CAPÇALERA: publicitat jornalet
CAPÇALERA2: FAI-TE SOCI

Jornalet, gaseta occitana d'informacions

Dissabte, 21 de setembre

Actualitats

Diluns, 2 d'octòbre de 2017, 03h00 Societat,Politica,Lenga

Lengadòc > Lengadòc Bas > Narbonés

“La Dintrada” a reüssit a renovelar lo discors e lo “personal” occitanistas

Bilanç del Forum Ciutadan Occitan de setembre 2017


Comentaris 6 comentaris    
Marrit Flac Bon Plan bon Fabulós (8 vòtes)
carregant En cargar


Lo forum ciutadan occitan “La Dintrada” se debanèt a Narbona lo 16 de setembre.  La jornada se debanèt fòrt plan e 80 personas assistiguèron a las diferentas taulas redondas e debats.
 
Un dels objectius èra de renovelar lo discors e lo “personal” occitanistas: lo public aguèt lo plaser d’escotar de personas novèlas qu’avián de causas importantas de dire. Per un còp las femnas èran majoritarias dins las presas de paraula, es pas sovent que se vei aquò dins los encontres occitans! La causida èra tanben de partir de testimoniatges concrets, professionals o personals, qu’ancorèron los debats dins la realitat. Aguèrem tanben d’apòrts scientifics de la part d’universitaris que saupèron definir los mots, los concèptes, que portèron d’exemples venguts d’autres païses, e qu’ajudèron a melhor comprene los enjòcs.
 
La dimension participativa èra tanben una tòca d’aquel encontre. Aquí lo bilanç es mai nuançat. Foguèt una bona capitada lo matin amb d’escambis rics sus la tematica “Occitània multiculturala?” seguits per un pichon trabalh per grops de tres personas. De papieròts mirgalhats floriguèron sul panèl previst per aquò, amb de proposicions: çò que cal melhorar, çò que cal arrestar, çò que cal inventar! 
 
Per contra, de ser, se passèt pas aital. La rason màger es la manca de temps: lo debat suls “Enjòcs del numeric” se deguèt arrestar a 16h, per daissar de temps a la tresena tematica. Los obradors previstes se poguèron pas téner, mentre que mai d’un participant esperava aquò… damatge!
 
Lo tresen debat “Region ‘Occitanie’, que fasèm?” prometiá d’esser lo mai caud.. e foguèt efectivament lo mai passionat! Las intervencions un pauc mai longas que previst, daissèron pauc de temps al public per s’exprimir, alara que justament, lo mond dins la sala trepejavan e cremavan d’enveja de far saber lor posicion!
 
Se l’eveniment en se es important, la tòca es tanben de noirir la reflexion occitanista al delà d’aquela polida jornada. Totas las presas de paraula son estadas enregistradas, e de contribucions escrichas son tanben estadas culhidas. Faràn l’objecte d’una publicacion dins los meses avenidors. Mas podèm sens esperar dobrir qualques dralhas:
 
Lo tresen debat sul nom de la region lengadociana mostrèt clarament la manca de reflexion de l’occitanisme sus una organizacion politica del país. Fòrça preocupats a refortir e afirmar l’unitat de la lenga occitana, los occitanistas an pas elaborat de projècte clar e sustot consensual d’organizacion territoriala. Lo debat del matin, e en particular la cercaira Sabine Choquet, insistiguèt sus l’ancoratge territorial per metre en plaça una politica lingüistica amb l’exemple de Soïssa o de Canadà… Al delà de las batèstas sul nom de las regions, fa ara besonh de soscar a una revendicacion territoriala apevada sus la lenga e sas variantas, e tanben de prene en compte las constrenchas e las dinamicas territorialas, economicas e socialas.
 
“Internet es una revolucion, tan bèla coma la revolucion del Neolitic”, çò expliquèt Benjamin Assié, director del CIRDÒC. Tot lo mond foguèron d’acòrdi per dire que lo “big data” esperava pas los occitans per se metre en plaça! Aicí es clarament la manca de “productivitat” en matèria culturala qu’es estada mesa en evidéncia. Per accedir a una visibilitat minimala (per exemple esser reconeguts per Google) caldriá de milierats de paginas en occitan. La produccion audiovisuala es tanben flaca, tant coma la Wikipèdia en òc, etc. Doncas apèl a la mobilizacion generala: escrivètz, parlatz, filmatz, e sustot acceptatz de partejar!
 
La còla de l’ADEO qu’organiza La Dintrada amb l’ajuda de Convergéncia Narbonesa, vos anóncia son intencion d’organizar una edicion 2018 del forum dins lo meteis esperit!
 
 
 
 
Uc Jourde
 
 
            
        
    

fffff   fffff
  Las chifras

80 participants;
13 intervenents: 7 femnas e 6 òmes ;
6 jornalistas animators;
10 benevòls;
1 salariat de mièg temps ;
2 500 vistas sus Facebook ;
15 000 vistas sus Twitter
 
     

 
La Dintrada sus la television de Barcelona


 
 


abonar los amics de Jornalet
 



publicitat
BANER1-2-3: DGPL TRADUCTOR



Comentaris

3 d'octòbre 22.34h

Sembla l'acamp d'un microcòsme simpatic, mès ont es la societat civila, la que viu dins la vida veraia?
De véser las conclusions...


Valoriza aqueste comentari:   votar positiu 5   votar negatiu 1
Respondre comentari replica Comentari inadeqüat   Formulari d'abús de comentari

3 d'octòbre 15.41h

#4 Me sembla que la "Dintrada" preten pas èsser lo sol eveniment de l'annada. Urosament avèm un fum d'associacions e de moviments occitanistas que trabalhan de longa tot l'an e tanben maites eveniments. Podètz per ex junher lo laboratòri d'idèias e ostal d'edicion ADEO: http://www.adeo-oc.eu/


Valoriza aqueste comentari:   votar positiu 2   votar negatiu 0
Respondre comentari replica Comentari inadeqüat   Formulari d'abús de comentari

3 d'octòbre 09.37h

A l'an que ven ? A l'autom de 2018 solament ? Avèm lo temps de petafinar.
E ben, bòn astre per "La Sortida"... los pès davant ! E viva la tracidion occitana !


Valoriza aqueste comentari:   votar positiu 4   votar negatiu 3
Respondre comentari replica Comentari inadeqüat   Formulari d'abús de comentari

3 d'octòbre 09.01h

#2 Òc. Emai sus dos ò tres jorns.

Mi sembla que l'a mejan aquí de far un eveniment que recampa l'occitanisme. Un pauc coma èra l'estivada a passat temps, emai en mièlhs.

Une mena de fête de l'Huma occitane, ont lo conviviau e lo politic s'entremesclan.


Valoriza aqueste comentari:   votar positiu 4   votar negatiu 0
Respondre comentari replica Comentari inadeqüat   Formulari d'abús de comentari

2 d'octòbre 20.59h

Òsca per aquel forum ! Me sembla que seria interessant per l'an que ven de lo dobrir a de questions pertocant la joventut e de lor far de mai en mai de plaça...Benlèu doas jornadas per aprigondir e un moment festiu a la serada e La Dintrada vendrà lèu un eveniment incontornable per l'occitanisme e Occitània en general...


Valoriza aqueste comentari:   votar positiu 4   votar negatiu 0
Respondre comentari replica Comentari inadeqüat   Formulari d'abús de comentari

2 d'octòbre 11.33h

Tot aquò es bian mas vòle parlar d'un autre teme que me sembla pas esser abordat dins la reunion.
Ier, eram frances, pais de productors ente chaque vila, chaque region i trobava son compte, emben un governament qu'era mai en accòrd emben l'economia d'en bas, de las reussitas tecnologicas coma lo tgv.
Uei sem devenguts daus consomators localvòres. Sem pus frances mas localvòres. Sem pus productors mas consomators sens p'una possibilitat de decision, de creacion autonoma. Tot aquò se sent e... Legir mai


Valoriza aqueste comentari:   votar positiu 3   votar negatiu 0
Respondre comentari replica Comentari inadeqüat   Formulari d'abús de comentari

5 -10 -20 -totes
1




Comenta

Lo comentari es estat mandat corrèctament



  Previsualiza

La direccion del Jornalet a lo drech de publicar pas los comentaris que respècten pas las nòrmas basicas d'educacion, civisme e dialòg.
publicitat
BANER1-2-3: DGPL TRADUCTOR

Editorial

Lo jornalisme fa son trabalh

Lo 15 de mai passat, vesitàvem lo licèu Pierre et Marie Curie de Menton. Voliam far un pichon reportatge amb los liceans de la classa d’occitan per nòstra emission #aranésòc ...
giny

Lo temps

Mapa
  • sol Agen 21
  • sol Aush 20
  • sol Bordèu 21
  • sol Briançon 13
  • sol Caors 20
  • sol Carcassona 19
  • sol Clarmont-Ferrand 20
  • sol Confolent 18
  • sol Gap 8
  • sol La Canau 21
  • sol La Gàrdia 18
  • sol Limòtges 21
  • sol Lo Borg Sant Dalmatz 14
  • sol Lo Puèi de Velai 18
  • sol Marselha 18
  • sol Montpelhièr 18
  • sol Naut Aran 18
  • sol Niça 17
  • sol Nimes 18
  • sol Pau 21
  • sol Peireguers 21
  • sol Rodés 20
  • sol Tolon 20
  • sol Tolosa 19
  • sol Valença 18

giny

giny

Vidèos

giny

Entrevista

“Volèm recobrar la fiertat d’èsser catalans”

Jordi Riba president de l’Associacion Culturala Vibrant

“Volèm recobrar la fiertat d’èsser catalans”
giny

giny

publicitat

lateral 2 teveoc

Fotografias

  • Valadas. © Xavi Gutiérrez Riu

    Valadas

  • © Julien Cazenave

    12.02.2019: manifestacion a Brussèlas per la libertat presonièrs politics catalans jutjats a Madrid

  • © Franc Bardòu

    Asuèlhs Bigordans

  • © Franc Bardòu

    Tèrra albigesa

  • © Alzear Bofièr

    Estúdios de Ràdio Lenga d'Òc a Montpelhièr. © Alzear Bofièr

  • © Laurenç Revèst

    Via de Buelh a Pèunas a Valberg fins a Sant Laugier

  • Lo Pan de Sucre e la calanca dau Botafogo, vists dau Corcovado, lo mont dau famós Crist Redemptor de Rio de Janeiro. 20 de julhet dau 2012. © Règis Bosquet

    Concors d'estiu 2012: La fotografia de las vacanças

  • © Montse Torres -  Arxiu dels Castellers de la Vila de Gràcia

    "Castellers" catalans en Bearn

  • © Laurenç Revèst

    Menton, 'a vivaroalpenca maritima

  • © Franc Bardòu

    Coserans al còr

  • País de Rasés. © Franc Bardòu

    País de Rasés

  • Ciutat de Draoníer. © Cristòu Daurore

    Ciutat de Draoníer (Val Maira)

  • Un soquet de carinhan rassegat dins una vinha de Marcorinhan (à costat de Narbona) e que fa una plan polida femna occitana presta a despolharse ,la pauvreta, avant de s'en anar al fuóc la nueit de Nadal. © Arleta Theron

    Concors de Nadal de Jornalet: Cossí se passan las Calendas en cò vòstre?

  • © Celèsta Toion

    La plaja espaci de libertat? D'expression?

  • © Laurenç Revèst

    Nimes e preséncia d'occitan

  • Los Pokémons de la 3a generacion revirats en occitan

  • © Salça Morena

    Passeaia nucleària dal Prat (vilar de Sant Dalmaç lo selvatge) a Sant Dalmaç en passar per las baissas de Boneta e de Motiera (auta valaa de Tiniá)

  • © Xavi Gutiérrez Riu

    Baish Ador

  • Beneset Thauvin

    Concors de preseps, betlèms o grépias

  • © Asalaís Moniguet

    Montpelhièr la lengadociana

publicitat

lateral 2 teveoc



publicitat

LATERAL1 300X250: radio pais

Las mai...

publicitat

LATERAL1 300X250: radio pais

giny

Sondatge

Bulletin

Se vòls recebre per e-mail los grands títols de Jornalet, abona-te

Adreiça E-mail
       
avís legal
En complir la Lei de Servicis de la Societat de l'Informacion e de Comèrci Electronic e la Lei Organica de Proteccion de Donadas (de l'Estat espanhòl) t'informam que se vòls pas contunhar de recebre lo nòstre bulletin informatiu, te pòdes desabonar a travèrs d'aqueste formulari.



Etiquetas

giny





Jornalet, gaseta occitana d'informacions


Associacion entara Difusion
d'Occitània en Catalonha
(ADÒC)