Bandièra01 1180x150: Comuna de Tolosa

Actualitats

Catalonha: la polícia espanhòla e la Gàrdia Civila avertisson que la gestion dels darrièrs atemptats mòstra l’imatge “d’un estat catalan autosufisent”

Los principals sindicats de las polícias espanhòlas planhon l’afebliment del govèrn espanhòl e assolidan que son estats marginalizats dins la crisi dels atemptats

Los sindicats majoritaris de la polícia espanhòla e de la Gàrdia Civila an publicat ensems un comunicat qu’es fòrça critic amb lo govèrn espanhòl car los a daissats “excluses e isolats” pendent la gestion e l'enquèsta dels atemptats de Barcelona e de Cambrils. L’Associacion Unificada dels Gàrdias Civils (AUGC) e lo Sindicat Unificat de la Polícia (SUP) planhon dins aquel comunicat “l'afebliment de las institucions e dels responsables politics” espanhòls, que considèran qu’“an marginalizat intencionalament de l'enquèsta l’experiéncia e l’estructura dins la lucha antiterrorista” dels dos còrses de seguretat. Segon eles, tot aquò s’es efectuat amb la tòca de “transmetre un imatge a l’exterior de nòstras frontièras d’un estat catalan «autosufisent», en instrumentalitzant sens nada rason la seguretat publica, en assumissent doncas los errors e las consequéncias que pòscan derivar d’aquela praxi”.
 
Per exemple, repròchan un supausat “empediment” d’una unitat especiala de la Gàrdia Civila a l’ostal ont los terroristas preparavan d’explosius. Mas tanben soslinhan que las autoritats catalanas desconeissián cèrtas informacions importantas que la polícia espanhòla teniá. Segon eles, “se fan tornarmai evidents la flagranta violacion dels acòrdis de cooperacion e lo foncionament deficient entre las diferentas fòrças e còrses policièrs”.
 
Lo comunicat saluda lo trabalh qu’an fach los Mossos d’Esquadra “qu’an riscat lors vidas per protegir las dels ciutadans”. Mas planhon que l’estat aja mesestimat las fòrças de seguretat estatalas.



abonar los amics de Jornalet
 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

"Tàrrega" igualada (PP.CC.)
4.

Jo, jo. jo, ara ruesulta que sabem fer les coses be, els Catalans, quina nobetat, això sempre ho hem sabut, que potser ho dubta algú.
Som un Poble amb molta història i molta capacitat, o quan serem lliure ho demostrarem ha tothom.
Ara estem a un passet, hi ja veuran, i també veuran el que passa amb l'estat espanyol.
Visca la Terra...Lliure!
Despertaferro!
L'Ernest, "El Tàrrega".

  • 0
  • 0
Enric Mala Tèsta
3.

Catalonha: la polícia espanhòla e la Gàrdia Civila avertisson que la gestion dels darrièrs atemptats mòstra l’imatge “d’un estat catalan autosufisent” : e alara ? Ont es lo problèma…La polícia espanhòla se deu mainar dels territòris de lenga espanhòla, e deu fotre la patz als autres. Franco es mòrt…

  • 0
  • 0
francesc palma
2.

Visca lo Major dels Mossos d'Esquadra.

Urrà !
Urrà!!!!!!!!!!!
Urrà !!!!!!!!!!!!!!!!!!!!!!!!!!!!!!!!!!!!!!!!!!!!!!!!!!

  • 4
  • 0
Pirolet
1.

Cal pas doblidar que son los bascos de l'ETA los responsables dels atentats. Demandatz a Jasé María Aznar, siquenon.

  • 8
  • 1

Escriu un comentari sus aqueste article