Actualitats
Fotbòl gaelic: los bretons campions d’Euròpa
Al nivèl internacional existís una esquipa nacionala per Bretanha e una autra per França
Al començament d’agost aguèt luòc lo campionat d’Euròpa de fotbòl gaelic a Düsseldorf (Alemanha). Aqueste eveniment foguèt cort. D’efièch, i aviá renmàs 3 esquipas: Alemanha, Païses Basses... e Bretanha. E es Bretanha qu’es devenguda campiona d’Euròpa en batent los Païses Basses 23-9. De segur, los irlandeses mancan, mas venon pas jamai als campionats d’Euròpa o del Mond. Segon eles, lo nivèl es trop naut comparat amb las autras nacions. E aquò es vertat... Un pauc coma s’una esquipa professionala de fotbòl joguèsse dins un campionat d’esquipas amatrises.
Cal notar qu’al nivèl internacional, existís una esquipa nacionala per Bretanha e una autra per França. Un jogaire pòt pas jogar per Bretanha e après aquò per França e invèrsament. Dins lo mond del fotbòl gaelic, Bretanha es una nacion coma una autra. De mai, i a un campionat de Bretanha e un de França, los dos son pas comuns. Las esquipas d’Occitània (Tolosa Gaèls, Clarmont-Ferrand, Bordèu, ...) jògan, elas, dins lo campionat francés. Lo campionat breton es reputat mellhor que lo de “França”.
Fabien Lecuyer
Cal notar qu’al nivèl internacional, existís una esquipa nacionala per Bretanha e una autra per França. Un jogaire pòt pas jogar per Bretanha e après aquò per França e invèrsament. Dins lo mond del fotbòl gaelic, Bretanha es una nacion coma una autra. De mai, i a un campionat de Bretanha e un de França, los dos son pas comuns. Las esquipas d’Occitània (Tolosa Gaèls, Clarmont-Ferrand, Bordèu, ...) jògan, elas, dins lo campionat francés. Lo campionat breton es reputat mellhor que lo de “França”.
Fabien Lecuyer
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Aviam fa l'a un parèu de mes un reportatge sus d'aquel espòrt (en provençau) per Vaquí.
Vaicí lo liame :
http://france3-regions.francetvinfo.fr/provence-alpes-cote-d-azur/emissions/vaqui/vaqui-festival-europeen-sports-jeux-traditionnels-1268243.html
Autra causa, leis equipas bretonas participan au còp au campionat de Bretanha e a n'aqueu de França. Es faus de dire que lei dos son pas comuns, es l'exacte contrari : lei doás melhoreis equipas dau campionat de Bretanha si qualifican justament per lo campionat de França !
Vaicí d'alhors l'estructura dei campionats en França :
http://www.footballgaelique.fr/wp-content/uploads/2012/09/Comp%C3%A9tition-France-2016.png
Darriera curiositat, les equipas de Jersey e Guernesey participavan aperavans au campionat de França que remportèron tres còps a de reng de 2010 a 2012. Son totjorn afiliadas a la Federacion Francesa de Fotbòl Gaelic (coma leis equipas de Bretanha d'alhors, qu'a pas una federacion a despart).
mai d'entressenhas :
http://www.footballgaelique.fr/
PS : es daumatge de pas citar le "Gaelic Football Prouvènço", estent que sus 5 equipas "occitanas" es la soleta amb lo Tolosa Gaëls qu'a son nom en lenga d'òc.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari