Bandièra01 1180x150: Comuna de Tolosa

Actualitats

Tres cents soldats de l’armada francesa s’entraïnan en Estònia

Son lo compausant principal d’un batalhon multinacional de l’OTAN jos comandament britanic, amb la tòca de rassegurar aquel país qu’es inquiet de la menaça de Russia

Tres cents soldats de l’armada francesa, sostenguts per un vintenat de carris Leclerc, s’entraïnan en Estònia per rassegurar aquel país, membre de l’OTAN, qu’es inquiet de la menaça de Russia, çò rapòrta l’AFP.
 
Arribèron lo 20 de març passat e i son installats per uèch meses. Los soldats franceses son lo compausant principal d’un batalhon multinacional de l’OTAN jos comandament britanic. En julhet passat, l’OTAN decidiguèt de desplegar quatre batalhons multinacionals en Polonha, Lituània, Letònia e Estònia. Lor preséncia seriá requerida per aqueles païses après l’annexion de Crimèa per Russia en 2014.
 
Segon l’AFP, los soldats franceses devon pas parlar d’enemic mas d’adversari, e los soldats son pregats de se téner a mai de cinc quilomètres de la frontièra.

 


 
 


abonar los amics de Jornalet
 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

francesc palma
4.

En loc d'anar a emprenhar a la Federacions Russa, valdria mai qu' anassen contra l'EI qu' es la que posa bomba en França.

  • 4
  • 1
manjacostel Murèth
3.



Avèm un còp mai la pròva que l' OTAN mestreja aquela UE , de compàs ambe la finança e Alemanha e sens que se pòsca trobar una pesuc de democracia dins aquela decision...Franca enveja d'òmes al ras de Russia. Imagenem Russia fa d'exercicis a Cuba . Remembrem nos d'un còp èra . Que sèm passats al ras d'una guèrra atomica. Quina logica! Los uns pòdon bracejar a l'abroa de Russia e jogar los tartarins, mas los autres an pas lo drech? Comprenon qual pòt ! D'unes an lo drech a la bomba atomica , e qualques còps a la maire de las bombas, ambe l'agrat del monde liure, los autres pas . Imagenem que los rus escampan una reina de las bombas sus Deir el Zhor . Sul pic aurem la premsa liura d'aicí , Lo Monde , L'Obs , Libe , Le Point , Mariane , Ici Paris , La Depêche , Midi Libre e la Montanha , ece a gular al crim de guèrra ! Mas pel còp silenci radió e papièr! De segur sabem que Franca es al reng 49 dins lo monde sul capítol de la libertat de la premsa. Sèm al cuol del Botswana! Bon al Yemen la coalicion del monde liura cargada de l'ensenhament dels paures , e menada per l'Arabia , aquel grand pais del copatge de mans e de pès, tua de civils cada jorn enfants , vièlhs e femnas . Arrestem nos una minuta : la guèrra de pertot Afganistan, Iran ( que se prepara), Iraq , Curdistan, Siria, Egipte , Eritrèa , Sodan, Mali, Nigèria, Libia, Somalia, Ucraïna per acabar e ne'n oblidi qualques unas ...Mas se vei plan que los jornalistas causisson las que lor agradan, e se calan per las autras.
E puèi qu'es aquela istòria ? Per de qué Corèa auriá pas lo drech d'aver la bomba atomica ? E l'Iran? Alara que lo Paquistan , lo païs niu del terrorisme de Daesh e dels talibans l'a? Per de que USA , França , Anglatèrra, Russia , lo club atomic qué , aurián lo drech de se gardar la bomba per elses , mas que seriá enebit als autres? An fach pròva de sapiença particulara ? Es que son de pòbles dolçs qu'ajudan los autres , que lor donan educacion, armas , noiriduras ensenhament , suenhs e amor democracia ? Non , i a pas cap de logica dins tot aquò, levat la volontat de poténcia , la de téner lo petròli, o de trapar d' autras riquesas.
Moralitat : se i a pas cap de logica dins las bracejadas de França a las frontièras russas , alara es fòrça perilhós de voler espaurugar Russia . Jogar a l'esparnal es fòrça dangeirós , finisson mantuns còps ambe de plomb dins lo cuol subretot en facia d'un pais que tenguèt sol lo front , lo sol sul territòri europenc , demest las annadas 39 e 44 . A mai es ridicul . E nosautres occitans n'avèm un sadol de las guèrras francimandas e de totas las berezinas fachas e venentas . E encara mai ridicul que de senhorejar a Versailles, coma o faguèt Lois XIV, per espantar lo grand Mogol

  • 3
  • 1
artur quintana i font La codonyera (Aragon)
2.

Non doblidetz pas las armadas dels altres estats ont los occitans son tanbén presents? Demandi.

  • 0
  • 0
Lachaud
1.

L'URSS a dispareigut mas la Russia es totjorn l'ennemic de l'OTAN. Russia es totjorn la bestia negra de l'OTAN. L'OTAN es la bestia blancha. Chau totjorn entretener una dualitat pus leu qu'establir de las relacions d'entraida e de solidaritat. L'economia francesa es presta a craquar mas sas armadas fan la lei dins quuquas partidas dau monde. Es pas un asard si los pais sos la proteccion de l'OTAN coneissan los mai de guerras e de tensions militarias. Tot aquò se decida sens l'avis de L'Assemblada Nacionala qu'a mesme pas envejat d'exerçar un poder de contrôl sus lo governament.

  • 3
  • 1

Escriu un comentari sus aqueste article