Bandièra01 1180x150: Comuna de Tolosa

Actualitats

Barcelona: 3000 musicians pel referendum

Amb aquel concertàs, lo collectiu de Musicians per la Libertat denoncièt la repression de la polícia espanhòla e la Gàrdia Civila e defendèt lo drech de votar deman

Las mobilizacions per lo referendum d’independéncia de Catalonha e Aran que se tendrà deman, son nombrosas e estonantas. D’un caire, l’estat manda de jutges e de policièrs contra los elegits e los foncionaris, barra de sits web, confisca de bulletins de vòte e d’afichas... De l’autre, los estudiants efectuan la cauma pus nombrosa de l’istòria de Catalonha, los pompièrs manifèstan en favor del referendum, los païsans marchan amb lors tractors e la comunautat educativa fa una multitudinària e simbolica remesa de claus dels centres escolars al president Carles Puigdemont. D’aquel temps, se multiplican per desenats de milièrs los volontaris per trabalhar durant la jornada electorala, los volontaris per protegir los burèus de vòte e quitament los avocats volontaris per ajudar los eventuals reprimits per las fòrças de l’òrdre desplaçadas en Catalonha e Aran.
 
De totas aquelas manifestacions, nos a estonats lo concèrt de 3000 cantaires e  musicians en sosten al referendum e contra la repression de la polícia espanhòla e de la Gàrdia Civila. Lo concèrt, organizat pel collectiu de Musicians per la Libertat, prepausèt las sardanas “Sant Martí del Canigó” e “La Santa Espina”, lo “Cant de la Senyera”, l’imne catalan “Els Segadors” e la populara cançon de Lluís Llach “L’Estaca”.

 

 

 
 
 




abonar los amics de Jornalet

 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

"Tàrrega" Igualada (PP.CC.)
1.

Si es que som collonuts! Només un poble que es lliure pot actuar de la manera que van actuar a l'1d'Octubre, encara que spain no vulgui i no li agradi, aquest poble es lliure, i així ho ha demostrat.
No tardarà a arribar la independència, la llibertat, també per l'Aran.
En fi, que ni spain ni Europa no espanta, ja s'ho trobaran, ah sense Cat. spain no es res.
Visca la Terra...Lliure!
L'Ernest, "El Tàrrega".

  • 0
  • 0

Escriu un comentari sus aqueste article