'impòrta es d'i èsser.


Valoriza aqueste comentari:   votar positiu 5   votar negatiu 0
Respondre comentari replica Comentari inadeqüat   Formulari d'abús de comentari

18 de mai 21.00h

Han parlat de la refundacion bancaria privada europenca "Alí Babà e los Quaranta Ladres". Qu' encara volen raubar mai !


Valoriza aqueste comentari:   votar positiu 1   votar negatiu 0
Respondre comentari replica Comentari inadeqüat   Formulari d'abús de comentari

17 de mai 10.05h

Far pietat aquèla tissa d'anar vèire tanlèu elegit Na Merkel. Atal avèm agut Sarkozy (lo bracejaire), Hollande (lo bodenfle), Macron (lo jovenòt aliscat).
L'acte de josmission dins sa plenor. La farfantèla jornalistica d'aquel çò dich "motur franco-alaman", espefecitat franchimanda qu'existís enluòc mai.
Avrupa es una estrata de mai per recondre la democracia, per tenir lo pòble luenc dels centres de decisions.


Valoriza aqueste comentari:   votar positiu 3   votar negatiu 0
Respondre comentari replica Comentari inadeqüat   Formulari d'abús de comentari

17 de mai 09.46h

Macron faria mielhs de consolidar son poder en Franca. Si l'òm retira tot aqueua qu'an votats per ilh per opausicion a Le Pen, las votz de Marina Le Pen, los abstencionistes n'en demora mas un quart de la populacion que lo sosten.
Aquela reunion vai lo desservir. Es una passacion de poder entre Merkel que vòl se retirar e son polin que reba de devenir imperador d'Euròpe. Quand aura lo poder Macron fera, sens tener compte de la populacion, de l'Amassada Legislativa. L'òm parla pas de demo... Legir mai


Valoriza aqueste comentari:   votar positiu 7   votar negatiu 2
Respondre comentari replica Comentari inadeqüat   Formulari d'abús de comentari

5 -10 -20 -totes
1




Comenta

Lo comentari es estat mandat corrèctament



  Previsualiza

La direccion del Jornalet a lo drech de publicar pas los comentaris que respècten pas las nòrmas basicas d'educacion, civisme e dialòg.
publicitat

Editorial

La mongetada d’Aran

Aran es un país occitan que s’es anat destacant de la rèsta del país dins la mesura que la lenga e la cultura occitanas èran a recular, mai que mai de l’autre costat ...
giny

Lo temps

Mapa
  • sol Agen 24 12
  • nuvols_parcials Aush 24 11
  • sol Bordèu 22 13
  • sol Briançon 16 3
  • sol Caors 24 13
  • nuvols Carcassona 22 11
  • sol Clarmont-Ferrand 21 12
  • sol Confolent 21 12
  • sol Gap 22 9
  • sol La Canau 22 13
  • sol La Gàrdia 22 11
  • sol La Torre de Pèlitz 21 12
  • sol Limòtges 21 12
  • sol Lo Borg Sant Dalmatz 22 12
  • sol Lo Puèi de Velai 16 10
  • sol Marselha 24 17
  • nuvols_parcials Montpelhièr 20 18
  • sol Naut Aran 19 8
  • sol Niça 13 4
  • nuvols Nimes 23 17
  • sol Pau 21 11
  • sol Peireguers 21 13
  • sol Rodés 23 13
  • sol Tolon 21 12
  • nuvols_parcials Tolosa 25 13
  • sol Valença 17 11

giny

giny

Entrevista

publicitat

LATERAL1 300X250: radio pais



publicitat

LATERAL2 330x60: Casteth Paums

Fotografias

  • Costiera de Gavotina marítima : Tròces de vial d'a marina de Mónego a Caboalh. © RL

    Costiera de Gavotina marítima: Tròces de vial d'a marina de Mónego a Caboalh

  • © Montse Torres -  Arxiu dels Castellers de la Vila de Gràcia

    "Castellers" catalans en Bearn

  • Estivada 2013. © Guillem Sevilla

    Estivada 2013

  • © Asalaís Moniguet

    Montpelhièr la lengadociana

  • Agaits tolosans. © Franc Bardòu

    Agaits Tolosans

  • © Laurenç Revèst

    Per las carrièiras de Someire, lo pont cobèrt per la ciutat vidorlenca

  • © Laurenç Revèst

    Galaria fòto: La Gavotina marítima: Esa vielha, totplen de botigas e de toristas, 16 estatjants, 2 vielhs esascs, una gleia e un castèl arroïnat

  • © Laurenç Revèst

    Dins lei paluns de Camarga, la Torre Carbonièira e Aigas-Mòrtas

  • © Laurenç Revèst

    Dins lei paluns de Camarga, la Torre Carbonièira e Aigas-Mòrtas

  • Estivada 2013. © Guillem Sevilla

    Estivada 2013

  • Asuèlhs comengeses. © Franc Bardòu

    Asuèlhs Comengeses

  • © Laurenç Revèst

    Menton, 'a vivaroalpenca maritima

  • © Iñaki Delaurens

    Val d'Aran

  • La Primada de Montsegur, 17 de març 2012

    Primada de Montsegur, 17 de de març 2012

  • Cap a las fonts autas d'Arièja. © Franc Bardòu

    Savartés. Cap a las fonts autas d'Arièja

  • Gavotina marítima: trofèu d'August e vila vielha d'A Torbia

  • Petugon de La Boal

    Conferéncia e dedicaça de l'artista Richard Cairaschi au Musèu municipau deis Arts e Tradicions populàrias de Grimaud (Mauras)

  • Gavotina maritima - Sant Anhe, vilatge sus una pena. © Laurenç Revest

    Gavotina maritima - Sant Anhe

  • 80a annaia d’a fèsta dau limon a Menton, en lu Òrts Biovès (16 de febraro au 6 de mars). ©  Artusa Garavan

    80a annaia d’a fèsta dau limon a Menton, en lu Òrts Biovès (16 de febraro au 6 de mars)

  • A Torbia, quartiers e maions en occitan alpenc

giny

Vidèos

Las mai...

publicitat

LATERAL1 300X250: radio pais

giny

Sondatge

Participaràs a Era Mongetada d’Aran?


6%



4%



63%



27%




Vots 52 vòtes

comentaris 0

Bulletin

Se vòls recebre per e-mail los grands títols de Jornalet, abona-te

Adreiça E-mail
       
avís legal
En complir la Lei de Servicis de la Societat de l'Informacion e de Comèrci Electronic e la Lei Organica de Proteccion de Donadas (de l'Estat espanhòl) t'informam que se vòls pas contunhar de recebre lo nòstre bulletin informatiu, te pòdes desabonar a travèrs d'aqueste formulari.



Etiquetas

giny

giny


Jornalet, gaseta occitana d'informacions


Associacion entara Difusion
d'Occitània en Catalonha
(ADÒC)