Bandièra01 1180x150: Comuna de Tolosa

Actualitats

Malhòrca: Antoni Noguera es vengut lo primièr cònsol màger independentista de Palma

Amb aquela nominacion la coalicion ecologista e catalanista ten lo govèrn de 18 comunas de l’illa

| Dídac Martorell
Antoni Noguera es vengut lo primièr cònsol màger independentista de Palma e lo 18n de Malhòrca. Divendres de ser, prenguèt sas foncions en precisant clarament son engatjament per un torisme responsable, per l’environament e las energias renovelablas e l’economia creativa. Faguèt tanben una crida a l’accion collectiva en assegurant que Palma èra “una òbra collectiva” e que lor “melhor libre del Mond [èra] encara a s’escriure”.
 
Dins son discors d’investidura, Noguera reconeguèt la figura de l’escrivan Ramon Llull, e parlèt tanben d’Emili Darder, lo cònsol republican de Palma tuat en represalhas per las tropas franquistas pendent la Guèrra d’Espanha. “Ochanta ans puèi, Palma tornarà aver un cònsol màger republican”, çò assolidèt.
 
Lo nòu cònsol, del partit MÉS per Mallorca (Mai per Malhòrca), a pres sas foncions en remplaçant José Hila, del Partit Socialista, segon l’acòrdi que faguèron aqueles dos partits per se partejar la mitat del mandat cadun.
 
Ara, MÉS per Mallorca govèrna dètz e uèch comunas de l’illa. S’agís d’una coalicion ecologista e progressista que defend l’egalitat sociala, la radicalitat democratica, la sobeiranetat de Malhòrca e la lenga e la cultura catalanas.

 


 


abonar los amics de Jornalet
 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Peire II d\'Aragon
8.

#6 Car filh mieu, lo Melenchon pareis de dreita a costat d'aqueste ? Aquò non m'estranha ! Melenchon es contra tota egalitat de dreits entre las lengas ditas "regionalas" o "de France" e la sieuna, lo francés. Vòl un estat iperpotent, un estat centralizat amb la totipoténcia de sa lenga-cultura coma unica votz de l'oficialitat : non me sembla gaire malaisit de semblar mai a esquèrra qu'el !!! Un Melenchon auriá agut lèu fait, fa 70 ans, de te mandar totes los POM, CNT e autras brigadas internacionalas se far maselar sul camp de batèsta entre los carris d'assalh franquistas e los sieus pròpris… Benlèu ben lo batlle de Palmas serà un pauc mai a esquèrra, un pauc mai democratic : me sembla de l'òrdre del possible.

Bon… t'acòrdi, mon car filh En Jaume, que contràriament a tu qu'as conquistat las Islas e Valéncia, ieu, seriái mai revolucionari, a l'ora d'ara, mai libertari. Influéncia tolosana, pescada sul prat batalhèr de Mureth la madita ? Se ma "senyera" es de sang e d'aur, mas colors politicas, elas, son vengudas sang e negra !!! Segur soi un rei mòrt pel sieu pòble que li cridava ajuda, mas, veses, fau un pauc coma lo bon vin, que se melhora en venir vièlh.

  • 9
  • 0
Jaume II Mallorca
7.

Es problema des sistema electoral español ês que no está pensat per favorí sa governabilidad através d'una majoría. Sino que se vá pensá per favorí à nês nacionalistes. Quand se vá fé sa lley electoral se vá cedí à ses estorsions nacionalistes per que no dinamitassen sa transició à sa democraci. Y no vá serví de rês, perque desde es primé día de democraci, es nacionalistes se varen posá à fé feyna per acabá an so sistema adoptat per consens de sa majoría de forses polítiques.

  • 0
  • 12
Jaume II Mallorca
6.

Qu'un radical com aquest amb un 15% des vots pugui ribá à sê batle doná una idéa de sa poca calidad de sa democraci española. Si à España tenguessem segona volta, un tipo axí may sería batle. Devora aquest tipo En Mélenchon parex de dretas.

  • 0
  • 15
francesc palma
5.

Esperem que sia melhor qu' el qu' havia abans, del PSOE.

  • 6
  • 0
Guilhèm Pujol Sèta
4.

Osca Malhorca ! Al plaser de vos venir lèu-lèu vistalhar amb la barca del temps !

  • 13
  • 0

Escriu un comentari sus aqueste article