Bandièra01 1180x150: Comuna de Tolosa

Actualitats

Canadà reconeis lo genre non binari

A las mençons tradicionalas “M” e “F”, que definissián respectivament lo sèxe masculin e femenin, ajustan una tresena mencion “X”, per aquelas personas que s’identifican pas amb cap dels dos genres

| Paul Arts
De mai en mai, lo sistèma binari òme/femna es mes en question per l’ambigüitat dels organs sexuals, aquel fach, conegut coma queer-genre, ven d’èsser reconegut en Canadà. Tre lo 31 d’agost passat, a las mençons tradicionalas “M” e “F”, que definissián respectivament lo sèxe masculin e femenin, ajustan una tresena mencion “X”, per aquelas personas que s’identifican pas amb cap dels dos genres. L’estat francés refusèt en blòc aquela reconeissença en mai passat.
 
“Prenèm una mesura importanta per favorir l’egalitat per totes los canadencs, independentament de lor identitat o lor expression sexuala”, çò diguèt lo ministre de l’immigracion Ahmed D. Hussen.
 
La recèrca de l’identitat pròpria de cadun uèi lo jorn a portat que i aja de mond que se definiscan coma òmes, coma femnas, d’un genre intermediari, o ben sens genre o amb un genre especial qu’a pas cap de caracteristica dels autres dos genres.
 
 
 




abonar los amics de Jornalet
 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris


I a pas cap de comentari

Escriu un comentari sus aqueste article