Bandièra01 1180x150: Comuna de Tolosa

Actualitats

Un petit vilatge de la Val de la Tiniá a expulsat lo gigant de telecomunicacions SFR

“Es pas perque ma comuna es de pichona talha que deu renonciar a preservar sos interèsses, i va de nòstra independéncia”, çò ditz la consolessa de Rimplàs

| Xavier Caré
Rimplàs es un petit vilatge de la Val de la Tiniá que ven d’expulsar l’operator de telecomunicacions SFR.
 
En 2002, SFR installèt un repetidor de radiotelefonia a Rimplàs gràcias a una convencion signada en 2010, que permet a l’operator de soslogar la maquina a son grat, sens autorizacion prèvia de la comuna e sens quitament aumentar lo loguièr que li paga. En 2016 desirèt de far valer aquela clausa per installar un segond operator sul repetidor existent. Alara lo cònsolessa màger, Christelle d’Intorni, demandèt a renegociar lo contracte, amb un aument de 167 èuros mensuals de loguièr pel nòu operator. Segon l’elegida, SFR rebuta tot esfòrç financièr e la consolessa a cancelat la convencion e a demandat a SFR de partir de Rimplàs, çò rapòrta Nice-Matin.
 
“Franc qu’una nòva convencion respectuosa dels interèsses de ma comuna siá regularizaa, SFR es pus benvenguá a Rimplàs”, çò ditz d’Intorni. “Ai recentament obtengut l’implantacion d’un repetior Free 4G sus ma comuna dins de condicions ben pus interessantas que las prepausaas per SFR”.
 
D’Intorni es sostenguda pels membres de son conselh municipal, e concedisson a SFR fins al 1r de julhet de 2019 per se posicionar.
 
“Es pas perque ma comuna es de pichona talha que deu renonciar a preservar sos interèsses, i va de nòstra independéncia. Chal totjorn privilegiar la conviccion a la dependéncia economica polerosa. Lo coratge en politica es de chausir jamai la facilitat”.
 

 

abonar los amics de Jornalet
 
 

Etiquetas

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Monir Leviatà
4.

Aquí l'indepéncia vertadièra : es pas dins los sòmnis romantics. Mas dins la recuperacion de la sobereinetat municipala ,energetica e alimentària

Tèrra e Libertat!

  • 6
  • 1
Alaric Occtania centrala o lengadociana
3.

Bravo aquela deciscion sobereina sera segurement seguina d'una melhora oferta en provenença de la concurrencia... Es mai que mai possiible qu'amb lo refus d'antennas et de sas ondas se posca tirar una linha de fibra dusca al centre del vilatge per que cadun poscan s'i conectar.
Las telecomunicacions salavara la ruralitat e los picons vilatges d'aqui coma d'enlai! Nostre pople necite sonque de fidança en el meiteiss per assegurar la promocion de son biais de viure...

  • 4
  • 0
Alaric Occtania centrala o lengadociana
2.

Bravo aquela deciscion sobereina sera segurement seguina d'una melhora oferta en provenença de la concurrencia... Es mai que mai possiible qu'amb lo refus d'antennas et de sas ondas se posca tirar una linha de fibra dusca al centre del vilatge per que cadun poscan s'i conectar.
LAS TELECOMUNICACIONS AMB LO MOND salavara la ruralitat e los picons vilatges d'aqui coma d'enlai! Nostre pople necite sonque de fidança en el meiteiss per assegurar la promocion de son biais de viure...

  • 7
  • 1
Lo raiòu Cevenas
1.

E ben francament, n'aguèsse agut quatre de mans ieu, auriái picat de las quatre.
Madama D'Intorni, sètz una Femna, una Consolessa, emb d'un estat d'esperit amai...
Esemplaritat de coratge politic e de Consciença que se meritavan d'èstre mediatizats !
Jornalet, lo còp que ven, se avètz d'articles d'aquesta mena, manquessiatz pas de los editar ! Gramecí.
Son de causas coma aquò que nos fan besonh. Quanta bofada d'aire fresc !

  • 14
  • 0

Escriu un comentari sus aqueste article