Bandièra01 1180x150: Comuna de Tolosa

Actualitats

Primièr torn de las legislativas francesas: victòria de Macron dins l’encastre d’una abstencion recòrd

Lo nòu president francés sòcioliberal poiriá aténher la majoritat absoluda, çò que li permetriá d’entamenar las reformas que prepausa

Pas gaire de mond an votat, e los pauques que o an fach an votat pel partit del president Macron. Atal se poiriá resumir lo primièr torn de las eleccions legislativas francesas, qu’aguèt luòc ièr dimenge.
 
Amb una abstencion recòrd del 51,4%, lo partit d’Emmanuel Macron (La Republica en Marcha) auriá obtengut près del 32% dels vòtes, çò que poiriá balhar la majoritat absoluda al nòu president francés sòcioliberal, e li permetriá d’entamenar las reformas que prepausa.
 
Los Republicans son en segonda posicion amb aperaquí lo 20% dels vòtes mentre que lo Front Nacional davala al 14%, çò qu’a pas plagut a Marine Le Pen, qu’a mes lo mòde d’escrutini en question. Cossí que siá, la revirada fòrta es un còp de mai pel Partit Socialista qu’obten lo 9% dels vòtes. De remarcar que lo movement d’esquèrra radicala de Jean-Luc Mélenchon, La França Insomesa, es fòrça luènh de son resultat a la presidenciala, a l’entorn del 11%, valent a dire 8 ponches de mens.
 
Dimenge que ven se tendrà lo segond torn, d’ont sortirà la composicion finala del parlament francés.
 
Podètz consultar los resultats oficials sul sit del Ministèri de l’Interior francés.





abonar los amics de Jornalet
 

Etiquetas

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

francesc palma
10.

Cresi que cal anar a votar e coma mai a l'esquerra melhor. Los que s'astene comptan pas, e los banquier faran se ganha Maicon la reforma laborala e totes las retalhadas . Cal votar amics a l'esquerra.

  • 0
  • 0
TM Tonmorre
9.

#8 Aquò a un nom de malautiá: polisemia.

  • 4
  • 0
Dare Devil Hell Kitchen
8.

N'aprenèm cada jorn amb Jornalet. Per ieu, un recòrd, m'èra lo sinonim d'un remembre. E me'n recòrdi plan. E mai cresi ben que los Catalans tanben emplegan aquel mot per se remembrar de sos remembres…

Mas es tanben en l'emplegant que fasèm s'interrogar la lenga…

  • 11
  • 5
Emmanuèl Isopet
7.

#2 1- Qu'es aquò que te geina dins lo còdi del trabalh ? Ieu m'estoni de veire tant de monde a caval sul « plafond » absoludament necessari en cas ont farián un licenciment abusiu… mas pas de « peine plancher » ; es a dire tot lo contrari de çò que se demanda pels autres delinquents. Estranh.
Si que non, que l'i a que te geina dins lo còdi del trabalh ? Que se posca pas trabalhar abans 16 ans ? Que l'i aja un temps maximum de trabalh ? I a tròp de vacanças previstas ?
2- Quina categoria de foncionaris cal demesir? Los qu'ensenhan a tos descendents? Los que te pòrtan lo corrièr ? Los que te vènon quèrrer a brutlas quand fas un AVC ? Los que te curan quand n'as besonh ? Los que te fan los papièrs quand as perdut lo pòrta-fuèlha ? Los que te susvelhan los marrits terroristas potencials ? Los qu'ajudan las personas dins lo besonh (benlèu tu) amb qualques ajudas socialas ? Los qu'entretenon los espacis publics ? Los que se remenaràn se t'arriba quicòm a l'estrangièr ? Los que condemnaràn lo marrit vesin que t'aurà fa tòrt ?
3- Lo liberalisme economic es una causida filosofica respectabla. Tè, e tant que sèm dins lo liberalisme, remarqui que ton liberalisme tant dubèrt sus la circulacion de l'argent de la dròga, dels manipòlis, de las armas, de l'espleitacion umana, aqueste liberalisme que fa que d'unes amagan de miliards mentre que tu paure colhon deves pagar per manténer un minumum de solidaritat, aqueste liberalisme pren tot d'un còp una color « Corèa del nòrd » quand se parla de circulacion umana… (circulacion dels paures, solide, que los autres son totjorn planvenguts).

  • 15
  • 2
Chafre Rudèl Simca 1000 city
6.

Mas de que fa la Mireille Darc amb lo Macron ? La cresiai mòrta aquela . Coma que, faire de noù amb de vièlh, n'i-a que ne son encantats !!

  • 18
  • 1

Escriu un comentari sus aqueste article