Bandièra01 1180x150: Comuna de Tolosa

Actualitats

crotz-tolosaCreated with Sketch.GasconhaVal d'Aran

Era Val d’Aran se botge aué pera lengua deth país

Era 24u corsa Aran per sa Lengua que revendique er usatge sociau der aranés

Milèrs d’aranesi que reclamen aué, en ua jornada revendicatiua, esportiua e hestiua, er usatge sociau dera lengua occitana en país de cap de Garona. Se tracte dera 24u edicion dera corsa Aran per sa Lengua, ua manifestacion revendicatiua ena quau fòrça aranesi trauèrsen era Val, a pè o en tot córrer. Es correires que gessen de Les, de Montgarri o deth Pòrt de Vielha e que s’amassen ath ser ena plaça de Vielha. Aquiu que se i amassen normauments un milèr de persones, e dempús des actes e des discorsi, un brave e animat concèrt de Nadau que claue ua jornada que cada an ven istorica.
 
Aué tot eth país aranés marche des tres punts dera Val entà trapar-se ena plaça de Vielha. Aquiu qu’arribaràn en tot carrejar es terçons, que permeteràn de dessenhar era mapa dera Val ena Plaça dera Glèisa.
 
Era marcha qu’ei organizada peth collectiu Lengua Viua, entà revendicar er usatge sociau der aranés.
 
Era principau hònt de sòs entà finançar er eveniment qu’ei era venda dera camiseta dera corsa, qu’ena edicion d’enguan ei dessenhada per Maria Puyol Tamarit.
 
Era corsa que compde cada an damb mès compatriòtes de Garona enjós, que vien tanplan a botjar-se per aranés, qu’ei, fin finau, eth nòste occitan.
 
 
 
 
FM
 



 


abonar los amics de Jornalet
 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

"Tàrrega" Igualada (PP.CC.)
6.

Omple d'orgull veure els Aranesos defensant el seu País, si tot va be, aviat no ho hauran de fer, potser perquè seran lliures, i el meu País també, esperem que si, m'entres a lluitar i no defallir.
Visca la Terra...Lliure!
L'Ernest, "El Tàrrega".

  • 0
  • 0
Lés
5.

Aran pera seua poilitica lingüistica ei ath centre d'Occitània tota.

Fòrça escolans dera EOE demandèren còrses auançadi d'aranés. Era equipa de gavidaires dera escòla an pas donat seguida ad aquesta demanda. Domatge !

  • 4
  • 0
Estevenòt Tornafuèlha
4.

Aran es un exemple per Occitània Nòrd, e Aran pòt desenvolopar una atractivitat lingüistica pels occitan s de França, mai que mai los gascons vesins.
Mès l'aranès es un parlar gascon, e pòt semblar de mal compréner aitant que lo catalan, per un occitan mai aluenhat. De testar e de soscar per l'avenidor...
A l'escala d'Occitània tota, lo modèl aranès es pas de bon reproduire, amb la coexistència inorganizada dels parlars naturals e de l'occitan estandard.
Ai pas cap d'idèa trencada, mès cal èsser pragmatic

  • 5
  • 3
Sernin Tholo
3.

#1 Se 17 % de l'Occiània francesa utilizèsse abitualament la lenga, amb una fòrta ajuda de las institucions (ensenhament, senhaletica, "simbologia" oficiala etc.) aquò seriá imaginable...

  • 9
  • 1
Donacian
2.

Sabètz pas si las vendon mai sobre internet aquelas chamisetas «Aran per sa Lengua» ?

  • 5
  • 0

Escriu un comentari sus aqueste article