CAPÇALERA: CONGRÉS AMIC
CAPÇALERA2: FAI-TE SOCI

Jornalet, gaseta occitana d'informacions

Diluns, 21 d'octòbre

Actualitats

Divendres, 9 de junh de 2017, 03h00 Politica,Libres,Escòla

Gasconha > Lanas e Labrit > Baish Ador

Lo nòu ministre francés de l’educacion se mòstra favorable a l’ensenhament de l’occitan

Los presidents de Calandreta e de Seaska l’an rescontrat per li demandar un estatut per las lengas autoctònas dins l’ensenhament, e li far veire la marrida e malaisida situacion que patisson


Comentaris 18 comentaris    
Marrit Flac Bon Plan bon Fabulós (7 vòtes)
carregant En cargar


Los presidents de Calandreta e de Seaska an rescontrat lo novèl ministre francés de l’educacion, Jean-Michel Blanquer, per li demandar un estatut per las lengas autoctònas dins l’ensenhament, e li far veire la marrida e malaisida situacion que patisson.
 
Blanquer se trobava dissabte passat, 3 de junh, a Biàrritz (Bas Ador) per participar al congrès de la FCPE, una escasença qu'arprofechèron los presidents de las escòlas associativas en lenga occitana e basca per lo rescontrar. Ansin, Joan-Loís Blenet, copresident de Calandreta, e Paxkal Indo, president de Seaska, expliquèron al nòu ministre lors chepics. Joan Loís Blenet o a explicat a la còla de Jornalet:
 

“Al contrari del francés e de las lengas estrangièras que son obligatòriàs, las lengas regionalas an pas d'estatut e demòran encara jos la règla del doble volontariat: lo de las familhas e tanben volontariat dels emplegats del servici public. Pasmens, las lengas regionalas son marcadas dins la Constitucion coma Patrimòni de França”.
 
Dins aquel sens, Blenet e Indo —acompanhats del director del Centre d’Animacion Pedagogica en Occitan, Hervé Couture— faguèron plan veire al ministre lo sosten politic a l’educacion dins las lengas pròprias. Per ansin presentèron la demanda d’una lei o reglamentacion per un estatut de las lengas mal nomenadas regionalas, amb qualques principis màgers, dont ne remarcam los seguents:
 
— La lenga “regionala” es de drech dins totes los establiments de sa zòna de
difusion. Valent a dire que demandan que i aja pas mai de vòtes de conselhs d’administracion o de professors per autorizar l'ensenhament de l'occitan, ni mai de possibilitats d'entrepachament o de refús dels inspectors.
 
—Pas de concurréncia amb las opcions e las lengas estrangièras. “De far d'occitan deu pas demandar al jove un sacrifici educatiu”.
 
— Que l’ensenhament de la lenga siá totjorn sul temps escolar.
 
Amb aquel estatut sollicitèron la reconeissença mai formala dels cinc rets d’ensenhament immersiu de l’estat, als quals apartenon Calandreta e Seaska.
 
 
Esperit de dobertura del ministre
 
Jean-Michel Blanquer auriá aculhit favorablament aquelas revendicacions. Segon Blenet, “lo ministre diguèt son acòrdi sus la necessitat de servar la diversitat lingüistica e culturala” e tanben “mostrèt un grand interès per l'experimentacion pedagogica e lo plurilingüisme que fasèm”.
 
Dins aquel sens, “avèm constatat un esperit de dobertura e lo ligam es pres amb lo ministre e son gabinet per far abans per l'occitan e las lengas regionalas”.
 
Aquel rescontre se faguèt gràcias a la demanda dels elegits, e particularament del President del Conselh Departamental dels Pirenèus Atlantics, Jean-Jacques Lasserre, e del vicepresident, Max Brisson.
 
 
Una ora d’occitan en mens en 6a
 
Mentretant, una letra de l’associacion dels ensenhaires d’occitan de l’educacion pubica (FÈLCO) denóncia que lo nòu govèrn de Macron aja decidit de suprimir una ora d’occitan per setmana en 6a.
 
 
 


abonar los amics de Jornalet
 



publicitat
BANER1-2-3: DGPL DICTADES



Comentaris

14 de junh 17.32h

#16 E òc, en mai del decòr qu'es fòrça...eloquent, sufis d'agachar un briu las minas e mimicas que fan sus la fotò. Tot i-es.


Valoriza aqueste comentari:   votar positiu 11   votar negatiu 0
Respondre comentari replica Comentari inadeqüat   Formulari d'abús de comentari

11 de junh 16.38h

La tòca deus qui s'encontran los ministres e membres deu lor ganinet n'ei pas briga de créder çò qui'us disen, qu'ei de'us har enténer la paraula lor e de trobar dab eths interlocutors tà continuar çò de començat.

Que seré totun illusòri d'alargar que los qui s'i hasón tà obtiéner l'accòrd (lo protocòle d'acòrd de deceme 1994) dab Bayrou (mei que mei la creacion de l'ISLRF, IUFM tà la formacion de tos los regents (tas) de las escòlas immersivas) e tots los autas acòrds ad ... Legir mai


Valoriza aqueste comentari:   votar positiu 3   votar negatiu 0
Respondre comentari replica Comentari inadeqüat   Formulari d'abús de comentari

11 de junh 16.20h

Un ministre de la republica francimanda de Paris vos a reçauput a la lèu-lèu entre doas pòrtas ; diplomaticament, ipocritament , biaissudament, vos a dich per pas vos contrariar , en una formula vagassa made in ENA, qu'avia pas res contra lo fach de "servar la diversitat lingüistica e culturala” .
E i avètz cregut ?? Avètz cregut de vertat a-n-aquel badinatge passa-pertot que "manja pas de pan" e qu'engatja a pas res ?? Me damne, a creire qu'avètz totjorn pas compres çò que valon... Legir mai


Valoriza aqueste comentari:   votar positiu 27   votar negatiu 1
Respondre comentari replica Comentari inadeqüat   Formulari d'abús de comentari

10 de junh 23.21h

Veirem !


Valoriza aqueste comentari:   votar positiu 11   votar negatiu 0
Respondre comentari replica Comentari inadeqüat   Formulari d'abús de comentari

10 de junh 13.46h

#13 Aquò be i a lontemps qu'ac sabem ! Lavetz, per'mor d'aquò que'ns caleré hicar au lheit ? capbaishar ? N'ac crei pas. Qu'èi tostemps combatejar dab d'autes e totun a còps que ns'i èm escaduts a de bonas. E besonh taus calandrons !


Valoriza aqueste comentari:   votar positiu 2   votar negatiu 0
Respondre comentari replica Comentari inadeqüat   Formulari d'abús de comentari

10 de junh 05.29h

Paraulas, paraulas, paraulas. L'estat francés cambiarà pas jamai. Vòl èstre aital.


Valoriza aqueste comentari:   votar positiu 23   votar negatiu 0
Respondre comentari replica Comentari inadeqüat   Formulari d'abús de comentari

10 de junh 03.27h

#2 lo francés s'ei impausat dins l'escrich en Occitània tot de long dau XVI°sègle e au Bearn lo gascon oficiau a durat fins qu'a la revolucion francesa; se fèm lo compte trobam pas lei 700 ans, per quant à la lenga orala, es recent, coma o sabètzper lo ministre, prejutjats favorablas qu'a agut parlar de restablir l'ensenhament dau latin e dau grec amb lei classas bilengas


Valoriza aqueste comentari:   votar positiu 2   votar negatiu 0
Respondre comentari replica Comentari inadeqüat   Formulari d'abús de comentari

9 de junh 21.37h

Paraulas de velha d'eleccion...


Valoriza aqueste comentari:   votar positiu 6   votar negatiu 0
Respondre comentari replica Comentari inadeqüat   Formulari d'abús de comentari

9 de junh 19.22h

#9 Aquesta politica a res a véser amb l'Euròpa. Ni mai amb lo liberalisme o lo monde mercand.

Vos pregui de la daissar ont es e d'arrestar la demagogia.

Car es puslèu, al contrari un biais plan franco-franchimand de fonccionar - prene tot lo monde per de piòts - e que justament un pernassat europèu li fariá de ben a la Marianna.

1) Es plan que los sindicats occitans, quin que sián, aguèssen pres l'iniciativa sul rescontre, e sus las anóncias ministerialas.

2) Cal rapelar que sèm ... Legir mai


Valoriza aqueste comentari:   votar positiu 6   votar negatiu 3
Respondre comentari replica Comentari inadeqüat   Formulari d'abús de comentari

9 de junh 17.35h

Bon, per o far cort :

Son favorables a tot DINS LOS LIMITS DE LAS CONSTRENCHAS BUDGETÀRIAS. Aquò, segur, son paraulas politicianas. Mas sèm en dreit de pensar, çaquelà, que, despuèi 1992, totas las politicas publicas se son bastidas subre aquesta basa, e qu'es pas encara deman que cambiarà, amb la còlha ministeriala que nos an ficat per l'esquina per dire de nos estalviar los faissistas de servici.

Donc, se demandam que se faga mai que de causas per las lengas autoctònas, doás possi... Legir mai


Valoriza aqueste comentari:   votar positiu 8   votar negatiu 3
Respondre comentari replica Comentari inadeqüat   Formulari d'abús de comentari

5 -10 -20 -totes
1
-
2 >




Comenta

Lo comentari es estat mandat corrèctament



  Previsualiza

La direccion del Jornalet a lo drech de publicar pas los comentaris que respècten pas las nòrmas basicas d'educacion, civisme e dialòg.
publicitat
BANER2: 468x60 Aran TV

Editorial

Tresmudar un problèma politic en un problèma d’òrdre public

Dempuèi longtemps l’estat espanhòl refusa de resòlver politicament lo problèma politic que ten en Catalonha. Ara, après l’enòrma indignacion ciutadana ...
giny

Lo temps

Mapa
  • sol Agen 10
  • sol Aush 10
  • sol Bordèu 11
  • sol Briançon 11
  • sol Caors 11
  • sol Carcassona 12
  • sol Clarmont-Ferrand 9
  • sol Confolent 11
  • sol Gap 8
  • sol La Canau 11
  • sol La Gàrdia 13
  • sol Limòtges 9
  • sol Lo Borg Sant Dalmatz 15
  • sol Lo Puèi de Velai 11
  • sol Marselha 16
  • sol Montpelhièr 14
  • sol Naut Aran 9
  • sol Niça 16
  • sol Nimes 16
  • sol Pau 11
  • sol Peireguers 8
  • sol Rodés 10
  • sol Tolon 8
  • sol Tolosa 10
  • sol Valença 14

giny

giny

Vidèos

giny

Entrevista

giny

giny

publicitat

lateral 2 teveoc

Fotografias

  • Petugon de La Boal

    Conferéncia e dedicaça de l'artista Richard Cairaschi au Musèu municipau deis Arts e Tradicions populàrias de Grimaud (Mauras)

  • © Laurenç Revèst

    Fòrt Maginòt de Sant Anhe

  • © Conselh Generau d'Aran

    Lo Torn de França 2016 en Aran

  • © Franc Bardòu

    Tresaurs andorrans

  • 80a annaia d’a fèsta dau limon a Menton, en lu Òrts Biovès (16 de febraro au 6 de mars). ©  Artusa Garavan

    80a annaia d’a fèsta dau limon a Menton, en lu Òrts Biovès (16 de febraro au 6 de mars)

  • Eyes of Simurg 21/6/2017 a Tolosa. Fòto de Barthélémy Nadal

    Eyes Of Simurgh cantan en occitan a Tolosa per la fèsta de la musica 2017

  • Valadas. © Xavi Gutiérrez Riu

    Valadas

  • La Primada de Montsegur, 17 de març 2012

    Primada de Montsegur, 17 de de març 2012

  • Valadas. © Xavi Gutiérrez Riu

    Valadas

  • © Franc Bardòu

    Asuèlhs de Lauragués

  • Manifestacion Anem Òc, Tolosa 31 de març 2012. © Cecília Hautefeuille

    Manifestacion Anem Òc, Tolosa 31 de març 2012

  • © Laurenç Revèst

    De las charrièiras de Genolhac (500 m. d'altitud) al bèlvéser de las Bosedas (1235 m.)

  • © Laurenç Revèst

    Besièrs, preséncia d'occitan en ciutat e CIRDOC

  • 80a annaia d’a fèsta dau limon a Menton, en lu Òrts Biovès (16 de febraro au 6 de mars). ©  Artusa Garavan

    80a annaia d’a fèsta dau limon a Menton, en lu Òrts Biovès (16 de febraro au 6 de mars)

  • 20u corsa Aran per sa Lengua. © Guillem Sevilla

    20u corsa Aran per sa Lengua

  • © Salça Morena

    Passeaia nucleària dal Prat (vilar de Sant Dalmaç lo selvatge) a Sant Dalmaç en passar per las baissas de Boneta e de Motiera (auta valaa de Tiniá)

  • © Franc Bardòu

    País Bordalés

  • © Laurenç Revèst

    Dins lei paluns de Camarga, la Torre Carbonièira e Aigas-Mòrtas

  • © Hug de la Rosa

    Era vila de Les (Aran) a hestejat era declaracion de patrimòni dera umanitat des hèstes deth huec

  • © A.R.

    Greulieras, estacion d'esquí familiala en país grassenc, quauquei pistei e so bèu cèu

publicitat

lateral 2 teveoc



publicitat

LATERAL1 300X250: sapiéncia

Las mai...

publicitat

LATERAL1 300X250: radio pais

giny

Sondatge

Que pensas de las senténcias de 9 a 13 ans de preson contra los nòu nauts representants independentistas catalanas?


5%



3%



92%



0%




Vots 59 vòtes

comentaris 0

Bulletin

Se vòls recebre per e-mail los grands títols de Jornalet, abona-te

Adreiça E-mail
       
avís legal
En complir la Lei de Servicis de la Societat de l'Informacion e de Comèrci Electronic e la Lei Organica de Proteccion de Donadas (de l'Estat espanhòl) t'informam que se vòls pas contunhar de recebre lo nòstre bulletin informatiu, te pòdes desabonar a travèrs d'aqueste formulari.



Etiquetas

giny





Jornalet, gaseta occitana d'informacions


Associacion entara Difusion
d'Occitània en Catalonha
(ADÒC)