Bandièra01 1180x150: Comuna de Tolosa

Actualitats

crotz-tolosaCreated with Sketch.GasconhaVal d'Aran

Lo blocatge dels comptes de la Generalitat de Catalonha afècta lo finançament d’Aran

Amb aquela mesura lo ministre de las finanças espanhòl vòl empedir que se pòsca finançar lo referendum

Lo blocatge seguís l’òrdre del ministre de las finanças espanhòl, Cristóbal Montoro, qu’anoncièt que lo tendrà indefinidament, per garentir lo compliment de la lei
Lo blocatge seguís l’òrdre del ministre de las finanças espanhòl, Cristóbal Montoro, qu’anoncièt que lo tendrà indefinidament, per garentir lo compliment de la lei
Lo blocatge dels comptes de la Generalitat de Catalonha, que l’ordenèt dimècres passat lo govèrn de l’estat espanhòl, daissa sense finançament una tièra de linhas de finançament del Conselh General d’Aran.
 
Dempuèi aqueste dijòus passat, lo govèrn de la Generalitat de Catalonha pòt pas far servir liurament sos comptes e solament se pòt far de pagaments qu’èran ja engatjats prèviament, en certificant que se finança pas lo referendum. Aquò concernís tanben las cartas de crèdit corportativas dels nauts responsables e d’autres salariats, e las entrepresas publicas.
 
L’estat espanhòl prendrà en carga qualques pagaments urgents, mas degun pagarà pas ara tot lo budget destinat a la cultura,  a la lenga, a l’abitatge, a la coneissença, a las telecomunicacions, a la recèrca, a l’agricultura, a l’indústria, al torisme, a las comunas, etc.
 
L'òrdre ministerial a tocat tanben totes los centres catalans de la recèrca e l’innovacion qu’an vist tanben blocats los comptes.
 
E mai se la santat e l’educacion son pas concernidas per aquel blocatge, qualques escòlas an agut de problèmas per far de pagaments en tot aver un numèro de TVA de la Generalitat.
 
Lo blocatge seguís l’òrdre del ministre de las finanças espanhòl, Cristóbal Montoro, qu’anoncièt que lo tendriá indefinidament, per garentir lo compliment de la lei. Montoro decidiguèt de blocar los comptes de la Generalitat per evitar que se paguèsse lo referendum amb de fonzes publics, e mai se l’estat despensèsse mai d’argent amb sa repression per l’empedir.
 
Las autoritats aranesas donaràn lèu mai de detalhs sus la portada de la mesura per las finanças d’Aran.
 


Rassemblament de protèsta a Vielha

Dimenge que ven, los signataris del Manifèst de Les an apelat a un acamp de protèsta a Vielha contra tota aquela repression e per la libertat d’expression. La manifestacion se tendrà a miègjorn sus la plaça de la glèisa del cap-luòc aranés.
 
 


 
 

 


abonar los amics de Jornalet
 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

francesc palma
2.

Trump expressa sas simpatias per Catalunya, e credet pas lo que li ha dit Racoi de que los catalans no votaran, ja sap coma son de fanatics e de curts, lo nacionalisme espanhols castellans, que perdet Cuba , Filipinas, Pueto Rico, Costar Rica, Riu de la Plata, L' Espanhola.......Fernando VII aprés de la guera contra Napoleon que estiguet presonier a França, tornet a Espanya, e aboliguet la Constitucion de Cadiz e poset una dictadura "Viva las cadenas" era lo crit dels seus patridaris. Mas a Sud Amèrica no volgueren saber res d'absolutismes e Simon de Bolivar e San Martin, feren la guerra de liberacion per separar-se d'aquelha Espanya,fins aliberar-se .
Ara segueissen igual, son incapaços de comprene que la Nacion Catalana, e la Nacion Castellana poder conviure pacificament.

  • 1
  • 0
fabre muret
1.

Pel còp Madrid mòstra sa cara. E es pas bèl de veire.

  • 8
  • 0

Escriu un comentari sus aqueste article