Actualitats
Londres: la comunautat musulmana en colèra contra los jihadistas
“Los musulmans de tot lo mond se senton malcontents e descorats davant aqueles coards qu’un còp de mai an destruch las vidas de nòstres companhs britanics”
“Respèctan pas nòstra vida ni nòstra fe”, mai que mai se s’ataca pendent lo Ramadan, lo mes consagrat al june e la pregària. Es atal que la comunautat musulmana del Reialme Unit a condemnat los terroristas. Lo secretari general del Conselh Musulman Britanic, Harun Khan, a mostrat son indignacion. “Los musulmans de tot lo mond se senton malcontents e descorats davant aqueles coards qu’un còp de mai an destruch las vidas de nòstres companhs britanics”, çò a declarat.
“Una ideologia pervèrsa e empoisonada”
Lo cònsol de Londres, lo trabalhista Sadiq Khan, a condemnat “l’ideologia pervèrsa empoisonada” dels terroristas. Khan, qu’es lo primièr cònsol musulman de la vila, a dich qu’es “en colèra e furiós pr’amor qu’aqueles tres òmes cèrcan de jusitificar lors accions en se servissent de la fe que ieu tanben practiqui”.
En mai d’aquò, Khan faguèt una crida a trabalhar “totes amassa per resòlver aqueste problèma”, car segon el “los terroristas vòlon damatjar nòstre estil de vida”.
An identificat los agressors
La polícia metropolitana de Londres a revelat l'identitat dels responsables dels atemptats que daissèron sèt personas mòrtas e gaireben un cinquantenat de ferits dissabte de ser dins la capitala britanica. La polícia britanica tuèt los tres assalhidors.
“Manca encara una identificacion formala, mas los detectius creson de saber las identitats dels agressors. Creson que son Khuram Shazad Butt e Rachid Redouane, totes dos abitants del quartièr de Barking, a l’èst de Londres”, çò a raportat la polícia.
Butt aviá 27 ans e èra un ciutadan britanic nascut en Pakistan. Redouane —tanben conegut coma Elkhdar— aviá trenta ans, sos aujòls venián de Marròc e Libia, e el teniá lo ciutadanatge d’aqueles dos païses.
Shazad èra conegut per la polícia e l’MI5, mas avián pas cap de pròva materiala que foguèsse a planificar l’ataca.
Lo tresen assalhidor seriá identificat coma un ciutadan italian d’origina maugrabina qu'aviá ensajat d'anar en Siria.
D’un autre latz, la polícia a liberat totes los detenguts per rapòrt a aquela agression.
“Una ideologia pervèrsa e empoisonada”
Lo cònsol de Londres, lo trabalhista Sadiq Khan, a condemnat “l’ideologia pervèrsa empoisonada” dels terroristas. Khan, qu’es lo primièr cònsol musulman de la vila, a dich qu’es “en colèra e furiós pr’amor qu’aqueles tres òmes cèrcan de jusitificar lors accions en se servissent de la fe que ieu tanben practiqui”.
En mai d’aquò, Khan faguèt una crida a trabalhar “totes amassa per resòlver aqueste problèma”, car segon el “los terroristas vòlon damatjar nòstre estil de vida”.
An identificat los agressors
La polícia metropolitana de Londres a revelat l'identitat dels responsables dels atemptats que daissèron sèt personas mòrtas e gaireben un cinquantenat de ferits dissabte de ser dins la capitala britanica. La polícia britanica tuèt los tres assalhidors.
“Manca encara una identificacion formala, mas los detectius creson de saber las identitats dels agressors. Creson que son Khuram Shazad Butt e Rachid Redouane, totes dos abitants del quartièr de Barking, a l’èst de Londres”, çò a raportat la polícia.
Butt aviá 27 ans e èra un ciutadan britanic nascut en Pakistan. Redouane —tanben conegut coma Elkhdar— aviá trenta ans, sos aujòls venián de Marròc e Libia, e el teniá lo ciutadanatge d’aqueles dos païses.
Shazad èra conegut per la polícia e l’MI5, mas avián pas cap de pròva materiala que foguèsse a planificar l’ataca.
Lo tresen assalhidor seriá identificat coma un ciutadan italian d’origina maugrabina qu'aviá ensajat d'anar en Siria.
D’un autre latz, la polícia a liberat totes los detenguts per rapòrt a aquela agression.
All three #LondonBridge#BoroughMarket attackers now named by police.Please contact us with any info about these men https://t.co/fRuWy2tAHhpic.twitter.com/HFDOP0Bx1D
— Metropolitan Police (@metpoliceuk) 6 de juny de 2017
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Las femnas musulmanas volen viure amb patz e s'enfoten de lo vestit que porten. Volen portar una vida normala coma femnas e haver filhs coma es son instint maternal.
#4 Avètz complètament rason, evidentament.
#4 E ben mon paure, quand vesi cossí s’enfusca l’esfèra islamolatra, sèm pas sortits de la carral politicament corrècta. Es que se mainan pas aquelas femnas que las pelhas que cargan enfortisson lo paisatge mental dels jiadistas ? Pensavi pas pus intervenir sus aquel sicut mas quand vesi qu’un comentari senat provoca d’aquelas reaccions. Se pòt èsser pas d’acòrdi mas d’aquí a cridar “Al lop!”…
E ara espèri lo colhon que veja quicòm de denigrant dins lo mot "pelhas" quand es aital que disèm dins la lenga del cadajorn la farda femenina.
#4 Avètz condemnat vos los divèrses omenatges a l'OAS que se son debanats uèi en Occitània tota?
#4 Vòli respóner a ta question : "Quora los musulmans reputats "moderats" van davalar en massa per nòstras carrièras per denonciar los e las que se dison plan de lor religion e assassinan sens discriminacion sunnitas, chiitas, crestians de tota obediéncia, josieus, agnostics e atèus ont que siá dins lo mond ?". Es dejà hèit. I a imams qu'an lançat una fatwa contra lo terrorisme, etc ... Per contra, quora los ciutadans deus paises de la "coalicion" van devarar per carrèras contra l'imperialisme qu'es una de las compausantas deu terrorisme ? Pas la sola, sabi. Lo tipe qu'a volgut botar un còp de martèu au policièr a París a cridat : "Es per Siria". Es pas religiós, es politic. De qué se debana en Siria ? Ne sabèm pas gran causa. M'agradaré pas d'estar musulman per aquesta passa. Urosament qu'i a pas terrorisme occitan.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari