Bandièra01 capçalera  1180x150: Novestivada

Actualitats

Lo CRÈO de Tolosa paga l’Escòla Occitana d’Estiu als estudiants en preparacion del CAPES o del CRPE d’occitan

Ongan se tendrà del 13 al 19 d’agost, totjorn a Vilanuèva d’Òlt (Naut Agenés)

Se prepara l’Escòla Occitana d’Estiu (EOE) amb una bona nòva pels ensenhaires d’occitan de l’Acadèmia de Tolosa. Lo Centre Regional dels Ensenhaires d’Occitan (CRÈO) de Tolosa pagarà en totalitat als estudiants en preparacion del CAPES d’occitan o al CRPE d’occitan, que vòlgan melhorar lors competéncias lingüisticas.
 
En mai d’aquò, lo CRÈO mondin prepausa als qu’an ja lo CAPES d’occitan o venon d’aver lo CRPE amb l’occitan, de far los ensenhaires dins l’EOE.
 
L’Escòla Occitana d’Estiu (EOE) es una setmana conviviala dins una residéncia que servís d’escòla e de lotjament a l’encòp, a Vilanuèva d’Òlt (Naut Agenés). Totas las activas son solament en occitan: l’EOE es doncas una bona escasença de far d’immersion en lenga nòstra. Ongan se tendrà del 13 al 19 d’agost.
 
Lo nombre de plaças es limitat, e doncas se cal inscriure lèu. Podètz contactar Nicolau Rei-Bèthvéder, president del CRÈO de Tolosa, per e-mail: n.reibethveder(a)free.fr.



abonar los amics de Jornalet
 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris


I a pas cap de comentari

Escriu un comentari sus aqueste article