Bandièra01 1180x150: Comuna de Tolosa

Actualitats

crotz-tolosaCreated with Sketch.GasconhaVal d'Aran

La lei del referendum d’independéncia incorpora de melhoraments importants per la Val d’Aran

Se crèa pel primièr còp la nòva circonscripcion electorala d’Aran. Las bilhetas de vòte seràn en occitan dins tot lo territòri de Catalonha e Aran

Lo 31 de julhet passat, lo Parlament de Catalonha enregistrèt la proposicion de la lei que regularà lo referendum independentista del 1r d’octòbre que ven. Al darrièr moment, e en respondent a las revendicacions de l’occitanisme en Catalonha, la lei conten qualques modificacions importantas:
 
— pel primièr còp, la Val d’Aran serà circonscripcion electorala,
 
— las bilhetas de vòte seràn tanben en occitan en Catalonha tota.
 
E mai s’èra previst que la version trilingua (catalan, espanhòl e occitan) foguèsse sonque pels burèus de vòte araneses, ara serà la sola version de la bilheta de vòte que se trobarà dins tot lo territòri que participarà al referendum. La question pausada serà redigida en  occitan aranés: “Voletz que Catalonha vengue un estat independent en forma de Republica?” E la responsa binària permetrà de causir entre “Òc” e “Non”.
 
Aquela modificacion arriba après que lo CAÒC mandèt una letra d’urgéncia a totes los deputats independentistas en expausant que lo referendum del 1r d’octòbre venent es un eveniment pro important per que los araneses que demòran fòra de la Val d’Aran pòscan exercir lor drech de vòte en lenga nòstra.
 
 
Circonscripcion d’Aran
 
Un autre melhorament important pel país occitan es la creacion de la nòva circonscripcion electorala d’Aran, que s’apond a las circonscripcions de Barcelona, Girona, Lhèida e Tarragona. Demest d’autras causas, aquela circonscripcion permetrà de comptar los vòtes araneses e de ne tirar las conclusions pertinentas en comparason amb los vòtes de las autras circonscripcions; sustot, Aran poirà ansin entamenar l’endeman del referendum son pròpri procès per que los araneses deciscan l’avenir politic de lor país occitan.
 
Aquela lei serà tractada durant la session del Parlament de Catalonha qu’aurà luòc pendent la primièra setmana de setembre.
 
 
— Aué TV: Es bilhetes deth referendum der 1-O tanben se traparàn en aranés (occitan)
El Temps: Les paperetes del referèndum seran també en occità a tot Catalunya


abonar los amics de Jornalet
 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

"Tàrrega" Igualada (PP.CC.)
5.

Llavors, si a l'Aran guanya el SI, i a la resta tot es torça, l'Aran es lliure, no?
Bo, però no es torcerà, tots sabem que sortirà, així que qui no ho tingui clar, que s'espavili, Cat. aviat lliure! I després els PP.CC. I Occitània, que bonic, vaja fantàstic!
Visca la Terra...Lliure!
L'Ernest, "El Tàrrega".

  • 0
  • 0
carme girona
4.

#3
Tots els espanyols catalans i no catalans volem votar sobre questions de territorialitat ... tots devem opinar sobre l'espai comú.

  • 3
  • 8
Joan Marc
3.

#1 Els feixistes són els espanyols que no volen que els catalans votin.

  • 8
  • 3
Ròdrigo Bigòrra
2.

Lhèu n'i aura pas nat arreferendum qui sap ?

  • 0
  • 2
carme girona
1.

Per favor, si us plau, no volem la independència, deixeu-nos estar, tenim por de xerrar per les reaccions del radicals feixistes que volen imposar-nos ses seves idees. Som catalans i espanyols i volem continuar així.

  • 4
  • 12

Escriu un comentari sus aqueste article