CAPÇALERA: publicitat jornalet
CAPÇALERA2: FAI-TE SOCI

Jornalet, gaseta occitana d'informacions

Dissabte, 21 de setembre

Actualitats

Dijòus, 11 d'octòbre de 2012, 03h00 Politica,Internacional

Espanholizar Catalonha


Comentaris 7 comentaris    
Marrit Flac Bon Plan bon Fabulós (17 vòtes)
carregant En cargar


Lo ministre de l’educacion espanhòl, Ignacio Wert, reconeguèt ièr dins lo Congrès dels Deputats espanhòl que la siá intencion èra d’espanholizar Catalonha. “Lo nòstre interès es d’espanholizar los enfants catalans e que se sentiscan tan fièrs d’èsser espanhòls coma d’èsser catalans”, çò diguèt Wert en responsa al deputat del Partit dels Socialistas de Catalonha (PSC), Francesc Vallès que li demandava d’explicacions per aver ligat l’independentisme al sistèma educatiu catalan. (vidèo)




Lo ministre d’educacion espanhòl, Ignacio Wert

L’expression “espanholizar Catalonha” foguèt una de las consignas franquistas, segon çò que se pòt veire dins l’edicion de març de 1937 de la revista satirica catalana L’Esquella de la Torratxa

Lo 28 d'agost de 1936, la Junta de defensa nacional de Franco, a Burgos, ordenèt espanholizar l'educacion
© @AntonioMaestre





Etiquetas
catalonha, comission europèa, espanha, espanholizar, independéncia, pression, ue

Wert ven de presentar una reforma educativa que, segon lo deputat socialista, remembra l’educacion del franquisme. D’un costat prepausa de reduccions budgetàrias a l’ensenhament public e d’un autre costat vòl sosténer economicament las escòlas de Catalonha e de las Illas Balearas qu’ajan l’espanhòl coma lenga veïculara, segon lo jornal El Mundo.
 
Lo president espanhòl, Mariano Rajoy, luènh de desautorizar lo ministre, li mostrèt lo sieu sosten. “Aital, coma lo ministre Wert, cal melhorar l’educacion per que totes se sentiscan fièrs d’èsser espanhòls e catalans”, çò declarèt lo president espanhòl a París ont s’èra reünit amb lo president francés, François Hollande.
 
Mentre que lo debat sus l’independéncia de Catalonha es fòrça viu dins lo nòstre país fraire, l’Estat espanhòl reagís s’un biais exorbitant, en fasent volar plan bas d’avions bombardièrs F18 sus Catalonha, en menaçant amb d’intervencions militaras e en demandant a l’Union Europèa de reconéisser pas Catalonha. Quitament lo Parlament catalan foguèt deslotjat per una menaça de bomba dimars passat.
 
 
Lo govèrn espanhòl fa pression sus Brussèlas per qu’accèpte pas Catalonha
 
Dins aquel sens, lo govèrn espanhòl a mandat una letra formala a la Comission Europèa en demandant que totes los membres expliquen la lor posicion per rapòrt a una eventuala independéncia de Catalonha e, tanben, per rapòrt a l’ipotèsi que l’Estat catalan novèl faga partida de l’Union Europèa, segon çò qu’an explicat de fonts de la presidéncia espanhòla a Europa Press. Lo govèrn de Mariano Rajoy ditz tostemps que Catalonha demorariá en defòra de l’Union, mas la vicepresidenta de la Comission, Viviane Reding, o neguèt fa una setmana e diguèt que se fisava de la “mentalitat europèa dels catalans”.
 
Après aquela afirmacion frapanta, e après que lo president de la Comission, José Manuel Durão Barroso, diguèt qu’aquò dependriá que de la legalitat internacionala, lo govèrn espanhòl s’es mes a far pression sus la Comission.

La letra mandada explica, concretament, que i a un article del Tractat de l’Union, lo 4.2, que ditz que se respectarà las identitats nacionalas dels estats membres “inerentas a las estructuras fondamentalas, politicas e constitucionalas”. Amb aquò, lo govèrn espanhòl vòl dire que la secession serà pas pachada e que vendriá illegala. L’escrich parla tanben de l’indivisibla unitat d’Espanha segon la constitucion.
 
 
Lo govèrn espanhòl ditz qu’aquel article del Tractat explica çò que se coneis coma nòrma de “remission”, es a dire, qu’incorpòra çò que l’ordenament juridic de cada estat membre determine. Aquela vision contrasta amb las declaracions de Barroso a la fin del mes d’agost: “Confirmi qu’en l’ipotetic cas de la secession d’una part d’un estat membre, la solucion se deuriá trobar en negociant dins l’ordenament legal internacional”, çò diguèt.
 
En fach, Espanha a pas reconegut l’independéncia de Kosovë perque es declarada de faiçon unilaterala, e a pas cap d’intencion de permetre un referendum sus l’independéncia de Catalonha.
 
 
Manifestacion espanholista
 
Deman, Espanha festeja lo sieu jorn nacional en commemorar la conquista d’America. Dins aquel encastre s’es prevista una manifestacion de “catalans que se sentisson espanhòls”. La manifestacion es convocada amb lo sosten del Partit Popular e de Ciutadans. De partits d’extrèma drecha, coma lo movement franquista de la Falange Espanhòla e lo partit xenofòb Plataforma per Catalonha, an anonciat lo lor sosten e la lor participacion a l’acamp.



publicitat
BANER1-2-3: DGPL DICTADES



Comentaris

14 d'octòbre 10.41h

#5 E los Borbons son plan dins sa tradicion, es clar.


Valoriza aqueste comentari:   votar positiu 1   votar negatiu 0
Respondre comentari replica Comentari inadeqüat   Formulari d'abús de comentari

13 d'octòbre 16.54h

Nos cal remarcar que lo nòstre president normal a pas quincat un mot a prepaus de Catalonha
quand Rajoy lo venguèt veire a Paris. Si podèm comprene que França se pòt gaire mainar d'un "afar interior espanhòl" França es mai que mai concernida per la demanda del pòble catalan e lo silenci de Hollanda laissa pensar que defend mai los estats que los pòbles. Pasmens me sembla normal que dins l'encastre europenc d'unes pòbles esquichats dins d'estats centralisaires cèrcan de ne'n sortir.
M... Legir mai


Valoriza aqueste comentari:   votar positiu 3   votar negatiu 0
Respondre comentari replica Comentari inadeqüat   Formulari d'abús de comentari

12 d'octòbre 20.13h

#3 Lo rei d'Espanha es d'origina francesa : es un de Borbon.


Valoriza aqueste comentari:   votar positiu 3   votar negatiu 0
Respondre comentari replica Comentari inadeqüat   Formulari d'abús de comentari

12 d'octòbre 12.26h

Bèl article. Las causas son claras. Segon lo poder castilhan-espanhòl, cal que los catalans, los occitans-araneses, los bascos, los galicians-portugueses, devèngon de personas "coma lor cal", autrament dich venguèsson coma els, valent a dire d'espanhòls.


Valoriza aqueste comentari:   votar positiu 2   votar negatiu 0
Respondre comentari replica Comentari inadeqüat   Formulari d'abús de comentari

12 d'octòbre 00.10h

Los espanholistas deurián far mèfi ! Son a mand de se francizar !!! E de faischizar, tot parièr…


Valoriza aqueste comentari:   votar positiu 4   votar negatiu 0
Respondre comentari replica Comentari inadeqüat   Formulari d'abús de comentari

11 d'octòbre 22.25h

Se cau espanholizar-les, vò díder que non son espanhòus


Valoriza aqueste comentari:   votar positiu 6   votar negatiu 0
Respondre comentari replica Comentari inadeqüat   Formulari d'abús de comentari

11 d'octòbre 20.48h

Cossí se ditz un nacionalista catalan?
-Un nacionalista!
Cossí se ditz un nacionalista espanhòl?
-Un Patriòta!
E çò mèmes pels nacionalistas franceses.


Valoriza aqueste comentari:   votar positiu 9   votar negatiu 1
Respondre comentari replica Comentari inadeqüat   Formulari d'abús de comentari

5 -10 -20 -totes
1




Comenta

Lo comentari es estat mandat corrèctament



  Previsualiza

La direccion del Jornalet a lo drech de publicar pas los comentaris que respècten pas las nòrmas basicas d'educacion, civisme e dialòg.
publicitat
BANER1-2-3: DGPL TRADUCTOR

Editorial

Lo jornalisme fa son trabalh

Lo 15 de mai passat, vesitàvem lo licèu Pierre et Marie Curie de Menton. Voliam far un pichon reportatge amb los liceans de la classa d’occitan per nòstra emission #aranésòc ...
giny

Lo temps

Mapa
  • sol Agen 22
  • sol Aush 22
  • sol Bordèu 21
  • sol Briançon 14
  • sol Caors 22
  • sol Carcassona 20
  • sol Clarmont-Ferrand 19
  • sol Confolent 19
  • sol Gap 12
  • sol La Canau 20
  • sol La Gàrdia 21
  • sol Limòtges 20
  • sol Lo Borg Sant Dalmatz 17
  • sol Lo Puèi de Velai 18
  • sol Marselha 21
  • sol Montpelhièr 21
  • sol Naut Aran 15
  • sol Niça 20
  • sol Nimes 21
  • sol Pau 20
  • sol Peireguers 21
  • sol Rodés 22
  • sol Tolon 21
  • sol Tolosa 21
  • sol Valença 19

giny

giny

Vidèos

giny

Entrevista

“Volèm recobrar la fiertat d’èsser catalans”

Jordi Riba president de l’Associacion Culturala Vibrant

“Volèm recobrar la fiertat d’èsser catalans”
giny

giny

publicitat

lateral 2 teveoc

Fotografias

  • © Salça Morena

    Passeaia nucleària dal Prat (vilar de Sant Dalmaç lo selvatge) a Sant Dalmaç en passar per las baissas de Boneta e de Motiera (auta valaa de Tiniá)

  • © Aure Séguier

    Carnaval Biarnés 2017

  • Clarençac, 40en anniversari dau club taurin Paul Ricard "L'Escapaire" (07/06/2015): rossetalha, abrivada e bandida en cèucle dins lei dogas

  • Zep Armentano

    25au Corsa Aran per sa Lengua

  • Clarençac, 40en anniversari dau club taurin Paul Ricard "L'Escapaire" (07/06/2015): rossetalha, abrivada e bandida en cèucle dins lei dogas

  • 80a annaia d’a fèsta dau limon a Menton, en lu Òrts Biovès (16 de febraro au 6 de mars). ©  Artusa Garavan

    80a annaia d’a fèsta dau limon a Menton, en lu Òrts Biovès (16 de febraro au 6 de mars)

  • © Laurenç Revèst

    Dau castèu de Grimaud

  • Nhèu d'abriu en Aran. © Xavi Gutiérrez Riu

    Nhèu d'abriu en Aran

  • Meravilhas aranesas. © Franc Bardòu

    Meravilhas aranesas

  • Carnaval independent de Niça. © Centre Cultural Occitan País Niçard e Alpenc

    Carnaval independent de Niça

  • Cap a las fonts autas d'Arièja. © Franc Bardòu

    Savartés. Cap a las fonts autas d'Arièja

  • Ciutat de Draoníer. © Cristòu Daurore

    Ciutat de Draoníer (Val Maira)

  • © Franc Bardòu

    Asuèlhs Bigordans

  • Asuèlhs comengeses. © Franc Bardòu

    Asuèlhs Comengeses

  • © Laurenç Revèst

    Las Cevènas, Barjac en Val de Cese

  • © Aure Séguier

    Carnaval Biarnés 2017

  • Vabre (Monts de la Cauna). © Pèire Thouy

    L'occitan per carrièras (concors de prima 2014)

  • Gavotina marítima: trofèu d'August e vila vielha d'A Torbia

  • © Aure Séguier

    Carnaval Biarnés 2017

  • Fèsta dal Dalfin al Borg. © Cristòu Daurore

    Fèsta dal Dalfin al Borg Sant Dalmatz

publicitat

LATERAL2 330x60: Casteth Paums



publicitat

LATERAL1 300X250: radio pais

Las mai...

publicitat

LATERAL1 300X250: radio pais

giny

Sondatge

Bulletin

Se vòls recebre per e-mail los grands títols de Jornalet, abona-te

Adreiça E-mail
       
avís legal
En complir la Lei de Servicis de la Societat de l'Informacion e de Comèrci Electronic e la Lei Organica de Proteccion de Donadas (de l'Estat espanhòl) t'informam que se vòls pas contunhar de recebre lo nòstre bulletin informatiu, te pòdes desabonar a travèrs d'aqueste formulari.



Etiquetas

giny





Jornalet, gaseta occitana d'informacions


Associacion entara Difusion
d'Occitània en Catalonha
(ADÒC)