Bandièra01 1180x150: Comuna de Tolosa

Actualitats

crotz-tolosaCreated with Sketch.GasconhaVal d'AranCastièro

Vielha: succès de participacion a l’acte pel referendum malgrat l’interdiccion

L’eveniment aguèt luòc normalament amb la participacion d’aperaquí 150 personas, un nombre de participants estrambordant que despassa fòrça las previsions de l’organizacion

E mai se la comuna de Vielha l’aviá enebit, se tenguèt ièr a Vielha l’acte en favor del referendum d’independéncia de Catalonha e Aran previst pel 1r d’octòbre que ven. Malgrat l’enebicion municipala e las menaças de far venir la polícia, l’eveniment se debanèt normalament amb la participacion d’unes 150 personas, çò rapòrta Aué TV. Aquel nombre de participants es estrambordant e despassa fòrça las previsisons de l’organizacion.
 
A l’acte participèron la deputada Mireia Boya (CUP), lo cònsol de Les, Emílio Medan (Unitat d’Aran), e Julian Fernández, pòrtavotz de Podèm en Aran. L’eveniment finiguèt amb un aperitiu acompanhat de la musica d’Alidé Sans.
 
“Tot era proïbicion auem decidit desobeir d’ua manèra tranquilla, civica, pacifica, en tot hèr aguest acte pera defensa des drets fonamentaus dera gent; dret de reünion, de liura expression e sustot eth dret d’autodeterminacion”, çò diguèt Boya al mèdia aranés.
 
Per quant a el, Medan, qu’es un dels 712 cònsols màgers menats en justícia per aver donat lor supòrt al referendum, planguèt la persecucion de l’estat en considerant que se violava los dreches fondamentals dels ciutadans e comparèt la situacion actuala amb lo franquisme. “Cau èster conscients qu’estam caminant cap a un estat autoritari qu’ei mès pròxim ara Turquia d’Erdoğan qu’as democracies occidentaus, e açò era gent joena que non visquec dilhèu era dictadura aurie de pensar en camin qu’a agarrat eth nòste estat, aguest sistèma qu’a fòrça perque era esquèrra espanhòla, subretot eth PSÒE, li da supòrt, perque se que non, non ac gausarien hèr”.
 
En mai d’aquò, tant Boya coma Medan tanben deplorèron la manca d’engatjament dels partits araneses en tot remarcar qu’es important qu’Aran aja un imatge fòrt de país, àò que non se produtz pas ara.
 
Vejatz l’informacion sus Aué TV.
 
 

 
 
 
 
 


abonar los amics de Jornalet
 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Lo Pegàs Vielha
6.

Non iaui pas aranesis, solet 5, es auti eren de dehora ua vintia, sustot catalans.

  • 1
  • 0
Lo Pegàs Vielha
5.

Non iaui pas aranesis, solet 5, es auti eren de dehora ua vintia, sustot catalans.

  • 1
  • 0
Pirolet
4.

lo PSOE fa sa crisi de nacionalisme espanhòl. Lo Pedro Sánchez, uèi, es prèst a apiejar lo PP per suspendre l’autonomia de Catalonha.

  • 4
  • 0
francesc palma
3.

L'acte s'ha feit a la plaça, melhor atal ho ha vist mai de gent !

  • 2
  • 3
Ernest Guevara Jr.
2.

#1 Sabes ben que l'esquèrra moriguèt quora tombèron Barcelona e Zaragossa, en 1939…

  • 10
  • 1

Escriu un comentari sus aqueste article