Bandièra01 1180x150: Comuna de Tolosa

Actualitats

Agen: la Calandreta se mobiliza contra las retalhadas de Macron

La supression dels contractes d’ajudas a l’emplec meton en perilh l’escòla occitanofòna

Una vintenta de parents e aitant d’escolans de la Calandreta d’Agen, dicha Jansemineta, manifestèron diluns passat davant l’ostal de la prefectura contra la supression dels contractes CAE-CUI, d’ajudas a l’emplec.
 
Aquela mesura, anonciada pel govèrn francés aqueste estiu, plaça l’escòla occitanofòna dins una situacion dificila per assegurar l’enquadrament dels enfants, coma se passa dins d’autras escòlas occitanofònas, especialament la Calandreta del Lis en Bearn.
 
“Aquesta rintrada es particulara; de mai, entamenam la 5a annada e a la fin d’aquesta poirem contractualizar amb l’estat. Es a dire obténer lo finançament de l’Educacion Nacionala dels pòstes d’ensenhaires preses en carga per la Federacion regionala occitana de Nòva Aquitània”, çò rapòrtan de representants de l’escòla occitanofòna a La Dépêche.
 
Per foncionar fins ara, la Jansemineta dispausa de dos contractes ajudats, qu’un es renovelable en aquesta rintrada e l’autre en octòbre. Malgrat aqueles contractes, los parents devon pagar a l’entorn de 45 èuros per mes per escolan.
 
“Es urgent que l’estat [francés] s’interèsse a las especificitats de la nòstra escòla e nos acòrde los qualques mejans necessaris per foncionar corrèctament”, çò remembran los representants de las associacions Jansemineta e Per Deman, qu’asseguran lo foncionament de l’escòla.
 
La Calandreta d’Agen existís dempuèi cinc ans, en passant de 3 escolans a 31 a l’ora d’ara, gràcias al sosten de la comuna d’Agen. Òr, las politicas economicas d’Emmanuel Macron meton en perilh l’ensenhament en occitan.

 

 




abonar los amics de Jornalet
 
 

Articles relacionats

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Méfi! 31
2.

La politica de Macron se fa a bel talh per aleugerir las talhas dels rics.

  • 1
  • 0
francesc palma
1.

Mas que no diseva qu' era favorable a l'occitan abans de las eleccions ?

  • 0
  • 0

Escriu un comentari sus aqueste article