Actualitats
Val d’Aran: lo Manifèst de Les es ara en linha per que se pòsca signar
Lo tèxt reclama que las institucions de la Val d’Aran s’engatgen pel referendum del 1r d’octòbre. Lo 30 d’agost, lo presentaràn publicament a Vielha
An mes en linha lo manifèst de Les e una pagina per amassar de signaturas de sosten. Lo manifèst lo lancèron lo 14 d’agost passat diversas personalitats aranesas que demandan als partits e a las institucions del país que s’engatgen mai pel referendum d’independéncia del 1r d’octòbre venent. De soslinhar entre eles la deputada Mireia Boya, lo cònsol màger de Les Emílio Medan, l’èx-cònsol de Vielha Àlex Moga, l’èx-cònsol de Salardú Jaume Geli, e de membres d’Esquèrra Republicana e de Podèm.
Los signataris reclaman a las institucions d’Aran que s’engatgen pel referendum, e als elegits e representants de Catalonha qu’escoten e accèpten las decisions dels araneses. En mai d’aquò, recòrdan qu’Aran es un subjècte politic reconegut per la lei, saludan lo procès catalan e lo drech de totes los pòbles del Mond de decidir lor avenidor, e planhon la manca de volontat politica de las institucions espanhòlas.
Lo 30 d’agost que ven, faràn una sesilha informativa sul referendum e presentaràn lo manifèst al public.
A l’ora d’ara, Convergéncia Democratica Aranesa a comunicat publicament que dona “libertat entà hèr çò que considèren oportun” a cadun de sos elegits, militants e simpatizants, sens especificar se se garentirà lo drech de vòte pels que voldràn votar. D’autre caire, Unitat d’Aran a manifestat son oposicion al referendum pr’amor que “non vò renonciar ne a Catalonha ne ara rèsta d’Espanha, e qu’ac vò hèr per miei dera unica via possibla en democràcia: eth dialòg, eth pacte e eth respècte ar estat de dret”. Lo partit, sòci del PSÒE espanhòl, considèra illegal lo referendum, e sos dirigents an anonciat que permetràn pas que se tenga lo vòte dins los locals municipals.
Manifèst de Les, de legir e signar s’òm es d’acòrdi.
Los signataris reclaman a las institucions d’Aran que s’engatgen pel referendum, e als elegits e representants de Catalonha qu’escoten e accèpten las decisions dels araneses. En mai d’aquò, recòrdan qu’Aran es un subjècte politic reconegut per la lei, saludan lo procès catalan e lo drech de totes los pòbles del Mond de decidir lor avenidor, e planhon la manca de volontat politica de las institucions espanhòlas.
Lo 30 d’agost que ven, faràn una sesilha informativa sul referendum e presentaràn lo manifèst al public.
A l’ora d’ara, Convergéncia Democratica Aranesa a comunicat publicament que dona “libertat entà hèr çò que considèren oportun” a cadun de sos elegits, militants e simpatizants, sens especificar se se garentirà lo drech de vòte pels que voldràn votar. D’autre caire, Unitat d’Aran a manifestat son oposicion al referendum pr’amor que “non vò renonciar ne a Catalonha ne ara rèsta d’Espanha, e qu’ac vò hèr per miei dera unica via possibla en democràcia: eth dialòg, eth pacte e eth respècte ar estat de dret”. Lo partit, sòci del PSÒE espanhòl, considèra illegal lo referendum, e sos dirigents an anonciat que permetràn pas que se tenga lo vòte dins los locals municipals.
Manifèst de Les, de legir e signar s’òm es d’acòrdi.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari