Bandièra01 1180x150: Comuna de Tolosa

Actualitats

Índia: seissanta enfants mòrts dins un espital per manca de material medical

L’espital aviá quitat de recebre d’oxigèn a causa de sos deutes amb lo fornidor. Los parents dels mainats recebèron de sacs autogonflables per ajudar los enfants a respirar

| Sir Ravindra Jadeja
Una seissantena d’enfants son mòrts aquesta setmana dins l’espital Baba Raghav Das Medial College, a Gorakhpur (Índia), a causa de la manca de material medical, mai que mai d’oxigèn, que l’espital aviá quitat de recebre a causa de sos deutes amb lo fornidor. L’oxigèn s’agotèt dins la nuèch de dijòus passat e los parents dels mainats recebèron de sacs autogonflables per ajudar los enfants a respirar. Mai de la mitat dels enfants mòrts son de nenets qu’èran dins l’unitat de suenhs intensius.
 
Las autoritats ensajan de trobar los responsables de la tragèdia. Lo govèrn de l’estat d’Uttar Pradesh a ordenat una enquèsta. La tragèdia a descadenat una tempèsta politica.
 
Otra la manca de material medical, cal soslinhar que la bastissa principala se tròba dins un endrech ont la concentracion de moissals es nauta. Aqueles insèctes transmeton l’encefaliti que patissián la majoritat de las victimas.
 
Lo director a demissionat après que la còla de l’espital refusèt de reconéisser la precarietat del centre.
 
Ne podètz trobar mai d’informacions en anglés sus Hidustan Times e tanben sus Twitter amb l’etiqueta #GorakhpurTragedy.

 


abonar los amics de Jornalet
 
 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris


I a pas cap de comentari

Escriu un comentari sus aqueste article