Del costat d’Austràlia, es ja arribada l’ora de las pelhòfas alara que tres jornadas son encara al programa per la Superliga e los 8 del Mitan, ont los catalans tornan trapar un pauc de buf.
La Tempèsta melhora de la fasa regulara, mas ara?
La particularitat del campionat NRL es que las partidas se jògan d’a fons, comprés se i a pas res a ganhar. Atal, los Dògols en ganhant a 26-20 sus la pelena dels Dragons de Sant Jòrdi los priva de la qualificacion. Los Lapinons, qu’acaban 12ns, non perdèron que sus la fin a Parramatta 22-16.
Una competicion, aqueste còp eliminatòria, comença. Dins lo naut del tablèu, lo primièr, Melbourne, reçauprà Parramatta dissabte. Tre divendres, los Poletons de Sydney reçaupràn los Bròncos de Brisbane. Los venceires seràn dirèctament en mièja finala e los perdents deuràn rescontrar los ganhants de las partidas entre Manly e Penrith (dissabte) e de l’oposicion entre los campions de 2016, las Làmias de Cronulla e de 2015, los Vaquièrs (dimenge).
Leeds en mièja finala
Mercé a sa victòria sus Hull FC 38-26, Leeds es assegurat de jogar las mièjas finalas coma lo cap de fila Castleford que ganha 24-16 a Huddersfield. Wakefield se manten en quatrena posicion en s’impausant a Salford 43-18, alara que Wigan pòt encara esperar aprèp sa victòria a St Helens 26-16.
Dijòus, Wakefield resistirà a Saint Helens que lançarà totas sas fòrças per gardar un espèr de qualificacion, del temps que, divendres, los primièrs dos, Castleford e Leeds, s’afrontaràn e que lo tresen, Hull FC, reçauprà Wigan.
Los catalans tornan trapar lo gost de la victòria
Los 15 jorns de pausa an fait lo mai grand ben als catalans qu’aqueste dimenge s’impausan 24-0 a Halifax amb dos ensages per mièg temps: Walsh e Myler dins lo primièr temps, puèi Wiliame e Yaha dins lo segond amb Luke Walsh qu’ensaca las 4 transformacions.
Widnes ganha a Leigh 24-8 e Hull KR a Featherstone 30-18, mentre que Londres pausa de problèmas als Lops de Warrington que finisson que ganhan 40-38.
Los Sang e Aur se replaçan en cinquena posicion, mas seriá bon d’anar quèrre d’aicí a tres setmanas una de las primièras tres per èsser segurs de jogar dins la Superliga de 2018 e evitar la terribla partida de barratge entre lo 4n e lo 5n.
Dissabte, los Dragons reçaupràn Featherstone a Brutus: caldrà non solament ganhar, mas tanben marcar fòrça per arrengar sa diferéncia de punts per l’ora negativa (-26).
Tolosa vòl lo bloquièr
Dins lo Bloquièr del Championship, Tolosa va ganhar a Oldham 24-18 e reçauprà Batley dissabte a Blanhac, sus una pelena ont es ja assegurat de jogar la mièja finala de la competicion lo dissabte 23 de setembre de vèspre.
Alan Roch
La Tempèsta melhora de la fasa regulara, mas ara?
La particularitat del campionat NRL es que las partidas se jògan d’a fons, comprés se i a pas res a ganhar. Atal, los Dògols en ganhant a 26-20 sus la pelena dels Dragons de Sant Jòrdi los priva de la qualificacion. Los Lapinons, qu’acaban 12ns, non perdèron que sus la fin a Parramatta 22-16.
Una competicion, aqueste còp eliminatòria, comença. Dins lo naut del tablèu, lo primièr, Melbourne, reçauprà Parramatta dissabte. Tre divendres, los Poletons de Sydney reçaupràn los Bròncos de Brisbane. Los venceires seràn dirèctament en mièja finala e los perdents deuràn rescontrar los ganhants de las partidas entre Manly e Penrith (dissabte) e de l’oposicion entre los campions de 2016, las Làmias de Cronulla e de 2015, los Vaquièrs (dimenge).
Leeds en mièja finala
Mercé a sa victòria sus Hull FC 38-26, Leeds es assegurat de jogar las mièjas finalas coma lo cap de fila Castleford que ganha 24-16 a Huddersfield. Wakefield se manten en quatrena posicion en s’impausant a Salford 43-18, alara que Wigan pòt encara esperar aprèp sa victòria a St Helens 26-16.
Dijòus, Wakefield resistirà a Saint Helens que lançarà totas sas fòrças per gardar un espèr de qualificacion, del temps que, divendres, los primièrs dos, Castleford e Leeds, s’afrontaràn e que lo tresen, Hull FC, reçauprà Wigan.
Los catalans tornan trapar lo gost de la victòria
Los 15 jorns de pausa an fait lo mai grand ben als catalans qu’aqueste dimenge s’impausan 24-0 a Halifax amb dos ensages per mièg temps: Walsh e Myler dins lo primièr temps, puèi Wiliame e Yaha dins lo segond amb Luke Walsh qu’ensaca las 4 transformacions.
Widnes ganha a Leigh 24-8 e Hull KR a Featherstone 30-18, mentre que Londres pausa de problèmas als Lops de Warrington que finisson que ganhan 40-38.
Los Sang e Aur se replaçan en cinquena posicion, mas seriá bon d’anar quèrre d’aicí a tres setmanas una de las primièras tres per èsser segurs de jogar dins la Superliga de 2018 e evitar la terribla partida de barratge entre lo 4n e lo 5n.
Dissabte, los Dragons reçaupràn Featherstone a Brutus: caldrà non solament ganhar, mas tanben marcar fòrça per arrengar sa diferéncia de punts per l’ora negativa (-26).
Tolosa vòl lo bloquièr
Dins lo Bloquièr del Championship, Tolosa va ganhar a Oldham 24-18 e reçauprà Batley dissabte a Blanhac, sus una pelena ont es ja assegurat de jogar la mièja finala de la competicion lo dissabte 23 de setembre de vèspre.
Alan Roch
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Entendi pas res al rugbi de XIII, mès aquestes articles son subre-amusants.
Los Dragons, se dísen catalans e i a força de noms angleses!
Una pelhòfa, qu'es aquò?
I a avut de bofas, de còps de punh,perqué s'en parla pas? Es pas un espòrt de filhetas!
Dísen que lo rugbi de XIII se jòga a la man, a far de patacs...
Ensacar una transformacion: polida expression!
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari