Se debane aué en Aran era 21a edicion dera Corsa e Caminada des 15 pòbles qu'enguan arribe ena sua XVI edicion. Aguesta manifestacion esportiua e ludica, ath delà de reivindicar era recuperacion des ancians camins deth país de cap de Garona, aufrís ua oportunitat unica de gaudir dera Val d'Aran en plen estiu damb nombroses activitats esportiues: caminar, córrer o anar era bicicleta en plea natura. Era corsa qu’ei un miei maraton damb 1300 mètres de pujada e 1200 de baishada.
 
Es origines dera espròva esportiua que cau cercar-les enes ans 90, quan un grop de ciutadans aranesi comencèren a  trabalhar entà recuperar es ancians camins.
 
Organize er eveniment era associacion Volentaris Val d’Aran que signèren ua convencion de collaboracion damb eth Conselh Generau d'Aran entara organizacion dera corsa. Er acòrd qu’establís qu’es Volentaris d’Aran e introdusiràn en totes es comunicacions dera Corsa era mèrca “Val d’Aran Esséncia des Pirenèus”, era lengua oficiau que serà er occitan e era corsa be serà tostemp restacada as diuèrsi aspèctes dera cultura deth país.
 
 
 
 
FM