Actualitats
Carcassona: un militant anticorrida nafrat per un taur
Lo collectiu animalista planh que s’arrestèsse pas la corrida durant l’acte de protèsta
Un militant anticorrida lo nafrèt un taur dins l’arena, dimenge passat a Carcassona. Un arrèst prefectoral enebís tot rassemblament dins un vast perimètre a l’entorn de las arenas e dels corrals de Montredon, çò qu’afeblís de mai en mai las protèstas dels collectius animalistas.
Dimenge, èra un parelh que s’èran penjats als barris de la Ciutat de Carcassona a 11h del matin amb una bandeiròla que reclamava l’abolicion. Puèi doas autras personas sautèron dins l’arena al començament de la darrièra novillada de la dimenjada en cridant: “Corrida, basta!”. Un dels militants foguèt percutit pel taur e menat a l’espital per de leugièras nafraduras. La polícia arrestèt l’autre militant, una femna, e la menèt al comissariat.
“Contràriament a la reaccion normala d’un uman, lo sénher president dels pervèrses arrestèt pas la corrida. Al contrari. Coma se pòt ausir dins lo vidèo, se regaudissián fòrça de veire un dels nòstres al sòl”, çò planh un militant anticorrida sus Facebook en acompanhant son messatge d’un vidèo que podètz agachar en seguida.
Dimenge, èra un parelh que s’èran penjats als barris de la Ciutat de Carcassona a 11h del matin amb una bandeiròla que reclamava l’abolicion. Puèi doas autras personas sautèron dins l’arena al començament de la darrièra novillada de la dimenjada en cridant: “Corrida, basta!”. Un dels militants foguèt percutit pel taur e menat a l’espital per de leugièras nafraduras. La polícia arrestèt l’autre militant, una femna, e la menèt al comissariat.
“Contràriament a la reaccion normala d’un uman, lo sénher president dels pervèrses arrestèt pas la corrida. Al contrari. Coma se pòt ausir dins lo vidèo, se regaudissián fòrça de veire un dels nòstres al sòl”, çò planh un militant anticorrida sus Facebook en acompanhant son messatge d’un vidèo que podètz agachar en seguida.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
La tortura als animals es propia de paisos salvatges.
Nos tornan dire de long lo temps que lhor Republica es "una mai indivisibla" e que las leis devon èsser las mèsmas d'en pertot sobre lo territòri de l'Estat francès... Mas quò sembla los geinar gaire quand s'agís de parar una tradicion tant pervèrsa e sannosa coma aquela !
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari