Bandièra01 capçalera  1180x150: Novestivada

Actualitats

Reialme Unit: lo govèrn a mandat per error de desenas de letras d’expulsion a de ciutadans europèus

L’incident arriba en plen debat suls dreches que los tendràn los ciutadans de l’UE après l’execucion definitiva del Brexit en març de 2019

L’alarma l’a alucada Eva Johanna Holmberg, una academiciana finlandesa maridada amb un ciutadan britanic
L’alarma l’a alucada Eva Johanna Holmberg, una academiciana finlandesa maridada amb un ciutadan britanic | Martin Godwin / The Guardian
Lo Govèrn del Reialme Unit a mandat per error de desenas de letras a de desenas de ciutadans de l’Union Europèa en lor demandant que quiten lo país. Aquò arriba en plen debat suls dreches que los tendràn los ciutadans de l’UE après l’execucion definitiva del Brexit en març de 2019.
 
L’alarma l’a alucada Eva Johanna Holmberg, una academiciana finlandesa maridada amb un ciutadan britanic. Holmberg confirmèt qu’aviá recebuda una letra que li demandava de quitar lo Reialme Unit abans un mes. “Podiái pas creire çò que vesián mos uèlhs”, çò diguèt segon The Guardian.
 
Lo Ministèri de l’Interior britanic a publicat un comunicat per precisar que s’agís d’una error e qu’Holmberg risca pas d’èsser arrestada o expulsada. Londres ditz qu’a mandat un centenat de letras erronèas, e a contactat d’urgéncia los destinataris per evitar de confusions.
 
Segon la primièra ministra, Theresa May, s’agís d’una “error desfortunada”.
 

 
 


abonar los amics de Jornalet
 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Jan l’Aisit
2.

Lo Reiaume Unit qu’ei un perpetrator costumèr de cagadas d’aqueras. Cada sheis mes haut o baish lo país tot que s’escandaliza e que s’escarcalha en medish temps pr’amor qu’un ministre e s’a desbrombat ua maleta confidenciau hens lo trin, o qu’ua institucion a perdut milèrs de paginas de dorsièrs de ciutadans, qui arretròban a las lordèras de l’androna…
E que son los medishs estafièrs qui v’explican Escócia o Catalonha ne serén pas Estats deus viables.

  • 8
  • 0
Da Da
1.

Pichin messatge subliminal deis anglés. Sorry, èra un test...

  • 4
  • 0

Escriu un comentari sus aqueste article