Bandièra01 1180x150: Comuna de Tolosa

Actualitats

Lo roaming es acabat

Uèi intra en vigor la nòva politica de l’UE qu’enebís a las companhiás telefonicas mobils de subrecargar las facturas per la navigacion a l’estrange

| Daniel Julià Lundgren
Lo roaming es acabat. Uèi intra en vigor la nòva politica de l’Union Europèa nomenada “Roaming like home” (Itinerància coma a l’ostal), qu’enebís a las companhiás de telefòns mobils de subrecargar las facturas per la navigacion a l’estrange.
 
L’eliminacion del roaming èra un engatjament de la Comission Europèa que ja en decembre passat decretèt que l’itinerància deviá èsser gratuita per totes los que viatjan regularament dins l’UE, e tanben pels estudiants Erasmus, los trabalhadors transfrontalièrs, los toristas... Sens cap de dobte, es una nòva de las grandas per Jornalet, que son cap-redactor es basat a Barcelona.
 
 
Mónegue i es inclús mas pas Andòrra
 
La fin de l’itinerància del mobil a l’UE s’aplica pas en Andòrra, ont se mantendrà las subrecargas pels usatgièrs de companhiás telefonicas estrangièras. Cal prene en compte qu’Andòrra aplica las tarifas d’itinerància pus nautas d’Euròpa, que pòdon èsser dos cents còps pus caras que dins lo país d’origina.



abonar los amics de Jornalet
 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Quentin Tolosa
2.

Andorra es inclusa a Orange France ;)
Soïssa tanben.

  • 0
  • 0
Terric Lausa Quilhqn
1.

Confirmi per Andòrra: ma darrièra passejada al Pas de la Casa que durèt 2 oras e qu'utilizèri pas mon telefòn, me costèt 50 €!!! Los escambis automatics de donadas entre l'smartohone e lo malhum andorran còstan aquel prètz per una minuta de comunicacions de donadas automaticas!!!!!

Cal atudar los mobil ben abans que capten lo malhum andorran

  • 9
  • 0

Escriu un comentari sus aqueste article