Actualitats
Los de Çatalhöyük aimavan plan lors ancessors
Çò que la sciéncia aviá definit coma de divessas de la tèrra, ara confirman que son de representacions d’ancessors. Tornarmai la preïstòria aurà d’èsser rescricha
Una còla d’arqueològs a descobèrt una estatueta de fa mai de 8000 ans dins la vila neolitica turca de Çatalhöyük. Çò que la sciéncia aviá definit coma de divessas de la tèrra, ara confirman que son de representacions d’ancessors. Tornarmai la preïstòria aurà d’èsser rescricha.
La figurina es facha de marbre e mesura unes 17 centimètres de longor. Es estada trobada sepelida jos las rèstas d’una cabana de la vila de Çatalhöyük –que, a son epòca, arribèt d’aver mai de 5000 abitants–. Son estat de conservacion fa d’ela una pèça unica dins la preïstòria mediterranèa.
La descobèrta es estada confirmada per l’arqueològ Ian Hodder, cap de las excavacions de Çatalhöyük dempuèi 1990. El meteis prepausa ara qu’aqueste tipe de figurinas son mai de representacions d’ancessors en luòga de divessas de la maire tèrra, com s’èra pensat fins a uèi lo jorn.
De mai, l’arqueològ d’Stanford Lynn Meskell suggerís que fòrça d’aquestas estatuetas son estadas trobadas dins las bordilhas après èsser utilizadas. D’autre caire, d’animals coma de buòus e de leopards son estats sovent trobats penjats als murs dels ostals de Çatalhöyük. Aquò fa d’eles de melhors candidats a èsser de dieus de l’epòca que non pas aquesta mena de figurina.
De representacions d’ancessors
La cabana ont foguèt trobada aquesta figurina èra estada sepelida tornarmai après que l’ostal foguèt rebastit fins a tres còps, una costuma de l’epòca de Çatalhöyük –benlèu per manca d’espaci–. Èra sepelida coma o èran los còrses, d’en primièr, e los cranis, puèi, dels ancessors mòrts de cada familha. Las caracteristicas de la figurina trobada fan pensar, segon Meskell, “qu’es mai la representacion d’una anciana ancessora que non pas la d’una divessa”.(Legissètz la seguida).
Aqueste article es publicat dins Sapiéncia, la revista occitana de divulgacion scientifica, amb la quala Jornalet a un acòrdi de cooperacion. Podètz legir l'article entièr aicí.
La figurina es facha de marbre e mesura unes 17 centimètres de longor. Es estada trobada sepelida jos las rèstas d’una cabana de la vila de Çatalhöyük –que, a son epòca, arribèt d’aver mai de 5000 abitants–. Son estat de conservacion fa d’ela una pèça unica dins la preïstòria mediterranèa.
La descobèrta es estada confirmada per l’arqueològ Ian Hodder, cap de las excavacions de Çatalhöyük dempuèi 1990. El meteis prepausa ara qu’aqueste tipe de figurinas son mai de representacions d’ancessors en luòga de divessas de la maire tèrra, com s’èra pensat fins a uèi lo jorn.
De mai, l’arqueològ d’Stanford Lynn Meskell suggerís que fòrça d’aquestas estatuetas son estadas trobadas dins las bordilhas après èsser utilizadas. D’autre caire, d’animals coma de buòus e de leopards son estats sovent trobats penjats als murs dels ostals de Çatalhöyük. Aquò fa d’eles de melhors candidats a èsser de dieus de l’epòca que non pas aquesta mena de figurina.
De representacions d’ancessors
La cabana ont foguèt trobada aquesta figurina èra estada sepelida tornarmai après que l’ostal foguèt rebastit fins a tres còps, una costuma de l’epòca de Çatalhöyük –benlèu per manca d’espaci–. Èra sepelida coma o èran los còrses, d’en primièr, e los cranis, puèi, dels ancessors mòrts de cada familha. Las caracteristicas de la figurina trobada fan pensar, segon Meskell, “qu’es mai la representacion d’una anciana ancessora que non pas la d’una divessa”.(Legissètz la seguida).
Aqueste article es publicat dins Sapiéncia, la revista occitana de divulgacion scientifica, amb la quala Jornalet a un acòrdi de cooperacion. Podètz legir l'article entièr aicí.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Pareis un cap de tribu troglodit mai letge o lorde qu'un pecat. Mas coma qu' està molt gras, cresi qu' es un home que li han crescut las mamas o popas. Ves a sebre, fa tants de temps ! Mas de déu o devesa, res de res.
Aquí un imatge realista. Se vei qu’a l’epòca la cirurgia estetica noirissiá pas un Cahuzac. O alara los critèris estetics èran diferents.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari