Aquí octòbre que comença bèlament amb las finalas NRL e Superliga e que s’acabarà amb la debuta de la Copa del Mond!
Los Dragons se salvan la vida
Del costat de Perpinhan, se pòt enfin bufar e amb un grand buf de solatjament. Aqueste dissabte, es cò de Leigh e fàcia a l’esquipa locala, que los Dragons jogavan lo manten en Superliga. A la pausa, los Centurions menavan 6-4 e tornavan marcar tre la represa 10-4. A partir d’aquí, los catalans mestregèron la partida en marcant tres ensages e Walsh ajustava quatre penalitats qu’enfonzavan l’indisciplina anglesa. Fin finala, la marca a la còrna èra de 26-10 pels Sang e Aur . Es Hull KR que pren la plaça de Leigh per l’edicion de 2018 de Superliga, ont seràn tornarmai Warrington, Widnes e, doncas, los Dragons ont va caler preparar del melhor la sason venenta amb lo recrutament d’estrangièrs de tria e la fisança de balhar als joves catalans e occitans.
Un trofèu per Tolosa
Dins lo meteis temps, sus la pelena de Blanhac, lo Tolosa Olimpic garnissiá l’armari dels trofèus amb lo Championship Shield (competicion que recampa dels 5ns als 12ns del Championship) en assucant las Aglas de Sheffield: 44-14. De qué doblidar la non-qualificacion pel 8 del mitan en èsser la primièra esquipa occitana a marcar son nom dins los venceires d’una competicion anglesa. Per la sason venenta, Tolosa anóncia las arribadas del pilar neozelandés Rapira e tanben de William Barthau e Antòni Maria.
NRL: la Tempèsta bufa sus Sydney
La finala de la sason NRL a Sydney opausava los primièrs del classament: la Tempèsta de Melbourne amb los 8ns, los Vaquièrs. Tre la tresena minuta, los Vaquièrs perdián un pilar, nafrat al ginolh. Melborna dobrissiá la marca per un ensag de 80 mètres de son alièr Addo-Carr (19a). Ne marcava dos autres abans la pausa (18-0). A la represa, los Vaquièrs ensajavan de metre un còp, marcavan a la 48a minuta. Mas aquò èra un fuòc de palha e tres novèls ensages refortissián lo trionf de la Tempèsta: 34-6!
Superliga: Tigres e Rinocèros a Old Trafford
Las mièjs finalas de Superliga foguèron plan disputadas: los sostens passèron mai d’un còp de la jòia a las lagremas! Dijòus, a Castleford, St Helens menava 22-20 a la 79a minuta. Mas, sus la còrna, una penalitat del dobertura de Castleford Luke Gale metiá las doas formacions a egalitat. Dins las prolongacions al punt en aur, lo meteis Luke Gale (que jogava doas setmanas aprèp una operacion de l’apendiciti) encapava lo tombat que mandava los Tigres pel primièr còp de l’istòria en finala (23-22)! Lo divendres tanben, es sus un escart magrinèl de dos punts 18-16 que Leeds (que jogava l’an passat en Championship!) se qualificava fàcia a Hull FC. Los dos venceires se rescontraràn dissabte a Old Trafford (Manchester).
Alan Roch
Los Dragons se salvan la vida
Del costat de Perpinhan, se pòt enfin bufar e amb un grand buf de solatjament. Aqueste dissabte, es cò de Leigh e fàcia a l’esquipa locala, que los Dragons jogavan lo manten en Superliga. A la pausa, los Centurions menavan 6-4 e tornavan marcar tre la represa 10-4. A partir d’aquí, los catalans mestregèron la partida en marcant tres ensages e Walsh ajustava quatre penalitats qu’enfonzavan l’indisciplina anglesa. Fin finala, la marca a la còrna èra de 26-10 pels Sang e Aur . Es Hull KR que pren la plaça de Leigh per l’edicion de 2018 de Superliga, ont seràn tornarmai Warrington, Widnes e, doncas, los Dragons ont va caler preparar del melhor la sason venenta amb lo recrutament d’estrangièrs de tria e la fisança de balhar als joves catalans e occitans.
Un trofèu per Tolosa
Dins lo meteis temps, sus la pelena de Blanhac, lo Tolosa Olimpic garnissiá l’armari dels trofèus amb lo Championship Shield (competicion que recampa dels 5ns als 12ns del Championship) en assucant las Aglas de Sheffield: 44-14. De qué doblidar la non-qualificacion pel 8 del mitan en èsser la primièra esquipa occitana a marcar son nom dins los venceires d’una competicion anglesa. Per la sason venenta, Tolosa anóncia las arribadas del pilar neozelandés Rapira e tanben de William Barthau e Antòni Maria.
NRL: la Tempèsta bufa sus Sydney
La finala de la sason NRL a Sydney opausava los primièrs del classament: la Tempèsta de Melbourne amb los 8ns, los Vaquièrs. Tre la tresena minuta, los Vaquièrs perdián un pilar, nafrat al ginolh. Melborna dobrissiá la marca per un ensag de 80 mètres de son alièr Addo-Carr (19a). Ne marcava dos autres abans la pausa (18-0). A la represa, los Vaquièrs ensajavan de metre un còp, marcavan a la 48a minuta. Mas aquò èra un fuòc de palha e tres novèls ensages refortissián lo trionf de la Tempèsta: 34-6!
Superliga: Tigres e Rinocèros a Old Trafford
Las mièjs finalas de Superliga foguèron plan disputadas: los sostens passèron mai d’un còp de la jòia a las lagremas! Dijòus, a Castleford, St Helens menava 22-20 a la 79a minuta. Mas, sus la còrna, una penalitat del dobertura de Castleford Luke Gale metiá las doas formacions a egalitat. Dins las prolongacions al punt en aur, lo meteis Luke Gale (que jogava doas setmanas aprèp una operacion de l’apendiciti) encapava lo tombat que mandava los Tigres pel primièr còp de l’istòria en finala (23-22)! Lo divendres tanben, es sus un escart magrinèl de dos punts 18-16 que Leeds (que jogava l’an passat en Championship!) se qualificava fàcia a Hull FC. Los dos venceires se rescontraràn dissabte a Old Trafford (Manchester).
Alan Roch
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari