Bandièra01 1180x150: Comuna de Tolosa

Actualitats

La Gàrdia Civila interròga los responsables del Teatre Nacional de Catalonha a prepaus d’un acte sul referendum

Dins las darrièras setmanas an interrogat de salariats publics a prepaus dels preparatius del vòte sus l’independéncia anonciat pel 1r d’octòbre que ven

| Carme Forcadell
D’agents de la Gàrdia Civila espanhòla se presentèron dijòus passat al Teatre Nacional de Catalonha (TNC) en tot requerir d’informacions sus l’acte de presentacion del referendum d’independéncia que se i èra tengut lo 4 de julhet passat. E mai, durant las darrièras setmanas, d’agents d’aquel meteis còrs de polícia an interrogat divèrses emplegats de la Generalitat de Catalonha a respècte del sit web del Pache Nacional del Referendum e sus la campanha institucionala del registre de catalans a l’estrange.
 
Just après la vesita dels policièrs, los responsables del teatre raportèron los faches al grop parlamentari de Junts pel Sí (Amassa per l’Òc). Sul pic, los deputats Jordi Turull, Marta Rovira e Lluís Llach compareguèron al Parlament de Catalonha per exprimir lor estonament. An explicat qu’èra un acte politic sens cap de contengut que permetèsse una enquèsta. “Nos torna a una epòca que qualques unes an pas coneguda”, çò diguèt Turull en referéncia al franquisme, mentre qu’explicava que tre lo 19 de julhet començarián los actes per explicar lo referendum a Catalonha tota; per tant, “la Gàrdia Civila aurà de trabalh”, çò precisèt.
 
Per quant a el, Lluís Llach remembrèt que durant lo franquisme, los policièrs avián quitament “lo coratge d’interpelar los protagonistas e non pas de far paur als intermediaris”.
 

 
 
Se i faguèt un acte simbolic en favor del referendum
 
Lo 3 de julhet passat, se presentèt al Parlament de Catalonha los detalhs de la lei del referendum d’independéncia de Catalonha e Aran del 1r d’octòbre que ven. De deputats de Junts pel Sí (Amassa per l’Òc) e de la CUP se partegèron l’explicacion del tèxt. Puèi, de ser, un acte simbolic se tenguèt al Teatre Nacional de Catalonha.
 
 


abonar los amics de Jornalet

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

"Tàrrega" Igualada (PP.CC.)
1.

A l'Ajuntament de la meva ciutat també hi han entrat, son com aprenents de falangistes, això no passava des de l'època de'n "paquito".
De que van, només perquè som Catalans, o Occitans (l'Aran), ens ho volen fer pagar, si no tenen res, si va encontre de la seva constitució, doncs que la modifiquin! Costa tant ?
Perquè els es imposible pensar com persones?
Res, ni lo mínim! Que hi farem, son així, i fa temps que estan igual, per a, o per b, però hauran d'acceptar-ho. no tenen altre remei.
Visca la Terra...Lliure!
L'Ernest, "El Tàrrega".

  • 0
  • 0

Escriu un comentari sus aqueste article