Bandièra01 1180x150: Comuna de Tolosa

Actualitats

L’escrivan chinés Mo Yan, prèmi Nobel de literatura 2012

| Johannes Kolfhaus

L’escrivan chinés Mo Yan foguèt reconegut dijòus passat per l’Acadèmia Suedesa amb lo prèmi Nobel de literatura 2012.


Mo Yan, qu’en chinés vòl dire “parles pas”, es lo pseudonim de Guan Moye, conegut principalament per l’adaptacion cinematografica d’un de sos romans, Hong Gaoliang(Sòrgo Roge), menada a tèrme pel director Zhang Yimou.
 
Lo romancièr japonés Genzo Murakami, que menava totas las escomesas, torna demorar l’etèrne candidat sens prèmi.
 
Dempuèi 1901, lo prèmi Nobel de literatura a distinguit l’òbra de 108 autors en 104 ocasions. Foguèt suspendut pendent la Segonda Guèrra Mondiala e tanben dins los ans 1914, 1918 e 1935. Lo primièr premiat foguèt lo poèta suedés Thomas Tranströmer.
 
En 1904, l’escrivan occitan Frederic Mistral recebèt lo Nobel de literatura “en reconeissença de l’originalitat fresca e l’inspiracion vertadièra de sa produccion poetica, que rebat fidèlament lo païsatge natural e l’esperit natiu de sas gents, e, de mai, son trabalh significatiu coma filològ occitan”. Amb l’argent del prèmi creèt lo Musèu Arlatenc (“Museon Arlaten”) de la vila d’Arle (Camarga).

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Pirolet
1.

Sembla que los opausants a la dictatura comunocapitalista fabricanta d'opression e de degalhs pel monde son pas contents d'aqueste prèmi. E lo poder chinés se ne regaudís. Encara un prèmi politic? E una nòva pròva d'aleujança al mostre economic , coma los jòcs olimpics? D'ara enlà, tocant a mantun comentari lausenjós sus aquel país caldrà escriure "sinisme" per la sinisacion dels esperits.

  • 2
  • 0

Escriu un comentari sus aqueste article