Actualitats
L’agéncia de l’ÒNU per la proteccion dels dreches umans critica l’actitud espanhòla contra lo referendum
Un rapòrt critica la violacion dels dreches fondamentals coma las libertats d’expression, de reünion, d’associacion e de participacion publica
Un rapòrt del Naut Comissariat de las Nacions Unidas pels Dreches Umans denóncia la repression espanhòla contra lo referendum d’independéncia de Catalonha e Aran previst per deman. “Espanha deu respectar los dreches fondamentals”, çò ditz lo rapòrt que demanda al govèrn espanhòl d’arrestar las mesuras mesas en plaça per empedir que se vòte, e de cessar de reprimir de dreches basics coma las libertats d’expression, de reünion, d’associacion e de participacion publica.
Lo rapòrt, signat per Alfred de Zayas e David Kaye, assegura qu’al marge de la legalitat o l’illegalitat del referendum, las autoritats espanhòlas an la responsabilitat de respectar los dreches essencials dels ciutadans. E recòrdan lo barrament de sits web, l’enebicion d’actes politics e fan resson de las multitudinàrias manifestacions dels ciutadans.
En mai d’aquò, lo rapòrt mòstra lo chepic de l’ÒNU per la detencion de nauts foncionaris e per la preséncia de mai de quatre mila agents de polícia, car aquò farà aumentar las tensions e lo risc de susmautas dins una revendicacion portada d’un biais d’a fons pacific.
Enfin, lo rapòrt ditz que las mesuras del govèrn espanhòl son “inquietantas” perque “semblan de violar los dreches fondamentals, retalhar l’informacion publica e la possibilitat del debat dins un moment critic per la democracia espanhòla”
Lo rapòrt, signat per Alfred de Zayas e David Kaye, assegura qu’al marge de la legalitat o l’illegalitat del referendum, las autoritats espanhòlas an la responsabilitat de respectar los dreches essencials dels ciutadans. E recòrdan lo barrament de sits web, l’enebicion d’actes politics e fan resson de las multitudinàrias manifestacions dels ciutadans.
En mai d’aquò, lo rapòrt mòstra lo chepic de l’ÒNU per la detencion de nauts foncionaris e per la preséncia de mai de quatre mila agents de polícia, car aquò farà aumentar las tensions e lo risc de susmautas dins una revendicacion portada d’un biais d’a fons pacific.
Enfin, lo rapòrt ditz que las mesuras del govèrn espanhòl son “inquietantas” perque “semblan de violar los dreches fondamentals, retalhar l’informacion publica e la possibilitat del debat dins un moment critic per la democracia espanhòla”
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#1 Posicion de França (e d'autres país "democratics"):
1) Escocés: An lo drech de demandar la sieu independença e la dévon aver (es clar que tot cen que pòu faire tòrt ai Anglés...).
2) Curdes: An lo drech de demandar la sieu independença, pas aqueu de l'obtenir (cau faire mèfi de non si metre mau m'ai Turcs...).
3) Catalans: Non an lo drech de demandar la sieu independença.
Felicitacions al poble catalan per la maniera tant civilizada com ha duit lo procés del Referendum. Deman los democratas del mond estaran amb Catalunya e sa luita per poder votar e decidir. Guanharà l' òc de molt, e los resultats globals sian los que sian, seran vàlid. Endavant catalans !
“Roma no paga traïdors”. Aquestas fortes paraulas Mireia Boya (de la CUP) als Comuns, a l’acte final de campanha pel ‘sí’, valen tambén per Europa, traidora dels seus ideals democratics.
#1 Diguèt exactament : « Je connais seulement un partenaire et un ami qui est l’Espagne. L’Espagne tout entière. Je connais un seul interlocuteur que j’ai ici à mes côtés et qui s’appelle Mariano Rajoy, le reste ne me concerne pas. » Ponce Pitale, el diguèt que se'n lavava las mans. Donc, los carris d'assalhs pòdon dintrar dins Barcelona, coma 1939, Macron i coneisserà son que d'amics espanhòls ! La cançon aquesta, ja lo Fro,nt Populari ja la nos cantèt un còp. E se disiá d'esquèrra !
Lo Macron declarèt ièr a Tallin son sosten al govèrn espanhòl.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari