Bandièra01 1180x150: Comuna de Tolosa

Actualitats

An ensajat de tuar l’activista k’iche’ Aura Lolita Chávez Ixcaquic

Ensajavan d’arrestar un camion que portava de fusta esplechada illegalament e l’ataquèron amb d’armas de fuòc

An ensajat de tuar l’activista del pòble k'iche’, Aura Lolita Chávez Ixcaquic. Referenta del feminisme e de la lucha pels dreches d’aquela nacion de cultura maia de l’estat de Guatemala, Chávez Ixcaquic a denonciat qu’ela e qualques autres membres del Conselh dels pòbles k’iche’s (CPK) foguèron atacats lo 7 de junh passat per un grop d’òmes amb d’armas de fuòc mentre qu’anavan en veitura, çò rapòrta Nationalia. Divèrsas organizacions demandan una enquèsta.
 
Segon las organizacions pels dreches umans, Chávez Ixcaquic e los autres membres del CPK ensajavan d’arrestar un camion que portava de fusta esplechada illegalament.
 
Chávez Ixcaquic es ensenhaira, environamentalista e feminista. Long de sa vida s’es batuda per defendre los dreches de son pòble davant las societats multinacionalas que vòlon esplechar las ressorsas naturalas de lors territòris ancestrals. Las menaças e los assassinats dels caps indigènas o indigenistas son una cachavièlha tròp frequenta dins divèrses païses americans.
 
 
 


abonar los amics de Jornalet
 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

"Tàrrega" Igualada (PP.CC.)
2.

Ho destrossen tot, ho cremen tot, ho talen tot, o maten tot, i exterminen tant com poden...
On es la lògica? Te algun sentit?
Pitjor als que denuncien la barbàrie, els eliminen!
Quan s'acabarà això? No n'hi ha prou? Aquests segur que tenen un peu a l'infern o algun lloc semblant. S'ho mereixen.
Visca la Terra...Lliure!
L'Ernest, "El Tàrrega".

  • 0
  • 0
francesc palma
1.

Las multinacionalas assassinas d'Alí Babà e sos cinquanta laired (cada pic son mai,abans eran quaranta)

  • 1
  • 0

Escriu un comentari sus aqueste article