Bandièra01 1180x150: Comuna de Tolosa

Actualitats

Trenta cinc personas mòrtas e dos milièrs de salvadas en mar Mediterranèa

La gàrdia costièra italiana rapòrta que dimècres passat se salvèt 2100 personas en onze operacions

| MOAS
Trenta cinc personas mòrtas, dont fòrça enfants, es lo tragic bilanç del naufragi d’un batèl que menava set centenats de refugiats e d’immigrants. Ensajavan d’arribar en Itàlia, mas lo vaissèl tombèt d’un costat e se revirèt a unes 50 quilomètres de las còstas occidentalas de Libia.
 
Lo salvament lo faguèt una nau de l’ONG MOAS, establida a Malta, que li ajudèron divèrses vaissèls comercials e un elicoptèr italian, a causa de la quantitat de naufragis aquel jorn. La gàrdia costièra italiana rapòrta qu’aqueles efectius salvèron “aperaquí 2100 personas en onze operacions”.
 
Dempuèi que barrèron la rota dicha dels Balcans, los refugiats ensajan d’arribar en Union Europèa per de trajèctes alternatius. L’itinerari de Libia a Itàlia en traversant la mar Mediterranèa es emplegat per fòrça personas. L’an passat arribèron en Itàlia 180 000 per aquel percors.
 
 
 
 
 


abonar los amics de Jornalet
 
 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris


I a pas cap de comentari

Escriu un comentari sus aqueste article