Bandièra01 1180x150: País Invisible

Actualitats

crotz-tolosaCreated with Sketch.GasconhaBearnVath d'Aussau

Arudi: los castellers catalans seràn un còp de mai en Bearn

Lo 24 de junh que ven, la Calandreta deu Lis organiza una jornada castellera dins l’encastre de la fèsta de l’escòla occitanofòna

De castells catalans se tornaràn alçar a Arudi (Vath d’Aussau), e o faràn a una data fòrça simbolica, lo 24 de junh qu’es lo jorn de Sant Joan. L’eveniment l’organiza la Calandreta deu Lis amb la tòca de difusar la cultura e de far conéisser son activitat als aussaleses.
 
En seguida d’un passacarrrièra amb los acordeons del Lis e los castellers, l’estadi de rugbi de la vila bearnesa aculhirà la mòstra dels castells catalans.
 
Es lo segond còp que se bastisson de castells a Arudi. En 2014, i anèt la còla de la Vila de Gràcia, e ongan es la còla del Pòble Sec que i va.
 
De remembrar las paraulas del casteller catalan Jòrdi Ràfols, qu’en bon gascon, raportèt la jornada de 2014.
 
“Los castellers son aqueths que hèn castells, qu’en catalan e vòu díser “castèths”. Qu’ei ua manifestacion culturau de Catalonha que consistís a bastir construccions umanas de quate dinc a dètz estatges d’ua manèra e organizacion plan definidas. Cada còla que s’arreconeish per la color de la soa camisa, los de Gràcia son abilhats de blau. Los pantalons que son tostemps blancs.
 
En Arudi, la còla de Gràcia que hèc de matin lo pilar de 4 caminat (quate personas ua sus l’auta, en caminant), un 4 de 6 (sheis estatges de quate personas) e un 3 de 7 (sèt estatges de tres personas). De ser que bastigueren un 5 de 6, un 3 de 7, un 4 de 7 dab un pilar de miei, un pilar de 5 e un pilar de 4 levat per lo baish”.
 
 

 
 
Un filme per alestir l’eveniment
 
Per preparar aquel eveniment, se projècta uèi 13 de junh, al cinèma d’Arudi, lo filme Enxaneta, un documentari d’una ora produch per la Television de Catalonha sul mond dels castells, una tradicion de 210 ans d’istòria. Los que poiràn pas anar uèi al cinèma d’Arudi, pòdon veire lo filme en seguida sus Jornalet:
 
 

 
 


abonar los amics de Jornalet
 
 
 
 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

francesc palma
2.

Catalunha triomfant
tornarà
a ser rica e plena
amb l'ajuda de Diéu
s'aconseguirà
l'independència.

Anem a votar !
amics de la terra !
anem a votar !.

  • 0
  • 0
Jordi Ràfols Barcelona (Catalonha)
1.

En l'edición d'ongan que i van participar los Castellers del Poble Sec, de Barcelona. Tota referenci sus aqueste grop aquiu: http://castellersdelpoblesec.cat

  • 5
  • 0

Escriu un comentari sus aqueste article