CAPÇALERA: publicitat jornalet
CAPÇALERA2: FAI-TE SOCI

Jornalet, gaseta occitana d'informacions

Diluns, 16 de setembre

Actualitats

Dimars, 26 de setembre de 2017, 03h00 Escòla,Lenga

Besièrs: s’es decernit 237 diplòmas d’occitan

S’es recebut lo diplòma d’occitan pel territòri d’accion del CFPO Lengadòc per l’annada escolara 2016/2017


Comentaris 3 comentaris    
Marrit Flac Bon Plan bon Fabulós (6 vòtes)
carregant En cargar


Lo Centre de Formacion Professionala Occitan (CFPO) de Lengadòc decerniguèt dissabte passat 237 diplòmas d’occitan dins una ceremònia que l’aculhissiá lo CIRDÒC, a Besièrs, amb lo sosten de la region, de la comuna de Montpelhièr e de l’Ofici Public de la Lenga Occitana (ÒPLO).
 
La majoritat dels diplomats, exactament 178, èran de calandrons, es a dire d’escolans de las Calandretas, que recebèron lo diplòma Escapolaire, de nivèl A2 del Quadre Europèu. Los autres laureats èran de collegians e d’adultes, 15 collegians e 11 adultes obtenguèron lo B1, 16 adultes lo nivèl B2 e 3 adultes lo nivèl C1.
 
Per Lisa Baccou, tota novèla coordinatritz de las formacions al CFPO, “las Calandretas contunhan la lucha, la lucha es dura mas las causas avançan fòrça”. Lo public èra vengut nombrós, qu’intrava a pro pena dins la sala bèla del CIRDÒC. Se parlèt tanben de doas victòrias recentas: la dobertura dempuèi la dintrada del collègi occitan a Maraussan e la dobertura a Montpelhièr del primièr licèu occitan de l’istòria.
 
La Presidenta del CFPO Lengadòc, Dalfina Krajewski, empleguèt la metafòra de la vinha per illustrar la transmission de la lenga, coma un engatjament cap al futur: “Lo ret dels CFPO fa partida del terrador ont espelís la lenga nòstra. Coma la vinha, li cal de rasics plan prigondas, a mai aquí ont l’aiga raja pas gaire. Saupre d’ont venèm nos vira pas solament cap al passat, mas nos engatja plan cap al futur.”
 
Pel conselhièr regional e president del CIRDÒC, Patric Roux, la causida de la lenga occitana se fa siá per de rasons personalas d’engatjament, siá per la riquesa culturala, e balha de responsabilitats. Es per aquò que Roux faguèt una demanda especiala al public: “Vos demandi de devenir d’ambaissadors individualament e collectiva per l’avenidor de la lenga nòstra.” De mai, benastruguèt personalament cadun e caduna pel trabalh menat per la promocion del patrimòni cultural e immaterial occitan e demandèt “qu’aquel trabalh siá pas per se, mas per l’ensemble collectiu d’aquel país, qu’a una lenga que se merita de se poder parlar al sègle qu’arriba.”
 
L’animacion pendent la ceremonia foguèt plan gaujosa gràcia al saber-far de la tropa de teatre de La Rampe TIO e lor adaptacion de la pèça Quesaquò e Mascomprés. A la seguida, après lo vespralhon ofèrt pel CFPO, lo grop femenin Farfantèlas cantèt e la musicaira Laureen Tillier faguèt dançar lo mond present.
 
Per l’annada escolara 2016/2017, son 237 personas qu’an recebut lo diplòma d’occitan pel territòri d’accion del CFPO Lengadòc. Mas aquò vòl pas dire que lo trabalh amb aqueles diplomats siá acabat. La lenga contunha de se desvolopar per cada laureat, dins sa vida, dins cada novèla possibilitat d’estudis o de trabalh. Lo calandron d’uèi pòt èsser lo regent, lo jornalista, l’animator, lo formator, lo politic o lo militant cultural de deman.

 
 
 

fffff   fffff
  Jornalet a l'escòla

Jornalet a una seccion especifica sus l’escòla occitana. Nos agradariá fòrça que las escòlas, que sián de Calandretas o d’escòlas bilingüas, poguèsson emplenar elas meteissas aquesta seccion amb de nòvas, e que los quites escolans las poguèsson redigir en explicar los faches que fan l’actualitat dins cada escòla: una excursion culturala, la vesita d’una personalitat, una fèsta populara amb los parents, una competicion esportiva, etcetèra. Evidentament, las fotografias, los enregistraments o los imatges de vidèo seràn tras que benvenguts, se n’i a.

 Se cada escòla nos manda quatre o cinc nòvas per an serem plan contents e satisfaches. Pensam que pòt èsser un bon ponch d’amassada per la comunautat educativa occitana, una iniciativa interessanta pels escolans e un esplech de socializacion lingüistica per las familhas dels escolans.

Esperam de poder comptar amb lo vòstre sosten, e esperam que Jornalet serà una aisina utila per las escòlas occitanas. Mandatz-nos las vòstras nòvas a info@jor…
 
     





abonar los amics de Jornalet
 



publicitat
BANER1-2-3: DGPL DICTADES



Comentaris

28 de setembre 20.29h

"Roux faguèt una demanda especiala al public: “Vos demandi de devenir d’ambaissadors individualament e collectiva per l’avenidor de la lenga nòstra.”

- Ben, ieu coma ciutadan, demandi als organismes emb los budgèts que an de donar los mejans a cadun d'o èstre, mai de visibilitat, mai d'accions grand public, mai de materiau, e pas sonca en vila deguèsse si far.
Quantas campanhas de socializacion de l'occitan son previstas en region Occitània ?

"De mai, benastruguèt personalamen... Legir mai


Valoriza aqueste comentari:   votar positiu 4   votar negatiu 1
Respondre comentari replica Comentari inadeqüat   Formulari d'abús de comentari

28 de setembre 04.48h

Un collègi novèl, e a Maraussan! Aquò me fa plaser! Òsca!
Pauc a cha pauc, lo malhum se teis.

P.-S: Oblidavi de dire collègi "calandreta", perque per ieu, Calandreta, es çò que deuriá èsser lo malhum norml d'educacion a nòstre.


Valoriza aqueste comentari:   votar positiu 2   votar negatiu 0
Respondre comentari replica Comentari inadeqüat   Formulari d'abús de comentari

27 de setembre 16.05h

Diploma, faiçon passapòrt profesional, aquò's bon per los parents...

E s' avián, en continuitat, d'activitats correntas de leser en occitan, poirián mai tard far d'enfants e aplicar la transmission naturala coma d'un còp èra.
Manca de pepinièiras occitanistas dins l'espòrt e la cultura...

Qual fa l'amor en occitan, auèi ?


Valoriza aqueste comentari:   votar positiu 5   votar negatiu 0
Respondre comentari replica Comentari inadeqüat   Formulari d'abús de comentari

5 -10 -20 -totes
1




Comenta

Lo comentari es estat mandat corrèctament



  Previsualiza

La direccion del Jornalet a lo drech de publicar pas los comentaris que respècten pas las nòrmas basicas d'educacion, civisme e dialòg.
publicitat
BANER 3 teveoc

Editorial

Lo jornalisme fa son trabalh

Lo 15 de mai passat, vesitàvem lo licèu Pierre et Marie Curie de Menton. Voliam far un pichon reportatge amb los liceans de la classa d’occitan per nòstra emission #aranésòc ...
giny

Lo temps

Mapa
  • sol Agen 32
  • sol Aush 31
  • sol Bordèu 31
  • sol Briançon 26
  • sol Caors 33
  • sol Carcassona 30
  • sol Clarmont-Ferrand 31
  • sol Confolent 31
  • sol Gap 26
  • sol La Canau 32
  • sol La Gàrdia 29
  • sol Limòtges 32
  • sol Lo Borg Sant Dalmatz 25
  • sol Lo Puèi de Velai 30
  • sol Marselha 29
  • sol Montpelhièr 28
  • sol Naut Aran 28
  • sol Niça 26
  • sol Nimes 32
  • sol Pau 29
  • sol Peireguers 33
  • sol Rodés 31
  • sol Tolon 31
  • sol Tolosa 30
  • sol Valença 32

giny

giny

Vidèos

giny

Entrevista

“Volèm recobrar la fiertat d’èsser catalans”

Jordi Riba president de l’Associacion Culturala Vibrant

“Volèm recobrar la fiertat d’èsser catalans”
giny

giny

publicitat

lateral 2 teveoc

Fotografias

  • Eyes of Simurg 21/6/2017 a Tolosa. Fòto de Barthélémy Nadal

    Eyes Of Simurgh cantan en occitan a Tolosa per la fèsta de la musica 2017

  • © Xavi Gutiérrez Riu

    Tarba

  • Gavotina maritima - Sant Anhe, vilatge sus una pena. © Laurenç Revest

    Gavotina maritima - Sant Anhe

  • © Laurenç Revèst

    Fòrt Maginòt de Sant Anhe

  • Petugon de La Boal

    Conferéncia e dedicaça de l'artista Richard Cairaschi au Musèu municipau deis Arts e Tradicions populàrias de Grimaud (Mauras)

  • Asuèlhs de Garnagués. © Franc Bardòu

    Asuèlhs de Garnagués

  • © Franc Bardòu

    Asuèlhs de Lauragués

  • Omenatge a Aragon. © Franc Bardòu

    Omenatge a Aragon

  • © Laurenç Revèst

    Castelar

  • © Alzear Bofièr

    Estúdios de Ràdio Lenga d'Òc a Montpelhièr. © Alzear Bofièr

  • © Franc Bardòu

    Darrièr refugi abans l’envòl (1206-2016)

  • Exposicion temporària sus Robèrt Lafont al CIRDOC (D.R.)

  • © Laurenç Revèst

    Fòrt Maginòt de Sant Anhe

  • © Franc Bardòu

    País Bordalés

  • Trauc dins lei bauc. © Laurenç Revèst

    Remembres de Vaquí, emission en la Vau Clusa, novembre de 2005

  • © Magalí Barceló

    Santa Gabèla: quatrena fèsta del fogal rural La Gabèla

  • Val d'Aran, cap de Gasconha

  • © Aure Séguier

    Carnaval Biarnés 2017

  • © Laurenç Revèst

    Sauve (Cevènas), ciutat màger vidorlenca a las carrièiras bèlas e en mudason

  • Lo grand passacarrièra de Rodés. Occitan Pride 2013

publicitat

lateral 2 teveoc



publicitat

LATERAL1 300X250: sapiéncia

Las mai...

publicitat

LATERAL1 300X250: radio pais

giny

Sondatge

Bulletin

Se vòls recebre per e-mail los grands títols de Jornalet, abona-te

Adreiça E-mail
       
avís legal
En complir la Lei de Servicis de la Societat de l'Informacion e de Comèrci Electronic e la Lei Organica de Proteccion de Donadas (de l'Estat espanhòl) t'informam que se vòls pas contunhar de recebre lo nòstre bulletin informatiu, te pòdes desabonar a travèrs d'aqueste formulari.



Etiquetas

giny





Jornalet, gaseta occitana d'informacions


Associacion entara Difusion
d'Occitània en Catalonha
(ADÒC)