Bandièra01 1180x150: Comuna de Tolosa

Actualitats

L’estat francés a enebit las granadas ofensivas coma la que tuèt Rémi Fraisse

Aquelas armas repressivas emplegadas per la polícia francesa foguèron suspendudas en octòbre de 2014, dos jorns après la mòrt del jove tolosan, mas entrò a la setmana passada èran pas interdichas

| Pierre-Selim
Dos ans après la mòrt de Rémi Fraisse, l’estat francés a enebit l’usatge de las granadas ofensivas de tipe F1, segon un decret publicat al Jornal Oficial de l’estat l’11 de mai passat. Fraisse èra un jove tolosan de 21 ans que foguèt tuat en octòbre de 2014 per una granada d’aquel tipe que la lancèt un gendarma dins l’encastre de la repression d’una protèsta contra la construccion d’una restanca a Sivens (Galhaqués).
 
Lo 28 d’octòbre de 2014, dos jorns après lo drama, Bernard Cazeneuve, alavetz ministre de l’Interior, aviá suspendut l’usatge d’aquelas granadas. Qualques setmanas puèi, anoncièt lor enebicion, mas calguèt esperar fins a la setmana passada per que venguèsse realitat. En decembre passat, lo defensor francés dels dreches, Jacques Toubon, demandèt al ministèri de l’Interior lo retirament d’aquelas armas.
 
 
L’enquèsta sus la mòrt de Fraisse risca de finir en non-luòc
 
Lo gendarma que tuèt Fraisse foguèt entendut en tant que testimòni assistit en març de 2016 e es pas estat perseguit per la justícia. Un rapòrt de la gendarmariá l’aviá ja blanquit en decembre de 2014, estimant qu’aviá fach los avertiments necessaris abans lançar la granada. L’enquèsta judiciària, barrada en genièr passat, risca de s’acabar sus un non-luòc, segon lo paire del jove tolosan.

 
 
 


abonar los amics de Jornalet
 

Articles relacionats

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Piroet
4.

Esperam encara las excusas del governament per la mòrt de Rémi...

  • 2
  • 1
Lo Muòl Carpan city
3.

#1 L'assassinat del policièr èra mentre la campanha electorala, Remi Fraisse es un afar qu'es plan mas londanh.

França : premsa subvencionada........ = premsa non credesible...!

  • 1
  • 5
Lo Muòl Carpan city
2.

#1 L'assassinat del policièr èra mentre la campanha electorala, Remi Fraisse es un afar qu'es plan mas londanh.

França : premsa subvencionada........ = premsa non credesible...!

  • 1
  • 5
Terric Lausa Quilhan
1.

Vòli pas far de cinisme , mas remarqui qu'a la fèsta d'intronizacion del president Macron, aqueste i convidèt lo companh de Xavier Jugelé, lo companh del policièr recentament assassinat per un terrorista e convidèt pas lo papà de Rémy Fraisse.

França: un estat ont lo traitament de la terror se fa a geometria variabla

  • 5
  • 1

Escriu un comentari sus aqueste article