Bandièra01 1180x150: Comuna de Tolosa

Actualitats

L’estat espanhòl perseguís la crompa de las urnas en Catalonha e Aran

A menat en justícia los membres de govèrn que lancèron l’apèl d’ofèrtas a la compra d’urnas, e a menaçat las societats e los foncionaris

Dimars passat, la Generalitat de Catalonha decidiguèt d'anullar l’apèl d’ofèrtas a la compra d’urnas pel referendum d’independéncia del 1r d’octòbre que ven. Solament se presentèron doas societats, e cap d’elas foguèt pas capabla de demostrar la capacitat financièra exigida dins l’apèl d’ofèrtas. Totun, la pòrtavotz del govèrn  de la Generalitat, Neus Munté, assegurèt son engatjament pel referendum. A l’ora d’ara, segon la lei, la Generalitat pòt estudiar d’autras possibilitats d’obténer las urnas.
 
 
De menaças
 
Tre que lo president Carles Puigdemont anoncièt l’apèl d’ofèrtas a la compra d’uèch milas urnas, l’8 de mai passat, lo govèrn espanhòl menacèt a l'encòp las societats que fan d’urnas per que respondèsson pas a l’apèl, los foncionaris per que participèsson pas al procès. En mai d’aquò, la Gàrdia Civila vesitèt almens una de las doas societats que s'èran presentadas a l’apèl, e n'interroguèt los responsables.
 
Al meteis temps, lo ministèri public mandèt en justícia la conselhièra a la governança de la Generalitat de Catalonha, Meritxell Borràs, e lo secretari general, Francesc Esteve, per aver fach l’apèl d’ofèrtas.
 
 
“D’espaventafoncionaris”
 
La responsa del president Carles Puigdemont foguèt clara e neta. Puigdemont acusèt lo ministèri public e los grops politics antireferendum de voler espantar los foncionaris e de percaçar las urnas.
 
“Avèm lo ministèri public quitament aquí ont avèm tot lo drech d’agir en se metent als òrdres dels grops politics, que son devenguts d’espaventafoncionaris”
 
 

 
 
Lo vaudevila de las urnas
 
Lo vaudevila de las urnas comencèt l’8 de mai passat, quand lo bulletin oficial de la Generalitat de Catalonha publiquèt l’apèl a crompa de uèch mila urnas de vòte. Lo govèrn de la Generalitat precisèt que l’apèl se fasiá consent amb la legislacion electorala espanhòla e catalana sens mençonar en cap de moment l’usatge que se fariá d’aquelas urnas.
 
E mai se la la crompa d’urnas es emparada legalament per la lei organica del regim electoral general e per las leis catalanas, lo ministèri public en Catalonha anoncièt que fariá sa denóncia sens detalhar quals n’èran los eventuals delictes.
 
Segon lo professor de drech penal de l’Universitat de Barcelona, Joan Queralt, totas las comunautats autonòmas de l’estat espanhòl an crompat d’urnas, e lo govèrn espanhòl tanben. Segon çò qu’el precisava a VilaWeb, “las urnas son pas un material d’usatge restrench, ni material de dobla tecnologia ni material estrategic. Per tant, es de liure comèrci”. De son costat, l’avocat Josep Costa es d’acòrdi amb Queralt e apond que “tot aquò es una pegariá, mas en Espanha tot es possible”. Dins aquel sens, Queralt remembra “qu'an condemnat lo president de la Generalitat e tres conselhièrs per una causa que lo president del govèrn espanhòl e lo ministre de Justícia diguèron qu'èra una fotesa”, en referéncia a la senténcia contra Artur Mas pel vòte popular del 9 de novembre de 2014.
 
 
E los bulletins de vòte?
 
L’agitacion que l'a descadenada la crompa de las urnas se poiriá tanben generar un còp que lo govèrn de la Generalitat aurà bandit l’apèl d’ofèrtas pels bulletins de vòte.
 
 
 

 


abonar los amics de Jornalet
 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

"Tàrrega" Igualada (PP.CC.)
3.

Una mes, quantes falten per demostrar que aquell estat -spain- no ens vol ni en pintura, quan ho veurà tothom.
Si això fos l'únic, es que porten 300 anys i mes donant pel sac, a naltros i molta mes gent, els indígenes d'Amèrica, els Bascos, els Gallecs, els Andalusos, i mes. I això no admet polèmica.
La relació amb ells s'ha acabat, ho entenguin o no.
Visca la Terra...Lliure!
L'Ernest, "El Tàrrega".

  • 0
  • 0
francesc palma
2.

Pacem in Terris. Joan XXIII 1963. Enciclica: la patz s'ha de basar en la veritat, la justicia, l'amor e la libertat.
Patz en la Terra
Pau en la Terra
Paix dans la Terre
Pace en la Terra
Paz en la Tierra.
Peace
Salam

  • 2
  • 0
Mala Tèsta
1.

Despuèi quand es vengut illegal de crompar urnas dins un estat europèu ? Aqueles Castelhans son a virar faissista, non ?

  • 7
  • 0

Escriu un comentari sus aqueste article