Bandièra01 1180x150: Comuna de Tolosa

Actualitats

La popularitat de Macron tomba al 36% a mens de cent jorns après son arribada a l’Elisi

La popularitat del primièr ministre, Edouard Philippe, recuola tanben leugièrament e supèra pel primièr còp Macron en obténer lo 37% dels sostens

La popularitat del president de la Republica Francesa, Emmanuel Macron, es tombada de sèt ponches al mes passat. A mens de doas setmanas de sos cent primièrs jorns, que se compliràn lo 15 d’agost que ven, lo nivèl de popularitat del nòu president es aperaquí del 36%, segon un sondatge fach per la societat YouGov. Macron entamenèt son mandat amb una popularitat de l’81%.
 
Recuola tanben, e mai se solament de dos ponches, l’imatge del primièr ministre, Edouard Philippe, que despassa pel primièr còp Macron en obténer lo 37% dels sostens. Lo sondatge foguèt elaborat a partir de 1003 entrevistas realizadas entre lo 26 e lo 27 de julhet.
 
Segon aquel sondatge, lo 45% de las personas interrogadas considèran que l’executiu a de “bonas intencions” e lo 49% lo considèran preparat per “prene de decisions impopularas se son bonas pel país”. Per quant a la question se los ciutadans creson que Macron “protegís los interèsses de personas coma eles”, sonque lo 20% respondon afirmativament.
 
Demest las proposicions qu’a lançadas la còla de Macron se tròba la reforma del còde del trabalh e la lei de la moralizacion de la vida publica que son en plen debat parlamentari e que poirián levar de malcontentament social. Pr’aquò, entre las inciativas mai popularas, i a l’exoneracion de la taxa d’abitacion a l’80% dels ciutadans e la revision del calendièr de la reforma fiscala.
 



abonar los amics de Jornalet
 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

francesc palma
6.

Lo capitalisme lo que fa es enganar a l'electorat ,e aprés ven lo desencís. Sempre amb messorgas, sempre amb la mateissa engana beneits.

  • 1
  • 0
Pirolet
5.

36% de popularitat quand oòm representa 16% de l'electorat, es encara tròp! Sembla que d'unes li trapan ara de qualitats pel simple fach de lotjar a l'Eliseu!

  • 4
  • 0
Enric Mala Tèsta
4.

Òu, Lachaud ! Dises que "Far de la politica, uei, qu'es pas chausir entre lo plan bon e lo mens bon, o pas chausir dau tot; quò es chausir a qui l'òm obeit." E ben per, començar de far de politica, es precisament çò contrari : causir de desobedir, e de decidir d'espersé, sense ne referir a qualque elegit que siá. Far de politica es votar de leis en se dispensant d'ara endavant de politicians per o far.

Es segurament per aquò tu meteis, ajustas : "L'uman es uman perque a la capacitat de dire non tots los còps que fau far a l'autre dau mau que voldria pas que l'autre te fassa."… L'uman es uman tre que sap dire non dins l'interès collectiu amalgrat son interès mai egoïsta. Aquò dtiz "aver una consciéncia sociala".

  • 6
  • 0
Mèfi! Enlòc
3.

A la debuta la popularitat sondatgièra es al dessus de la popularitat electorala, paradoxe per efiech de crédit inicial. En seguida las doas téndon a se sarrar.
Quand lo sistèma baila una majoritat a una minoritat electorala participanta, la baissa sondatgièra n'es que mai fòrta.
Lo macronisme es un nòu cas d'escòla, mès es a crénher que lo país siòsque lo laboratòri d'un aprendís brueis (broish), al servici d'una minoritat que rajòla (rigòla?!) sus la majoritat.
A costat d'aquò, lo liberalisme e la barrièra de las lengas...

  • 3
  • 0
Res Inexplicata Volans
2.

Macron impopulari ? Tè, n'i-a que descobrissan l'aiga cauda !

  • 7
  • 0

Escriu un comentari sus aqueste article