Bandièra01 1180x150: Comuna de Tolosa

Actualitats

Una abraçada per combatre l’Estat Islamic

Lo paire d’un enfant de tres ans assassinat durant l’atemptat de Barcelona e l’imam de sa vila s’abracèron en signa d’unitat e de coexisténcia davant lo fanatisme

| Europa Press
La vila de Rubí, près de Barcelona, mostrèt dijòus passat al Mond lo biais de véncer lo jihadisme de l’autoproclamat Estat Islamic. Lo paire de Javier Martínez —dich Xavi— un enfant de tres ans mòrt durant l’atemptat terrorista de Barcelona, e l’imam de Rubí, Driss Salym, s’abracèron en signe “d’unitat e de convivéncia” durant un acamp contra los atemptats jihadistas. Puèi, la maire jonguèt l’abraçada e l’imam plorèt d’emocion.
 
Aperaquí sèt cents personas s’acampèron davant l’ostal de la comuna, jol lèma “Unitat e convivéncia” per mostrar lor refús dels atemptats e lor sosten a las familhas dels dos abitants de Rubí assassinats lo 17 d’agost a la Rambla de Barcelona durant l’ataca terrorista. S’agís del petit Xavi e de l’oncle de sa maire.
 
“De viure sens paur es lo sol camin per combatre la dolor e la terror davant la fragilitat de la vida”, çò diguèt la consolessa, Ana María Martínez.
 
 
 


abonar los amics de Jornalet
 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

J
2.

Respèct al paire de familha, qu'a despassat l'òdi. Malgrat lo fach que per el, siá una pèrdia a vida.

  • 9
  • 0
Lo Cagadiu
1.

Bèthlai e mercés ad eths tots per dar l’exemple de la patz deus braves.
Ja védem a arribar los agunhós qui’vs diseràn n’ei pas atau qui venceram lo jihadisme. Mes qu’ei de hèit çò qui los ciutadans e dévem har. A cadun la soa part.
A las armadas d’anar espotir Daesh suus camps batalhèrs. A la polícia, gendarmerie, mossos de’us arrestar per carrèras. Aus jutges de’us encarcerar. Aus ciutadans de refusar la guèrra civila.

  • 10
  • 0

Escriu un comentari sus aqueste article