Bandièra01 capçalera  1180x150: Botiga

Actualitats

De racontes sus l’istòria d’Occitània de la pluma de Griselda Lozano

Se presenta dijòus que ven al Musèu d’Istòria de Catalonha lo libre entitolat E d’aquí nasquèron los mites, una seleccion dels melhors articles sus l’istòria d’Occitània publicat sus Jornalet

Se presenta dijòus que ven al Musèu d’Istòria de Catalonha, a Barcelona, lo libre de Griselda Lozano entitolat E d’aquí nasquèron los mites. Se tracta d’una seleccion dels melhors articles de Lozano sus l’istòria d’Occitània publicats sus Jornalet.
 
Amb un estil pròpri, entre lo scientific e lo literari, Griselda Lozano nos ofrís amb sas novèlas una reflexion interessanta sus qual sèm e d’ont venèm. Nòstra sciéncia, nòstra cultura e nòstre biais de comprene lo Mond començan de se definir a l'Edat Mejana, mai que mai en Occitània. En aquel moment, Euròpa viu una revolucion sociala e culturala que sens ela la Renaissença seriá pas estada possibla. S’agís d'un trabalh istoric e literari impecable qu'a atench los nivèls pus nauts de lecturas dins Jornalet.
 
Segon Valeria Agasso, professora de lenga e literatura, “Griselda Lozano Carvajal fa lum, amb aquestes articles, sus aquel mond qu'avèm en nosautres. Aprenèm a nos conéisser e a nos reconéisser sus una fruchosa e oblidada branca de la cultura rica e variada que nos sosten”.
 
E d’aquí nasquèron los mites. De l’istòria d’Occitània contada per la pluma de Griselda Lozano, publicada en occitan sus Jornalet.
 
 
 
LOZANO CARVAJAL, Griselda. E d’aquí nasquèron los mites. Larkos 2017. 300 paginas. 15 èuros.
 
  





abonar los amics de Jornalet
 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris


I a pas cap de comentari

Escriu un comentari sus aqueste article