Bandièra01 1180x150: Comuna de Tolosa

Actualitats

Barcelona aculhirà dissabte que ven una granda fèsta occitana

L’eveniment coïncidís amb lo 5n anniversari de Jornalet

Ongan Jornalet festeja son cinquen anniversari amb d’eveniments per tot lo país, e tanben en Catalonha. Dins aquel sens, dissabte que ven, se tendrà una granda fèsta occitana que la còla de Jornalet avèm organizada amb la collaboracion de Viasona e del Centre Artesà Tradicionàrius.
 
La fèsta prepausa un cors d’iniciacion a l’occitan per catalanofòns, una animacion al bar pendent l’ora del sopar, e puèi un balèti occitan amb Kaj Tiel Plu e un concertàs de Goulamas’K. L’eveniment serà presentat per la deputada aranesa Mireia Boya.
 
Kaj Tiel Plu es una banda catalana que difusa a l’exterior la tradicion musicala d’Occitània e dels Païses Catalans en esperanto e en lengas originalas. An publicat tres disques amb l’ostal lauragués Vinilkosmo (Dònavila), e es un dels grops mai coneguts dins l’encastre cultural esperantista.
 
Goulamas’K es a l’ora d’ara la banda d’ska e ròck occitana de referéncia que festeja ongan son 18n anniversari. Amb sièis disques sortits, lo grop es sustot conegut per sos espectacles en dirècte. Lor son, a las aurelhas del public catalan, evòca los Obrint Pas. Ongan fan una virada per Occitània tota en presentant lor nòu disc Resisténcia, e faràn un esfòrç màger per èsser presents lo 1r de julhet a Barcelona, e mai se l’endeman devon far un concèrt a Sent Severin, en Peiregòrd (Montmaurelian).

 
 

 


abonar los amics de Jornalet
 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

"Tàrrega" Igualada (PP.CC.)
2.

Us esperem, molts sort, i.
Visca la Terra...Lliure!
l'Ernest, "El Tàrrega".

  • 0
  • 0
francesc palma
1.

Una idea fabulosa, hi cal hi anar.

  • 3
  • 0

Escriu un comentari sus aqueste article