Bandièra01 1180x150: Comuna de Tolosa

Actualitats

Polonha: lo president met son vèto a la polemica reforma de la justícia

De milièrs de personas an manifestat dins los darrièrs jorns per las carrièras de tot lo país contra aquela reforma que permetriá al govèrn de contrarotlar completament la justícia

o president del país, Andrzej Duda, a decidit de s’afrontar al govèrn de son país e diluns anoncièt qu’oposariá son vèto a doas de las tres leis de la reforma de la justícia
o president del país, Andrzej Duda, a decidit de s’afrontar al govèrn de son país e diluns anoncièt qu’oposariá son vèto a doas de las tres leis de la reforma de la justícia | Reuters
Après l’anóncia de tres leis polemicas sus la reforma de la justícia, qu’avián levat de protèstas per tota Polonha, lo president del país, Andrzej Duda, a decidit de s’afrontar al govèrn de son país e diluns anoncièt que metriá son vèto a doas d’aquelas leis.
 
Ara, per poder aprovar aquela reforma après lo vèto presidencial, lo partit ultraconservator, Drech e Justícia (PiS), deuriá aténher una majoritat de dos tèrces del parlament, çò que sembla fòrça improbable.
 
De milièrs de personas an manifestat dins los darrièrs jorns per las carrièras de tot lo país contra aquela reforma de la justícia, que permetriá al govèrn de la contrarotlar completament.
 
La decision de Duda es estada estonanta car lo president èra totjorn estat un aliat del PiS e de son cap Jarosław Kaczyński.
 
Lo govèrn de la primièra ministra Beata Szydlo a exprimit sa decepcion, del temps que l’oposicion o a festejat coma una victòria.
 
La Comission Europèa aviá menaçat la setmana passada Polonha amb de sancions economicas se cambiava pas aquelas leis.

 


abonar los amics de Jornalet
 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris


I a pas cap de comentari

Escriu un comentari sus aqueste article