Coma de costuma, pel sieisen còp en sèt ans, lo campion de la Super-Liga es... Leeds. Dissabte, davant 70 000 espectators a Manchester, l’esquipa a servat lo trofèu.
Los Lops marcavan d’entrada, mas la dobertura Sinfield replicava un quart d’ora mai tard. A la pausa, la marca èra egala a 14 pertot: 2 ensags transformats e una penalitat per cadun. A la represa, los Lops tornavan marcar per Atkins, mas la carga dels Rinoceròs, menats pel mesclanha Burrow (lo mai pichon jogaire de la competicion) e pel tresena linha sobeiran Sinfield, anava venir de mai en mai pesuga e se concretizar per dos novèls ensags transformats: 26-18 a la fin. Leeds confirma sas qualitats d’equipa de partidas eliminatòrias e finalas: coma l’an passat, en acabant cinquena de la fasa de classament, capita a ganhar la finala!
En Elita, plan marrida suspresa dijòus amb la decision del tribunal de Montpelhièr de metre en liquidacion judiciària la formacion dels Diables Roges. E vaquí doncas, aprèp doas jornadas, lo campionat redusit a nòu formacions. Ja, l’an passat, Sant Gaudenç s’èra retirat a la velha de la competicion. Ven mai qu’urgent de trapar una solucion durabla per l’espròva màger.
Dissabte, Pià coneguèt cap de problèma per s’impausar fàcia a Vilanòva d’Òlt: 50 a 22.
Sus sa pelena dels Minimes, novèla desillusion pel Tolosa Olimpic despassat per una esquipa d’Avinhon volontària: 17-14.
Dimenge, Lesinhan dispausèt aisidament de Lescura: 48-12.
Al programa de la dimenjada: dissabte 13, Carcassona jogarà a Avinhon (17h); dimenge 14, partidas engatjadas s’anoncian a St-Esteve ont los Dragonets recebon Lesinhan e a l’estadi Max-Rosièr ont los Leopards de Vilanòva esperan lo Tolosa Olimpic.
Pià deuria logicament contunhar son sens-fauta del costat de Lescura. La dimenjada veirà tanben l’entama del campionat femenin.
Diluns passat, a l’estadi Domèc, los joves del Pòl Esper del Licèu Sabatièr s’impausèron dins las 2 partidas (U16 e U17) que los opausavan a joves australians de Novèla-Galas del Sud. Las 4 formacions estalvièron pas lor vam.
Aquesta dimenjada marcava tanben la represa de las competicions de Nacionala 1-2 e Nacionala 3. Atal, aqueste dissabte, sus l’estadi del Collègi de Limós, l’Ententa Preixan-Lauquet remportèt 34-8 un primièr derbi contra los novèls venguts, los Arlequins (referéncia a Carnaval obliga) de Flassian.
Los Lops marcavan d’entrada, mas la dobertura Sinfield replicava un quart d’ora mai tard. A la pausa, la marca èra egala a 14 pertot: 2 ensags transformats e una penalitat per cadun. A la represa, los Lops tornavan marcar per Atkins, mas la carga dels Rinoceròs, menats pel mesclanha Burrow (lo mai pichon jogaire de la competicion) e pel tresena linha sobeiran Sinfield, anava venir de mai en mai pesuga e se concretizar per dos novèls ensags transformats: 26-18 a la fin. Leeds confirma sas qualitats d’equipa de partidas eliminatòrias e finalas: coma l’an passat, en acabant cinquena de la fasa de classament, capita a ganhar la finala!
En Elita, plan marrida suspresa dijòus amb la decision del tribunal de Montpelhièr de metre en liquidacion judiciària la formacion dels Diables Roges. E vaquí doncas, aprèp doas jornadas, lo campionat redusit a nòu formacions. Ja, l’an passat, Sant Gaudenç s’èra retirat a la velha de la competicion. Ven mai qu’urgent de trapar una solucion durabla per l’espròva màger.
Dissabte, Pià coneguèt cap de problèma per s’impausar fàcia a Vilanòva d’Òlt: 50 a 22.
Sus sa pelena dels Minimes, novèla desillusion pel Tolosa Olimpic despassat per una esquipa d’Avinhon volontària: 17-14.
Dimenge, Lesinhan dispausèt aisidament de Lescura: 48-12.
Al programa de la dimenjada: dissabte 13, Carcassona jogarà a Avinhon (17h); dimenge 14, partidas engatjadas s’anoncian a St-Esteve ont los Dragonets recebon Lesinhan e a l’estadi Max-Rosièr ont los Leopards de Vilanòva esperan lo Tolosa Olimpic.
Pià deuria logicament contunhar son sens-fauta del costat de Lescura. La dimenjada veirà tanben l’entama del campionat femenin.
Diluns passat, a l’estadi Domèc, los joves del Pòl Esper del Licèu Sabatièr s’impausèron dins las 2 partidas (U16 e U17) que los opausavan a joves australians de Novèla-Galas del Sud. Las 4 formacions estalvièron pas lor vam.
Aquesta dimenjada marcava tanben la represa de las competicions de Nacionala 1-2 e Nacionala 3. Atal, aqueste dissabte, sus l’estadi del Collègi de Limós, l’Ententa Preixan-Lauquet remportèt 34-8 un primièr derbi contra los novèls venguts, los Arlequins (referéncia a Carnaval obliga) de Flassian.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari