CAPÇALERA2: Entèsta drecha, convergéncia occitana-fixa

Jornalet, gaseta occitana d'informacions

Diluns, 23 d'octòbre

Actualitats

Dimenge, 18 de junh de 2017, 03h00 Lenga,Escòla,Cultura

Guiana > Roergue > Segalar Roergat

Se prepara l’Universitat Occitana de la Guépia amb de novetats

Lo programa inclutz de corses, de projeccions, de concèrts, d'animacions, e un concors d’istòrias en occitan amb de prèmis, e ongan un fum de novetats pensadas pels enfants e pels adolescents


Comentaris 4 comentaris    
Marrit Flac Bon Plan bon Fabulós (3 vòtes)
carregant En cargar


L’Universitat Occitana de La Guépia (Segalar Roergàs) se debanarà del 10 al 15 de julhèt. Prepausa un luòc e un temps d’ensenhament, d’animacion, d’estudi, mas es tanben, una endevenença mannada de rescontres (e de convèrsas) improbables endacòm mai: los escolans dels corses pòdon parlar amb d’occitanofòns “naturals” del vesinat coma amb d’escrivans, d’intellectuals e d’artistas de renom, los vièlhs savis als joves lançats, la cultura sabenta rescontra la cultura populara, los estrangièrs rescontran los del país sus de questions d’istòria e de patrimòni. Tot aquò dins un ambient al còp estudiós e pausadís, amb los pès chimpats dins l’aiga de Viaur e d’Avairon, e amb la consciéncia d’aprestar, en primadièrs, l’avenir del país.
 
Lo programa prepausa cada jorn de corses de lenga sus quatre nivèls e d’obradors de traduccion, de cant e de danças. Tanben de conferéncias e d’aperitius musicals amb Xavier Vidal, Ministèri del Riddim, Les Boudoumen, Carabal Trio. En mai d’aquò se projectarà los filmes Le Chant des fous de George Luneau e Camin de lenga de Sylvain Roux.
 
Lo programa prepausa tanben una passejada toponimica, un concors d’istòrias en occitan amb 500 èuros en prèmis e de concèrts e de balètis amb los Pompièrs de la Guépia, Manu Théron e lo Balèti dau Papet e Poupa Greg.
 
Las novetats d’ongan son los estagis de cant, dansa e tamborin per d’enfants e adolescents, l’estagi de cant pels adultes, e lo talhièr de cant matinal guidat per Manu Théron.
 
E de soslinhar las projeccions de dessenhs animats pels enfants, e filmes e documentaris pels joves, de libres pels mainatges.
 
Mentre que se tendrà l’eveniment, la mediatèca de La Guépica aculhirà l’exposicion “Los amics de Joan de l’Ors”.
 
 
 


abonar los amics de Jornalet
 



publicitat



Comentaris

19 de junh 11.39h

Adreiça : "Associacion Lenga Viva, Mairie, 82250 Laguépie ---

Telefòn : 00 33 (0)5 63 30 20 81 / 06 08 30 21 42 --- E-mail : lengaviva2@gmail.com

Site internet : http://lengaviva.com/?lang=fr


Valoriza aqueste comentari:   votar positiu 1   votar negatiu 2
Respondre comentari replica Comentari inadeqüat   Formulari d'abús de comentari

19 de junh 10.33h

#1

''Le français, c'est la langue de la pluralité !'', Félix Marcel Castan.


Valoriza aqueste comentari:   votar positiu 0   votar negatiu 2
Respondre comentari replica Comentari inadeqüat   Formulari d'abús de comentari

18 de junh 11.00h

Es dins Tarn e Garona.


Valoriza aqueste comentari:   votar positiu 0   votar negatiu 5
Respondre comentari replica Comentari inadeqüat   Formulari d'abús de comentari

18 de junh 05.33h

Es pas per dire, aquela universitat d'estiu se vira de mai en mai cap a la musica occitana o d'endacòm mai.Benlèu qu'aquò es una bona causa? sabi pas. Tot aquò mercé a Claudi Sicre, mas me sembla que se parla de mens en mens occitan dins aquela universitat «Occitana». Gara de pas pèrdre de vista la lenga !!!


Valoriza aqueste comentari:   votar positiu 11   votar negatiu 0
Respondre comentari replica Comentari inadeqüat   Formulari d'abús de comentari

5 -10 -20 -totes
1




Comenta

Lo comentari es estat mandat corrèctament



  Previsualiza

La direccion del Jornalet a lo drech de publicar pas los comentaris que respècten pas las nòrmas basicas d'educacion, civisme e dialòg.
publicitat
BANER2: IEO Label ÒC

Editorial

Jornalet: libre d’estil dobèrt

S’es agut dich que Jornalet es un dels còrpus textuals en lenga occitana mai importants del sègle XXI, per la varietat dels subjèctes tractats, pel modèl de lenga emplegat ...
giny

Lo temps

Mapa
  • nuvols Agen 18 7
  • sol Aush 18 8
  • sol Bordèu 19 8
  • sol Briançon 9 1
  • nuvols Caors 17 7
  • nuvols Carcassona 16 8
  • nuvols Clarmont-Ferrand 13 9
  • sol Confolent 14 8
  • sol Gap 16 5
  • sol La Canau 19 8
  • nuvols La Gàrdia 14 7
  • sol La Torre de Pèlitz 21 9
  • sol Limòtges 14 8
  • sol Lo Borg Sant Dalmatz 22 8
  • pluja Lo Puèi de Velai 11 7
  • sol Marselha 20 12
  • sol Montpelhièr 21 13
  • sol Naut Aran 16 5
  • sol Niça 12 3
  • sol Nimes 21 13
  • nuvols Pau 18 9
  • sol Peireguers 16 8
  • nuvols Rodés 15 7
  • sol Tolon 19 9
  • sol Tolosa 18 8
  • pluja Valença 12 8

giny

giny

Entrevista

publicitat

LATERAL1 300X250: radio pais



publicitat

LATERAL2 330x60: Casteth Paums

Fotografias

  • © Maria Millan

    22u corsa Aran per sa Lengua (26-7-2015)

  • © Aure Séguier

    Carnaval Biarnés 2017

  • © Laurenç Revèst

    Vista de Gavotina (est Velai) e d'Auvèrnhe (Vivarés, Gevaudan)

  • © Xavi Gutiérrez Riu

    Tarba

  • © Laurenç Revèst

    Via de Buelh a Pèunas a Valberg fins a Sant Laugier

  • © Josep Carpintero

    Presentacion dera ANC Val d'Aran en Vielha, 28/12/2013

  • © Franc Bardòu

    Catalonha etèrna

  • © Celèsta Toion

    La plaja espaci de libertat? D'expression?

  • Gavotina marítima: trofèu d'August e vila vielha d'A Torbia

  • Valadas. © Xavi Gutiérrez Riu

    Valadas

  • © Asalaís Moniguet

    Montpelhièr la lengadociana

  • © Laurenç Revèst

    La botiga de Macarèl a Sant Joan de Vedats (Montpelhierenc)

  • Agaits occitans sus Barcelona. © Franc Bardòu

    Agaits occitans sus Barcelona

  • © Lissandre Varenne

    Senhaletica en Marjarida

  • © Josep Carpintero

    Presentacion dera ANC Val d'Aran en Vielha, 28/12/2013

  • © Aure Séguier

    Carnaval Biarnés 2017

  • © Franc Bardòu

    Catalonha etèrna

  • © Franc Bardòu

    Catalonha etèrna

  • Panèus bilengas a Gap. © Lo Gapian

    Concors d'estiu 2012: La fotografia de las vacanças

  • Cap a las fonts autas d'Arièja. © Franc Bardòu

    Savartés. Cap a las fonts autas d'Arièja

giny

Vidèos

Las mai...

publicitat

LATERAL2 300x250: Cultura Conselh Aran

giny

Sondatge

Creses que los mèdias en occitan son necessaris a la recuperacion de la lenga?


88%



6%



1%



4%



1%




Vots 72 vòtes

comentaris 3

Bulletin

Se vòls recebre per e-mail los grands títols de Jornalet, abona-te

Adreiça E-mail
       
avís legal
En complir la Lei de Servicis de la Societat de l'Informacion e de Comèrci Electronic e la Lei Organica de Proteccion de Donadas (de l'Estat espanhòl) t'informam que se vòls pas contunhar de recebre lo nòstre bulletin informatiu, te pòdes desabonar a travèrs d'aqueste formulari.



Etiquetas

giny

giny


Jornalet, gaseta occitana d'informacions


Associacion entara Difusion
d'Occitània en Catalonha
(ADÒC)