Bandièra01 1180x150: Comuna de Tolosa

Actualitats

Barcelona: un milion de manifestants per l’independéncia

A l’ocasion del jorn nacional de Catalonha los manifestants an revendicat lo referendum del 1r d’octòbre que ven, un referendum convocat pel govèrn de la Generalitat que l’estat espanhòl ensaja d’empedir

Un milion de personas, segon la polícia locala, manifestèron ièr a Barcelona a l’ocasion del jorn nacional de Catalonha, en demandant l’independéncia e de poder votar lo 1r d’octòbre venent. A aquela data lo govèrn catalan a convocat un referendum per l’independéncia de Catalonha e Aran, mas l’estat espanhòl ensaja de l’empachar. Se poiriá dire qu’es estada la manifestacion mai multitudinària de sosten a l’independentisme que l’aja viscuda la capitala de Catalonha. (Fòtos)
 
“Votarem” es lo crit mai repetit d’aquela manifestacion, que formèt una crotz gigantassa dins lo centre de Barcelona, em comolant la Carrièra Aragó e lo Passeig de Gràcia. L’acampàs comencèt amb una esmoventa minuta de silenci en memòria de las victimas dels atemptats terroristas.
 
Dins los parladisses, lo president de l’Assemblada Nacionala Catalana (ANC), Jordi Sánchez, faguèt una crida a desobesir als tribunals espanhòls e a votar lo 1r d’octòbre. Tanben remembrèt qu’en Catalonha èra pas pusvalida la legalitat espanhòla, e diguèt a las autoritats espanhòlas, qu’an mandat las fòrças de l’òrdre cercar los bulletins de vòte: “A totes aqueles que cèrcan desesperadament las urnas e los bulletins de vòte, vos devèm dire que l’ANC sabèm ont son. E o sabèm cèrtament. Anatz lo 1r d’octòbre dins quin burèu de vòte que siá e trobaretz un país que vòl èsser liure”.
 
Aquel eveniment marca la campanha de las principalas associacions independentistas per l’òc a aquel referendum. Dins aquel sens i aviá de bandeiròlas gigantas que saludavan “lo nòu país”, “Euròpa”, e la “republica”.
 
 
Per una republica occitanocatalana
 
Qualques collectius occitanistas jonguèron la crida de la seccion aranesa ANC de la Val d’Aran en s’amassant al tròç numèro 401 de la manifestacion. La còla de Jornalet i èrem amb una bandeiròla que revendicava una republica binacionala de Catalonha e Aran. Après la manifestacion, la bandeiròla se portèt a la Rambla, la carrièra pus centrala de Barcelona. Una abitanta plan simpatica, amiga d’Aran e d’Occitània tota, nos cediguèt son balcon per far venir ben vesedoira nòstra revendicacion.
 
 
La “Diada” de l’11 de setembre
 
L’11 de setembre, los catalans se remembran de la casuda de Barcelona en 1714 davant las tropas borbonosas. Lo País Valencian casèt en 1707 e Malhòrca en 1716. Aquela desfacha representèt la fin de las institucions catalanas e la castelhanizacion del país.
 
 
Retorn dins la premsa internacionala
 
E mai se la premsa espanhòla ensajava de descreditar l’eveniment, los principals jornals internacionals ne parlavan, lo meteis jorn de ser:
   








abonar los amics de Jornalet
 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

francesc palma
4.

Si estiram tots ella caura i molt de temps no pot durar
segur que tomba, tomba, tomba i ens podrem alliberar
si tu l'estiras fort per aquí i jo l'estir fort per allà
segur que tomba, tomba, tomba i ens podrem alliberar.

L'avi Siset en parlava, de bon matí al portal
mentre el sol esperavem i els carros veiem passar
Siset que no veus l'estaca, on estam tots lligats
si no podem desfen-se'n, mai no podrem veure-hi clar.

Segur que està podrida, però Siset pesa tant
.........................................................................

  • 6
  • 0
Felip Martèl Montpelhier
3.

Per un còp, pòt estre interessant de liéger un article dau Figaro, lo de Laroche cantarile que reprend un article de 1917 (ja !) que poiria estre de ièr.

  • 10
  • 0
D\'en Martí i Pol, cantat pel Llach
2.

Dóna'm la mà,
dóna'm la veu
i proclamem que
tot està per fer,
tot és possible avui,
fem sentir arreu
com s'exalta el vell desig d'un món millor.

  • 10
  • 0
Joan Petit Occitània
1.

Osca ! Salut frairenal e omenatge esmogut d'Occitània a Catalunya :

I perquè sé que vosaltres
anireu més lluny que jo,
estic gelós i content,
molt gelós i content
de la sort que heu tingut,
de la sort que tindreu,

(P.S. Grand mercè, sènher LLach !)


  • 18
  • 0

Escriu un comentari sus aqueste article